8 ચોગ્ગા અને 7 છગ્ગા…સંજૂ સેમસને તોફાની ઈનિંગ્સ રમી ઈતિહાસ રચ્યો, કોહલીની બરાબરી કરી

મુંબઈ, 06 માર્ચ 2026: ઈંગ્લેન્ડ સામેની મેચમાં ટીમ ઈન્ડિયાના બેટ્સમેનોએ શાનદાર બેટિંગ કરી હતી. ભારતીય બેટ્સમેન શરૂઆતથી જ આક્રમક દેખાતા હતા. સંજુ સેમસન ફરી એકવાર સૌથી મોટું યોગદાન આપ્યું. તેણે નોકઆઉટ મેચમાં 89 રનની ધમાકેદાર ઇનિંગ રમીને ઈંગ્લેન્ડના બોલરોને બરબાદ કરી દીધા. આ ઇનિંગમાં સંજુએ આઠ ચોગ્ગા અને સાત જબરદસ્ત છગ્ગા ફટકાર્યા. 211 ના સ્ટ્રાઈક રેટથી બેટિંગ કરીને, તેણે ઇતિહાસ રચ્યો અને વિરાટ કોહલી દ્વારા સ્થાપિત એક મોટા રેકોર્ડની બરાબરી કરી.

What a player, what an innings! 👏

Virat Kohli 89*(47) vs WI, 2016
Sanju Samson’s 89(42) vs ENG, 2026

Joint-highest score by an Indian in ICC Men’s T20 World Cup knockouts! 🙌

ICC Men’s #T20WorldCup | Semi-final 2 | #INDvENG | LIVE NOW 👉 https://t.co/L2OuYBUDbL pic.twitter.com/2gNsU6Ry55

— Star Sports (@StarSportsIndia) March 5, 2026

સંજુએ વિરાટના રેકોર્ડની બરાબરી કરી

ઇંગ્લેન્ડ સામેની મેચમાં વિસ્ફોટક બેટિંગ કરતા સંજુ સેમસનએ 42 બોલમાં 89 રન બનાવ્યા. આ ઇનિંગથી ટીમ ઇન્ડિયાએ 20 ઓવરમાં જંગી સ્કોર બનાવ્યો. આ એક ઇનિંગ સાથે, સંજુએ વિરાટ કોહલીના રેકોર્ડની બરાબરી કરી લીધી છે. તે હવે T20 વર્લ્ડ કપ નોકઆઉટ મેચમાં સૌથી વધુ ઇનિંગ રમનાર ભારતીય બેટ્સમેન તરીકે વિરાટ સાથે જોડાયો છે. વિરાટ કોહલીએ 2016 ની સેમિફાઇનલમાં પણ 89 રન બનાવ્યા હતા. જોકે, સંજુ સેમસનની ઇનિંગનો સ્ટ્રાઇક રેટ ઘણો વધારે હતો.

ટીમ ઈન્ડિયાએ જોરદાર સ્કોર બનાવ્યો

આ મેચમાં ઘાતક બેટિંગ કરતી ટીમ ઈન્ડિયાએ 20 ઓવરમાં કુલ 253 રન બનાવ્યા. આ T20 વર્લ્ડ કપમાં કોઈપણ ટીમ દ્વારા બનાવેલ સૌથી વધુ સ્કોર છે. સંજુ ઉપરાંત, ઈશાન કિશને પણ 18 બોલમાં 39 રન બનાવ્યા. આ મેચમાં શિવમ દુબેએ પણ જોરદાર સિક્સર ફટકારી. તેણે 25 બોલમાં 43 રન બનાવ્યા. આ સાથે, ટીમ ઈન્ડિયા બે વાર 250+ રન બનાવનારી પ્રથમ ટીમ બની. આ મેચમાં ભારતીય બેટ્સમેનોએ 19 સિક્સર ફટકારી, જે એક જ મેચમાં કોઈપણ ટીમ દ્વારા સૌથી વધુ છે.

આ પણ વાંચો: ટીમ ઈંડિયાએ ઈતિહાસ રચી દીધો: વર્લ્ડ કપમાં 15મી વખત ફાઈનલમાં પહોંચ્યા, ઓસ્ટ્રેલિયાનો દબદબો ખતમ