મિડલ ઈસ્ટ કે યુરોપ નહીં, પરંતુ યુદ્ધથી ઉભી થયેલી મુસીબતમાં આપણા મિત્ર બન્યા આ નાના દેશ

National News: મધ્ય પૂર્વમાં ચાલી રહેલા તણાવને કારણે વૈશ્વિક સ્તરે તેલ અને ગેસ સંકટ સર્જાયું છે. ઈરાને હોર્મુઝ સ્ટ્રેટ બંધ કરી દીધું છે, જે વિશ્વની 20 ટકા ઉર્જાનું વહન કરે છે. આ તણાવની અસર વિશ્વના ત્રીજા સૌથી મોટા તેલ આયાતકાર દેશ ભારત સુધી પહોંચી છે. ભારત તેના ક્રૂડ ઓઈલનો લગભગ 40-50 ટકા હિસ્સો હોર્મુઝ સ્ટ્રેટ દ્વારા આયાત કરે છે. તેમ છતાં ભારતીય બજારો પર આ યુદ્ધની અસર અન્ય દેશોની તુલનામાં ઓછી જોવા મળી રહી છે.

ભારતની મજબૂત રાજનીતિએ બીજા વિશ્વયુદ્ધ પછીની સૌથી મોટી આંતરરાષ્ટ્રીય કટોકટીના સમયે પણ રસ્તો કાઢી લીધો છે. જ્યારે મોટા રાષ્ટ્રો કટોકટીનો સામનો કરી રહ્યા છે, ત્યારે ભારતે નાના ઓછા જાણીતા રાષ્ટ્રો સાથે સહયોગ કરીને મોટાભાગે કટોકટીને ટાળી દીધી છે. આ અઠવાડિયાની શરૂઆતમાં પેટ્રોલિયમ મંત્રાલયે અહેવાલ આપ્યો હતો કે છેલ્લા મહિનામાં ભારતમાં ક્રૂડ ઓઇલ, LPG અને LNG ની ઉપલબ્ધતામાં નોંધપાત્ર સુધારો થયો છે.

આ પરિવર્તન પાછળ નાના આફ્રિકન દેશોનો હાથ છે. અધિકારીઓએ જણાવ્યું હતું કે હોર્મુઝ સ્ટ્રેટમાં અવરોધને કારણે થતી અછતને પહોંચી વળવા માટે ભારતે તેના ક્રૂડ ઓઇલ અને ગેસ સોર્સિંગમાં વૈવિધ્યીકરણ કર્યું છે. જાહેર અને આવશ્યક ક્ષેત્રો પર પ્રતિકૂળ અસર ન પડે તે સુનિશ્ચિત કરવા માટે LPG અને LNG ના પુરવઠાને પણ પ્રાથમિકતા આપવામાં આવી રહી છે. પેટ્રોલિયમ મંત્રાલયના સંયુક્ત સચિવ સુજાતા શર્માએ જણાવ્યું હતું કે ઊર્જા ઉપલબ્ધતામાં ચોક્કસપણે સુધારો થયો છે અને અમે એક મહિના પહેલા કરતાં હવે ઘણી સારી સ્થિતિમાં છીએ.

અમારી WhatsApp ચેનલમાં જોડાવા આ લિંક પર ક્લીક કરો

કયા દેશોમાંથી ગેસ આવી રહ્યો છે અને આયાત કેટલી વધી?

ભારત દરરોજ 5.5-5.6 મિલિયન બેરલ ક્રૂડ ઓઇલની આયાત કરે છે. યુદ્ધ પહેલા આમાંથી 40-45 ટકા ભાગ હોર્મુઝ સ્ટ્રેટથી આવતો હતો. LPG માટે ભારત તેની વાર્ષિક 31 મિલિયન ટનની માંગના આશરે 60 ટકા આયાત દ્વારા પૂર્ણ કરે છે, જેમાં 90 ટકા ગેસ આ માર્ગ દ્વારા આવે છે.

કુદરતી ગેસનો વપરાશ 191 mmscmd છે, જેમાંથી 51 ટકા આયાત કરવામાં આવે છે અને લગભગ 60 ટકા મધ્ય પૂર્વના દેશોમાંથી આવે છે. અન્ય એક અધિકારીએ જણાવ્યું હતું કે LPG માટે ભારત અમેરિકા, રશિયા, કેનેડા, નોર્વે અને પશ્ચિમ આફ્રિકી દેશો જેમકે નાઇજીરીયા, અલ્જીરિયા, ઘાના, કાંગો અને અંગોલા જેવા દેશોના સંપર્કમાં છે અને આમાંથી ઘણા દેશોમાંથી પુરવઠો પણ ભારતમાં આવવા લાગ્યો છે. LNG માટે કેમરૂન , ઇક્વેટોરિયલ ગિની અને મોઝામ્બિક જેવા દેશો સાથે સંપર્ક કરવામાં આવ્યો છે .

દરમિયાન સાઉદી અને યુએઈ હોર્મુઝ સ્ટ્રેટને બાયપાસ કરતી પાઇપલાઇનો દ્વારા તેમનો કેટલોક પુરવઠો મોકલી રહ્યા છે. સાઉદી અરેબિયાની ઈસ્ટ-વેસ્ટ (યાનબુ) પાઇપલાઇન અને યુએઈની હબશાન-ફુજૈરાહ પાઇપલાઇન. આ પુરવઠાના કારણે થોડી રાહત મળી છે, જેના કારણે ભારત દરિયાઈ અવરોધો છતાં આ પ્રદેશમાંથી કેટલોક પુરવઠો મેળવવાનું ચાલુ રાખી શકે છે.

રશિયા પાસેથી તેલ ખરીદીમાં વધારો

ડિસેમ્બર 2025 અને જાન્યુઆરી-ફેબ્રુઆરી 2026 માં અમેરિકા સાથેના સોદા માટે ચાલી રહેલી વાટાઘાટો દરમિયાન રશિયાથી ભારતની આયાત ધીમી પડી ગઈ છે. મધ્ય પૂર્વમાં યુદ્ધે આયાતને ફરીથી વેગ આપ્યો છે, કારણ કે અમેરિકાએ ભારતને રશિયન તેલ ખરીદવા માટે 30 દિવસની છૂટ આપી હતી. આ કારણે ભારત સમુદ્રમાં પહેલેથી જ રહેલા જહાજોમાંથી તેલ ખરીદી શક્યું, માર્ચમાં ફેબ્રુઆરીની તુલનામાં રશિયા પાસેથી ભારતની ક્રૂડ ઓઇલ ખરીદીમાં 90 ટકાનો વધારો થયો, જ્યારે પશ્ચિમ એશિયામાંથી ઉર્જા પુરવઠામાં વિક્ષેપને કારણે કુલ આયાતમાં આશરે 15 ટકાનો ઘટાડો થયો.

આ પણ વાંચોઃ મોંઘવારીનો વધુ એક ડામ ! અદાણી બાદ હવે આ કંપનીએ CNGના ભાવમાં કર્યો ધરખમ વધારો