ભારતને મળ્યા નવા સીડીએસ, જાણો એન એસ રાજા સુબ્રમણિની વિશે બધું

India gets new CDS:  ભારત સરકાર દ્વારા દેશના નવા ચીફ ઓફ ડિફેન્સ સ્ટાફ તરીકે N. S. Raja Subramani ની નિમણૂક કરવામાં આવી છે. તેમની નિમણૂક બાદ દેશની સુરક્ષા વ્યવસ્થામાં મહત્વપૂર્ણ બદલાવ માનવામાં આવી રહ્યો છે. તેઓ કાર્યભાર સંભાળ્યા બાદ આગામી આદેશ સુધી સૈન્ય મામલાઓ વિભાગના સચિવ તરીકે પણ જવાબદારી નિભાવશે.

એન એસ રાજા સુબ્રમણિ લાંબા સમયથી ભારતીય સેનામાં વિવિધ મહત્વપૂર્ણ હોદ્દાઓ પર સેવા આપી ચૂક્યા છે. તેઓ 1 સપ્ટેમ્બર 2025થી રાષ્ટ્રીય સુરક્ષા પરિષદ સચિવાલયમાં સૈન્ય સલાહકાર તરીકે કાર્યરત હતા. આ પહેલાં તેઓ સેના સ્ટાફના ઉપપ્રમુખ તરીકે પણ ફરજ બજાવી ચૂક્યા છે.

માર્ચ 2023થી જૂન 2024 દરમિયાન તેમણે કેન્દ્રિય કમાનના જનરલ ઓફિસર કમાન્ડિંગ-ઇન-ચીફ તરીકે મહત્વપૂર્ણ જવાબદારી સંભાળી હતી. તેમના લાંબા અનુભવ અને વ્યૂહાત્મક સમજને ધ્યાનમાં રાખીને કેન્દ્ર સરકારે તેમને દેશના સર્વોચ્ચ સૈન્ય પદ માટે પસંદ કર્યા છે.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

હાલના સીડીએસ જનરલ અનિલ ચૌહાણનો કાર્યકાળ 30 મે 2026એ પૂર્ણ થવાનો છે. તે પહેલાં જ સરકાર દ્વારા નવા સીડીએસની જાહેરાત કરાતા સુરક્ષા ક્ષેત્રમાં નવી દિશા અને આયોજન અંગે ચર્ચા તેજ બની છે.

એન એસ રાજા સુબ્રમણિની નિમણૂકને દેશની સંયુક્ત સૈન્ય શક્તિ વધુ મજબૂત બનાવવાના પ્રયાસ તરીકે જોવામાં આવી રહી છે. તેમના નેતૃત્વ હેઠળ ત્રણે સેનાઓ વચ્ચે વધુ સારું સંકલન અને આધુનિકીકરણની આશા વ્યક્ત કરવામાં આવી રહી છે.

આ પણ વાંચો : Horoscope 9th May: આ રાશિના લોકો પોતાની જાત પર વિશ્વાસ રાખો, જુઓ આજનું રાશિ ભવિષ્ય