ગુજરાતી અભિનેતાએ 57 વર્ષની ઉંમરે ફરી લગ્ન કર્યા, દીકરીઓ થઈ ભાવુક
jd majethia marriage: ટીવી જગતના જાણીતા અભિનેતા, નિર્દેશક અને નિર્માતા જેડી મજીથિયાએ 57 વર્ષની ઉંમરે પોતાની પત્ની નિપા મજીથિયા સાથે ફરી લગ્ન કરીને સૌને ચોંકાવી દીધા છે. ખાસ વાત એ છે કે આ લગ્ન તેમણે કોઈ બીજી સાથે નહીં પરંતુ પોતાની જ જીવનસાથી સાથે કર્યા છે.
કપલે હિંદુ રીતિ-રિવાજ પ્રમાણે લગ્ન કરીને 7 ફેરા લીધા. આ ખાસ પ્રસંગે તેમની બંને દીકરીઓ પણ હાજર રહી અને આ ખુશીના પળોને ઉજવ્યા. પરિવાર અને નજીકના મિત્રો વચ્ચે થયેલા આ સમારોહમાં ખુશીઓનો માહોલ જોવા મળ્યો.
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
લગ્ન દરમિયાન નિપાએ ડાન્સ સાથે બ્રાઇડલ એન્ટ્રી લીધી હતી અને કપલે પણ આનંદપૂર્વક ફેરા લીધા. જેડીએ પોતાની પત્નીને મંગળસૂત્ર પહેરાવ્યું અને સિંદૂર લગાવ્યું. આ પ્રસંગે કપલે એકબીજાને વર્માળા પહેરાવી અને સાથે ફોટોઝ પણ ક્લિક કરાવ્યા.
View this post on Instagram
તેમની દીકરીઓએ પણ માતા-પિતાના લગ્નમાં ખૂબ આનંદ વ્યક્ત કર્યો. પરિવાર સાથે ડાન્સ અને મોજમસ્તી કરતા તેઓ ખૂબ ખુશ જોવા મળ્યા. એક દીકરી તો ફોટો દરમિયાન ડાન્સ કરતી જોવા મળી હતી.
જેડીએ જણાવ્યું કે હવે તેમની દીકરીઓ કહી નહીં શકે કે તેઓ પિતાના લગ્નમાં હાજર નહોતી. આખા પરિવારે મળીને ખુશીના પળો ઉજવ્યા અને એકબીજાને પ્રેમ આપ્યો.
માહિતી મુજબ, લગભગ 30 વર્ષ પહેલા જેડી અને નિપાએ કોર્ટ મેરેજ કરી હતી અને ત્યારબાદ મથુરા જઈ ભગવાન કૃષ્ણના આશીર્વાદ લીધા હતા. પરંતુ તે સમયે તેઓ હિંદુ રીતિ-રિવાજ મુજબ લગ્ન કરી શક્યા નહોતા, જેના કારણે 7 ફેરા ન લેવાનો અફસોસ રહ્યો હતો.
આ કારણે હવે તેમણે પરિવાર સાથે પરંપરાગત રીતે લગ્ન કરીને પોતાની ઈચ્છા પૂર્ણ કરી છે. આ લગ્નનું આયોજન તેમની દીકરીઓએ કર્યું હતું અને લગ્ન પહેલા બેચલર પાર્ટી તથા પ્રી-વેડિંગ ફંક્શન પણ રાખવામાં આવ્યા હતા.
લગ્નના વિડિયો સોશિયલ મીડિયા પર શેર કર્યા બાદ ચાહકો તરફથી તેમને ફરી લગ્ન માટે અભિનંદન મળી રહ્યા છે.
જેડી મજીથિયા ટીવી જગતના જાણીતા ચહેરા છે અને લોકપ્રિય શોમાં તેમના અભિનય માટે જાણીતા છે.
આ પણ વાંચો : Success Story: પિતાની છત્રછાયા ગુમાવી પણ હિંમત ન હારી, ઘર ચલાવવા કાળી મજૂરી કરી, હવે બન્યો અધિકારી
