IRCTCનો મોટો ખુલાસો! ટ્રેનમાં ફૂડ ડિલિવરીના નામે ચાલતું હતું ફેક રેકેટ

IRCTC’s big revelation! : ટ્રેનમાં મુસાફરી દરમિયાન ઓનલાઈન ફૂડ ઓર્ડર કરવાની સુવિધા છેલ્લા કેટલાક વર્ષોમાં ખૂબ લોકપ્રિય બની છે. પરંતુ હવે આ સુવિધાનો દુરુપયોગ કરતા ફેક એપ્સ અને વેબસાઇટ્સ સામે ભારતીય રેલવે કેટરિંગ એન્ડ ટુરિઝમ કોર્પોરેશન (IRCTC)એ કડક કાર્યવાહી શરૂ કરી છે.

IRCTCએ એવી અનેક ગેરકાયદેસર e-catering વેબસાઇટ્સ અને મોબાઈલ એપ્સની ઓળખ કરી છે, જે IRCTCના નામ અને બ્રાન્ડનો ખોટો ઉપયોગ કરીને મુસાફરોને ભોજન પહોંચાડવાનો દાવો કરતી હતી.

મારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

મુસાફરો સાથે થતી હતી છેતરપિંડી

IRCTCના જણાવ્યા અનુસાર ઘણી ફેક વેબસાઇટ્સ અને એપ્સ મુસાફરોને લલચાવીને તેમની PNR વિગતો, મોબાઈલ નંબર, ઈ-મેલ અને પેમેન્ટ સંબંધિત માહિતી મેળવી રહી હતી. ઘણા કિસ્સાઓમાં મુસાફરો પાસેથી પૈસા લઈ લેવાયા બાદ પણ ભોજન પહોંચાડવામાં આવતું નહોતું.

આ ગેરકાયદેસર પ્લેટફોર્મ્સ IRCTC સાથે જોડાયેલા હોવાનો દાવો કરતા હતા, જ્યારે હકીકતમાં તેઓ IRCTCની અધિકૃત યાદીમાં સામેલ નહોતા.

પહેલા નોટિસ, પછી કાનૂની કાર્યવાહી

IRCTCએ 18 February 2026ના રોજ પ્રથમ વખત આવી ગેરકાયદેસર વેબસાઇટ્સ અને એપ્સને કાનૂની નોટિસ મોકલી હતી. જોકે કોઈ સકારાત્મક પરિણામ ન મળતા 16 March 2026ના રોજ પ્રથમ ફોજદારી ફરિયાદ નોંધાઈ હતી.

ત્યારબાદ 11 April 2026ના રોજ બીજી ફરિયાદ પણ નોંધાવવામાં આવી. ફરિયાદોના આધારે અનેક ગેરકાયદેસર ઓપરેટર્સની ઓળખ કરીને તેમના વિરુદ્ધ કાર્યવાહી હાથ ધરવામાં આવી છે.

આ વેબસાઇટ્સ સામે લેવાયો એક્શન

IRCTCએ નીચે દર્શાવેલી વેબસાઇટ્સ અને એપ્સ સામે કાયદેસરની કાર્યવાહી કરી છે:

• railrestro.com / railrestro.in
• railmitra.com
• travelkhana.com
• trainscafe.com
• dibrail.com
• railfood.net
• comesum.com
• travelerfood.com
• foodontrack.in
• ecatering.app
• khanaonline.in
• trainway.in
• railmeal.com
• trainmenu.com

IRCTCની અધિકૃત e-catering સેવા કેટલી મોટી?

IRCTCના જણાવ્યા અનુસાર April 2026 સુધી તેની e-catering સેવા 400થી વધુ રેલવે સ્ટેશનો પર ઉપલબ્ધ હતી.

આ સેવા સાથે 629 સીધા વેન્ડર્સ અને 13 અધિકૃત ફૂડ એગ્રીગેટર્સ મારફતે કુલ 5,604થી વધુ વેચાણકારો જોડાયેલા હતા.

આ સુવિધા દ્વારા રિઝર્વેશન ધરાવતા મુસાફરોને તેમની સીટ સુધી ભોજન પહોંચાડવામાં આવે છે. આંકડા મુજબ April 2026 દરમિયાન દરરોજ સરેરાશ 1.55 લાખથી વધુ ફૂડ ઓર્ડર્સ નોંધાયા હતા.

મુસાફરો માટે મહત્વપૂર્ણ સલાહ

IRCTCએ મુસાફરોને માત્ર અધિકૃત પ્લેટફોર્મ દ્વારા જ ફૂડ ઓર્ડર કરવાની સલાહ આપી છે. અજાણી વેબસાઇટ્સ અથવા એપ્સ પર પોતાની PNR, બેંકિંગ અથવા પેમેન્ટ માહિતી શેર કરવાથી આર્થિક નુકસાન થઈ શકે છે.

આ પણ વાંચો : 1947નું ભારત Vs 2026નું ઇન્ડિયા: નેહરુની મજબૂત નીવ અને મોદીના નિર્ણયોની દેશ પર અસર