Hair Fall: આ મહિનામાં સૌથી વધુ વાળ ખરે છે! તો રહ્યો રામબાણ ઈલાજ
દેશભરમાં ચોમાસાએ એન્ટ્રી કરી લીધી છે. આ વરસાદી ઋતુમાં અનેક રોગોનું જોખમ વધી જાય છે. સાથે જ વાળની સમસ્યામાં પણ ખુબ જ મોટા પ્રમાણમાં વધારો આ ઋતુમાં જોવા મળે છે. અને તેમાય ખાસ કરીને વાળ ખરવાની સમસ્યા. વરસાદની ઋતુમાં વાળમાં ભેજ હોય છે. માથાની ચામડીને લાંબા સમય સુધી ભીની રાખવાથી વાળની ઘણી સમસ્યાઓ થાય છે. નિષ્ણાતો આ સિઝનમાં વાળની ખાસ કાળજી લેવાની સલાહ આપે છે.
કયા મહિનામાં સૌથી વધુ વાળ ખરે છે?
તાજેતરમાં વાળ નિષ્ણાતોએ જણાવ્યું છે કે વર્ષના કયા મહિનામાં સૌથી વધુ વાળ ખરતા હોય છે. નિષ્ણાતો કહે છે કે સૌથી વધુ વાળ સપ્ટેમ્બર મહિનામાં અને તેની આસપાસના મહિનામાં ખરે છે. આ મહિનામાં વરસાદ પડ્યા બાદ શિયાળાની ઋતુ આવવા લાગે છે. આ બદલાતી સિઝનમાં વાળ ખરવાનું પ્રમાણ વધી જાય છે. નિષ્ણાતો કહે છે કે સપ્ટેમ્બર પછી જાન્યુઆરીથી વાળ ખરવાનું ધીમે ધીમે ઘટે છે.
ખાણી-પીણી અને જીવનશૈલીનું ધ્યાન રાખવું જરૂરી છે
જો કે ખાનપાન અને જીવનશૈલીનું ધ્યાન રાખવામાં આવે તો વાળ ખરતા રોકી શકાય છે. વિશ્વના પ્રખ્યાત હેર એક્સપર્ટ માર્ક બ્લેકના મતે સપ્ટેમ્બરમાં વાળ ખરવાની સમસ્યા સામે આવે છે. આ મહિનામાં તાપમાનમાં ઘણો ફેરફાર જોવા મળે છે. પરંતુ આ પછી ઓક્ટોબરથી વાળ ખરવાનું ઘટી જાય છે અને જાન્યુઆરી સુધીમાં વાળ ખરવાનું બંધ થઈ જાય છે.
વાળ માટે તણાવ એ એક મોટી સમસ્યા છે
માર્કે વાળ ખરવાનું કારણ પણ સમજાવ્યું. તેણે કહ્યું કે તણાવ વાળ ખરવાનું સૌથી મોટું કારણ છે. તેઓ કહે છે કે સ્ટ્રેસ લેવાથી માત્ર શરીર પર ખતરનાક અસર થાય છે. જેના લીધે વ્યક્તિના વાળ ખરવા લાગે છે. તણાવથી શરીરના એડ્રેનાલિન અને કોર્ટિસોલ હોર્મોન્સ વધવા લાગે છે. જે વાળની કુદરતી વૃદ્ધિની પ્રક્રિયાને બગાડે છે અને વાળ ખરવાની સમસ્યામાં વધારો કરે છે.
