અમેરિકામાં ભારતીય નિકાસમાં સતત ત્રીજા મહિને ઘટાડો, શ્રેણી C ઉત્પાદનો પર 50 ટકા ટેરિફની ભારે અસર
નવી દિલ્હી, 23 સપ્ટેમ્બર, 2025: ભારતની અમેરિકામાં નિકાસમાં ઘટાડો થયો હોવાના સંકેત મળ્યા છે. કેમ કે સપ્ટેમ્બર મહિનો પહેલો પૂરો એવો મહિનો છે કે જેમાં મુખ્ય ઉત્પાદનો પર 50 ટકા ટરિફ લાગુ છે. જીટીઆરઇના રિપોર્ટમાં આ જાણકારી આપવામાં આવી હતી. રિપોર્ટના અનુસાર ઓગસ્ટના આંકડાઓ આંશિક રૂપથી ઉચ્ચ ટેરિફની અસર બતાવે છે. નોંધનીય છે કે 6 ઓગસ્ટ સુધી 10 ટકા, 27 ઓગસ્ટ સુધીમા 25 ટકા અને 28 ઓગસ્ટ બાદ 50 ટકા ટેરિફ લાગુ કરાઇ હતી.
સતત ત્રીજા મહિને નિકાસમાં ઘટાડો
રિપોર્ટમાં જણાવાયું છે કે સપ્ટેમ્બરમાં કેટેગરી C નિકાસ પર સંપૂર્ણ 50% ટેરિફ લાદવાથી કાપડ, ઘરેણાં, ઝીંગા, રસાયણો અને સૌર પેનલ જેવા ક્ષેત્રોમાં ઘટાડાનો ઊંડો અનુભવ થઈ શકે છે. યુએસમાં નિકાસમાં સતત ત્રીજા મહિને ઘટાડો થયો છે, જેનું મુખ્ય કારણ ટેરિફમાં નોંધપાત્ર વધારો છે. જોકે, સ્માર્ટફોન અને ફાર્માસ્યુટિકલ્સ જેવી ટેરિફ-મુક્ત નિકાસમાં અણધાર્યો ઘટાડો વધુ ચિંતાજનક છે.
કેટેગરી Cની નિકાસ સૌથી વધુ પ્રભાવિત
GTRI રિપોર્ટમાં જણાવાયું છે કે કેટેગરી Cની નિકાસ, જે ભારતની યુએસમાં કુલ નિકાસના 62.7 ટકા હિસ્સો ધરાવે છે, તેને સૌથી વધુ ટેરિફ નુકસાન સહન કરવું પડ્યું છે. આ શ્રેણીમાં નિકાસ મે મહિનામાં 4.82 અબજ ડોલરથી 10.8 ટકા ઘટીને ઓગસ્ટ 2025માં 4.30 અબજ ડોલર થઈ ગઈ છે.
ટેરિફ-મુક્ત ઉત્પાદનોમાં નોંધપાત્ર ઘટાડો
આ ઘટાડો શ્રમ-સઘન ક્ષેત્રોમાં કેન્દ્રિત થયો છે, જે ભાવ સ્પર્ધા પ્રત્યે અત્યંત સંવેદનશીલ છે. દરમિયાન, ટેરિફ-મુક્ત ઉત્પાદનો, જે ઓગસ્ટમાં ભારતની નિકાસમાં 28.5 ટકા હિસ્સો ધરાવતા હતા, તેમાં 41.9 ટકાનો તીવ્ર ઘટાડો જોવા મળ્યો, જે મે મહિનામાં 3.37 અબજ ડોલરથી ઘટીને ઓગસ્ટમાં 1.96 બિલિયન થયો હતો. અહેવાલમાં આ તીવ્ર ઘટાડા માટે કંપનીઓ દ્વારા ઊંચા ટેરિફ ટાળવા માટે ફ્રન્ટલોડિંગને જવાબદાર ગણાવવામાં આવ્યું છે.
ઉદ્યોગ સંગઠનો ભારત સરકાર પાસેથી મદદની માંગ કરે છે
ઉદ્યોગ સંગઠનો ભારત સરકારને તાત્કાલિક પગલાં લેવા વિનંતી કરી રહ્યા છે અને વ્યાજ સમાનતા યોજના હેઠળ વ્યાજ સબસિડી, તાત્કાલિક ડ્યુટી માફી અને લિક્વિડિટી સપોર્ટના રૂપમાં સહાયની માંગ કરી રહ્યા છે. સ્થાનિક વપરાશને વધારવા માટે GST દરમાં ઘટાડો લાગુ કરવામાં આવ્યો છે, પરંતુ નિકાસ-વિશિષ્ટ રાહત પગલાંનો હજુ પણ અભાવ છે.
આ પણ વાંચોઃ H1-B વિઝા મોંઘા થતા IT કંપનીઓને રૂ. 1 લાખ કરોડનો ઝટકો, જાણો હવે આગળ શું છે આશા
