દિગ્ગજ ક્રિકેટર જેમ્સ એન્ડરસનને સરનું બિરુદ મળ્યું, સંન્યાસ બાદ નાઈટહૂડનો ટેગ મળ્યો
Sir James Anderson New Title: ઈંગ્લેન્ડના દિગ્ગજ ખેલાડી જેમ્સ એન્ડરસનને “સર” નું બિરુદ આપવામાં આવ્યું છે. બ્રિટિશ શાહી પરિવારના સભ્ય પ્રિન્સેસ એનીએ વિન્ડસર કેસલ ખાતે આયોજિત એક સમારોહમાં એન્ડરસનને નાઈટહૂડથી સન્માનિત કર્યા હતા.
ભૂતપૂર્વ બ્રિટિશ વડા પ્રધાન ઋષિ સુનકે એપ્રિલ 2024 માં એન્ડરસનને આ સન્માન માટે નામાંકિત કર્યા હતા. એન્ડરસન 21 વર્ષ સુધી ઈંગ્લેન્ડ માટે ક્રિકેટ રમ્યા હતા અને ટેસ્ટ ક્રિકેટમાં બ્રિટન માટે સૌથી વધુ વિકેટ લેનારા બોલર છે. આ શાનદાર ક્રિકેટ કારકિર્દી માટે એન્ડરસનને “સર” નું બિરુદ આપવામાં આવ્યું છે.
એન્ડરસન પહેલા કોને આ સન્માન મળ્યું?
જેમ્સ એન્ડરસન પહેલા ૧૪ ઈંગ્લેન્ડના ક્રિકેટરોને આ સન્માનથી સન્માનિત કરવામાં આવ્યા છે. જેમ્સ એન્ડરસન સરનો ખિતાબ મેળવનારા ૧૫મા ક્રિકેટર બન્યા છે. એન્ડરસન પહેલા ૨૦૧૯માં એન્ડ્રુ સ્ટ્રોસને આ સન્માન મળ્યું હતું. ઈંગ્લેન્ડના દિગ્ગજ ક્રિકેટર એલિસ્ટર કૂકને પણ સરનો ખિતાબ મળ્યો છે. એન્ડરસને ૨૦૨૪માં આંતરરાષ્ટ્રીય ક્રિકેટમાંથી નિવૃત્તિની જાહેરાત કરી હતી. તે હવે લેન્કેશાયર કાઉન્ટી માટે રમે છે.
Arise Sir Jimmy ⚔️
England’s leading Test wicket-taker has received his knighthood 🏏 pic.twitter.com/CEpjyaJ0i7
— Test Match Special (@bbctms) October 28, 2025
જેમ્સ એન્ડરસનની ક્રિકેટ કારકિર્દી
જેમ્સ એન્ડરસનની ક્રિકેટ કારકિર્દી શાનદાર રહી છે. તેમણે ડિસેમ્બર ૨૦૦૨માં ઓસ્ટ્રેલિયા સામેની ODI શ્રેણી સાથે આંતરરાષ્ટ્રીય ક્રિકેટમાં પ્રવેશ કર્યો હતો. એન્ડરસન જુલાઈ ૨૦૨૪માં લોર્ડ્સમાં આ શાનદાર કારકિર્દીને વિદાય આપશે. એન્ડરસને ૧૮૮ ટેસ્ટ મેચમાં ૭૦૪ વિકેટ અને ૧૯૪ ODIમાં ૨૬૯ વિકેટ લીધી છે. એન્ડરસને પોતાની કારકિર્દીમાં ફક્ત ૧૯ T20 મેચ રમી હતી, જેમાં ૧૮ વિકેટ લીધી હતી. એન્ડરસન ટેસ્ટ ક્રિકેટમાં ઈંગ્લેન્ડનો સૌથી વધુ વિકેટ લેનાર બોલર છે. ભારત અને ઇંગ્લેન્ડ વચ્ચેની સિરીઝનું નામ પણ જેમ્સ એન્ડરસન અને સચિન તેંડુલકરના નામ પરથી રાખવામાં આવ્યું છે.
આ પણ વાંચો: ચક્રવાતી તોફાન મોન્થાએ આંધ્ર પ્રદેશમાં તબાહી મચાવી, વૃક્ષો અને વીજપોલ ધરાશાયી થયા
