પહાડો પર હિમવર્ષાથી પડશે કાતિલ ઠંડી, આજે આ રાજ્યોમાં વરસાદનું એલર્ટ

નવી દિલ્હી, તા.28 ડિસેમ્બર, 2024: ઉત્તર ભારતમાં પંજાબ, હરિયાણા, ચંદીગઢ, દિલ્હી અને ઉત્તર પ્રદેશમાં છૂટાછવાયા સ્થળોએ પવન અને કરા સાથે વરસાદ અને ગાજવીજ થવાની સંભાવના છે. જમ્મુ-કાશ્મીર, હિમાચલ પ્રદેશ અને ઉત્તરાખંડમાં હિમવર્ષા થઈ છે. વરસાદને કારણે દિલ્હીમાં વિઝિબિલિટી ઓછી થઈ ગઈ હતી. જોકે, વિમાનોને કોઈ અસર થઈ ન હતી. વરસાદ અને ઠંડીને કારણે ગાઝિયાબાદમાં ત્રણ દિવસ માટે શાળાઓ બંધ કરી દેવામાં આવી છે. ભારતીય હવામાન વિભાગ (આઇએમડી) એ ઉત્તર પૂર્વ અને દક્ષિણ ભારતના કેટલાક ભાગોમાં ભારે વરસાદની ચેતવણી જારી કરી છે. કેટલાક વિસ્તારોમાં કમોસમી વરસાદ પડશે.

આજે અહીં વરસાદ પડશે

સ્કાયમેટ વેધરના હવામાન વિભાગના જણાવ્યા અનુસાર 28 ડિસેમ્બરના રોજ હરિયાણા, ઉત્તર પૂર્વ રાજસ્થાન, દિલ્હી, ઉત્તર પ્રદેશ, બિહાર, ઝારખંડ, ઉત્તર ઓડિશા અને પૂર્વોત્તર ભારતમાં ભારે વરસાદ પડશે. ભારે પવન અને ગાજવીજ સાથે 30-5 કિમી પ્રતિ કલાકની ઝડપે પવન ફૂંકાઈ શકે છે.

દિલ્હીમાં 27 વર્ષમાં સૌથી વધુ 42.8 મીમી વરસાદ નોંધાયો છે. અગાઉનો રેકોર્ડ ડિસેમ્બર 1997માં 71.8 મીમી હતો. તે જ સમયે, દિવસનું તાપમાન પણ 9.5 ડિગ્રી ઘટીને 14.6 ડિગ્રી થયું હતું, જે ડિસેમ્બરમાં પાંચ વર્ષમાં સૌથી ઓછું તાપમાન હતું.

#WATCH | Delhi: People take the help of a bonfire to keep themselves warm as mercury dips in the National Capital. As per IMD, the lowest temperature is forecasted at 12°C with a possibility of light rain.

(Visuals from Maulana Azad Road) pic.twitter.com/GjoKcKlJWx

— ANI (@ANI) December 28, 2024

શીત લહેર-હિમવર્ષાની ચેતવણી

હિમાચલ પ્રદેશના કેટલાક ભાગોમાં 29 થી 31 ડિસેમ્બર સુધી શીત લહેરની સ્થિતિ થવાની સંભાવના છે. શનિવારે વરસાદ અને હિમવર્ષા માટે લાહૌલ-સ્પીતિ અને ચંબા સહિત રાજ્યના છ જિલ્લાઓમાં ઓરેન્જ એલર્ટ જાહેર કરવામાં આવ્યું છે. 28મી ડિસેમ્બરે, ઉત્તરાખંડ અને હરિયાણા-ચંદીગઢ-દિલ્હીમાં છૂટાછવાયા સ્થળોએ તીવ્ર ઠંડીની સ્થિતિ રહે તેવી શક્યતા છે.

કિશ્તવાડમાં ત્રણના મોત, સાત વિમાનો રદ, પરીક્ષા મુલતવી

જમ્મુ-કાશ્મીરમાં કિશ્તવાડમાં કાર ખીણમાં પડી જતાં ત્રણ લોકોના મોત થયા હતા. ધુમ્મસના કારણે છ વિમાનો રદ કરવામાં આવી હતી. કાશ્મીર યુનિવર્સિટીની શનિવારે યોજાનારી તમામ પરીક્ષાઓ મુલતવી રાખવામાં આવી છે.

આ પણ વાંચોઃ મનમોહન સિંહને આજે અપાશે અંતિમ વિદાય, ટ્રાફિક એડવાઇઝરી જાહેર