નદી પર બન્યો ભારતનો સૌથી લાંબો બ્રિજ, તેનાથી ચીનની સરહદ સુધી પહોંચાડી શકાય છે વોર ટેન્ક

નવી દિલ્હી, 17 નવેમ્બર, 2025: શું તમે જાણો છે કે આપણા દેશમાં 1.73 લાખથી વધુ બ્રિજ છે? આ બ્રિજ અલગ અલગ સાઇઝના છે. તેમાંના ઘણા બ્રિજ પ્રખ્યાત છે, કેમ કે તેનું મહત્ત્વ ઘણું વધુ છે. તેમાં હાવરા બ્રિજ અને મુંબઇમાં બનેલો અટલ સેતુ શામેલ છે. અટલ સેતુ ભારતનો સૌથી લાંબો સમુદ્રી બ્રિજ છે. પરંતુ નદી પર બનેલો સૌથી લાંબો બ્રિજ ક્યો છે? ચાલો તેના વિશે જાણીએ.

ભૂપેન હઝારિકા સેતુ

ભૂપેન હઝારિકા સેતુ ભારતનો સૌથી લાંબો નદી બ્રિજ છે, જે આસામમાં સ્થિત છે. તેની કુલ લંબાઈ 9.15 કિમી છે. આ બ્રિજને ધોળા-સાદિયા બ્રિજ તરીકે પણ ઓળખવામાં આવે છે. નોંધનીય છે કે આ બ્રિજ બે ભારતીય રાજ્યો, આસામ અને અરુણાચલ પ્રદેશને જોડે છે.

રૂ.876 કરોડના ખર્ચે બનેલ

આ બ્રિજ (ભૂપેન હઝારિકા સેતુ) રૂ. 876 કરોડના ખર્ચે બનાવવામાં આવ્યો હતો. આ બ્રિજ આસામમાં લોહિત નદી પર બનેલ છે.

ભૂપેન હઝારિકા સેતુ કોણે બનાવ્યો?

ભૂપેન હજારિકા સેતુનું નિર્માણ નવયુગ એન્જિનિયરિંગ કંપની દ્વારા કરવામાં આવ્યું હતું. ભારત સરકાર અને નવયુગ એન્જિનિયરિંગે નવેમ્બર 2011માં એક કરાર પર હસ્તાક્ષર કર્યા હતા. આ કરાર એક જાહેર-ખાનગી ભાગીદારી હતો જેના હેઠળ બ્રિજનું નિર્માણ કરવામાં આવ્યું હતું.

આ બ્રિજનું મહત્વ શું છે?

ભૂપેન હજારિકા સેતુ આસપાસના વિસ્તાર માટે ખૂબ મહત્વનું રહ્યું છે. આ બ્રિજથી આ પ્રદેશમાં પ્રવાસનને વેગ મળ્યો હતો, જેના પરિણામે ધોલા અને સદિયા સહિત અનેક ગામોનો આર્થિક વિકાસ થયો હતો. રિયલ એસ્ટેટ ક્ષેત્રને પણ ફાયદો થયો હતો. આ બધા પરિબળોથી આર્થિક વિકાસમાં વધારો થયો છે.

આ બ્રિજ ખૂબ જ મહત્વપૂર્ણ માનવામાં આવે છે

ભૂપેન હજારિકા સેતુ એક એવો બ્રિજ છે જે 60 ટનથી વધુ વજનના ભારે લશ્કરી અને યુદ્ધ ટેન્કોને હેન્ડલ કરી શકે છે. આ બ્રિજ ચીન સરહદ પર લશ્કરી અને યુદ્ધ ટેન્કોના પરિવહન માટે મહત્વપૂર્ણ છે.

નવયુગ એન્જિનિયરિંગનું સંચાલન કોણ કરે છે?

નવયુગ એન્જિનિયરિંગ નવયુગ ગ્રુપનો એક ભાગ છે, જેના એક્ઝિક્યુટિવ ચેરમેન ચિંતા વિશ્વેશ્વર રાવ છે અને મેનેજિંગ ડિરેક્ટર ચિંતા શ્રીધર છે. નવયુગ એન્જિનિયરિંગે કાલેશ્વરમ-સુંદીલા બેરેજ, દિબાંગ-લોહિત નદી બ્રિજ, ગંગા નદી બ્રિજ, કૃષ્ણપટ્ટનમ બંદર અને પોલાવરમ ડેમ પ્રોજેક્ટ સહિત અનેક બ્રિજ અને અન્ય પ્રોજેક્ટ્સ ડિઝાઇન કર્યા છે.

આ પણ વાંચોઃ સડકને કિનારે લારી, કમાણી લાખોમાં? બેંગલુરુમાં મોમો કિંગ, દિવસમાં રૂ. 1 લાખની કમાણીનો દાવો વાયરલ