ટોપ ન્યૂઝટ્રેન્ડિંગનેશનલ

Video: કોંગ્રેસની સરકાર બનતા જ કેરળના CMના કાફલામાં VIP નંબર વાળી ગાડીઓ ક્યાંથી આવી?

National News: કેરળની નવી સરકાર અસ્તિત્વમાં આવી ચૂકી છે. આજે શપથ ગ્રહણ સમારોહ પછી મુખ્યપ્રધાન વી.ડી. સતીસન અને તેમના કેબિનેટ મંત્રીઓનો કાફલો રવાના થયો અને આખા દેશે આ વીડિયો ધ્યાનથી જોયો. આ વાહનો પર નંબર પ્લેટો પર ફક્ત એક કે બે અંક હતા. મુખ્યમંત્રીના કાફલામાં 1, 3, 7, 20, 21 અને 74 નંબરવાળા વાહનો જોવા મળ્યા. જેણે દરેકનું ધ્યાન ખેંચ્યું. તમને આશ્ચર્ય થશે કે આ કેવા પ્રકારની સિસ્ટમ છે? આ કોના વાહનો છે?

હકીકતમાં કેરળમાં આ એક પરંપરા બની ગઈ છે. કેરળના મુખ્યપ્રધાન અને મંત્રીઓના કાફલામાં સામેલ વાહનો પરના નંબરો રાજ્ય મંત્રીમંડળમાં મંત્રીઓનો બેઠક ક્રમ અથવા તેમની સત્તાવાર વરિષ્ઠતા દર્શાવે છે. મુખ્યમંત્રીની ઓફિશિયલ ગાડીનો નંબર 1 છે. તેમની સાથે જતા વાહનો (એસ્કોર્ટ) અને કેબિનેટ મંત્રીઓના વાહનોને સમાન ક્રમમાં નંબરો આપવામાં આવ્યા છે.

આ વાહન નંબરો કેરળ મોટર વાહન વિભાગ દ્વારા જારી કરવામાં આવ્યા છે. આમાંના કેટલાક નંબરોની ખૂબ માંગ છે, પરંતુ કેટલાક ખાસ નંબરો પાછળ એક અલગ કહાણી હોય છે.

સિંગલ ડિજિટ વાહનોનો અર્થ

કેબિનેટ મંત્રીઓ માટે સત્તાવાર રાજ્ય વાહન નંબરો તેમના રેન્કિંગ દ્વારા નક્કી કરવામાં આવે છે. ઉદાહરણ તરીકે કેબિનેટમાં બીજા ક્રમના સૌથી વરિષ્ઠ મંત્રીને સામાન્ય રીતે વાહન નંબર 2 મળે છે. ત્રીજા ક્રમના સૌથી વરિષ્ઠ મંત્રી વાહન નંબર 3 ચલાવે છે.

2016ના એક અહેવાલમાં જણાવાયું છે કે 2006માં વીએસ અચ્યુતાનંદન કેબિનેટમાં કોઈ પણ મંત્રી 13 નંબરની કાર ખરીદવા તૈયાર નહોતા. જોકે આ સામાજિક કલંકને ધોવા માટે શિક્ષણ મંત્રીએ પાછળથી 13 નંબરની કાર ખરીદી. ડાબેરી નેતાઓ નાસ્તિક છે અને શુભ કે અશુભ આંકડાઓમાં માનતા નથી, પરંતુ ડાબેરી સરકારમાં પણ દરેક વ્યક્તિ ૧૩ નંબરથી અંતર જાળવવા માંગતો હતો. પાછળથી રાજ્યના વાહન કાફલામાંથી પરંપરાગત રીતે 13 નંબરને બાકાત રાખવામાં આવ્યો હતો.

અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X

શું સામાન્ય જનતાને પણ એક અંકવાળો નંબર મળી શકે છે?

હા સામાન્ય લોકો અને VIPs ટ્રાન્સપોર્ટ ફેન્સી નંબર પોર્ટલ પર યોજાતા ઈ-હરાજી દ્વારા કાયદેસર રીતે એક-અંક અને બે-અંકના ફેન્સી નંબરો (જેમ કે 3, 0003, અથવા 1111) મેળવી શકે છે. કેરળમાં એક-અંકના ફેન્સી નંબરની પ્રારંભિક હરાજી કિંમત આશરે ₹1.5 લાખથી ₹3 લાખ સુધીની હોય છે.

આ પણ વાંચોઃ તમારું શહેર X, Y કે Z છે? જાણો 30 %, 20 % કે 10% HRAનો નિયમ, સેલરી-ટેક્સ પર તેની અસર
Back to top button