Google કરશે મોટો ફેરફાર, આખી દુનિયાના ડોમેન ચેંજ થશે; શું યુઝર્સ પર કોઈ અસર થશે?

HD ન્યુઝ ડેસ્ક, 16 એપ્રિલ 2025 : ગૂગલે એક મોટી જાહેરાત કરી છે, જેના પછી વિશ્વભરના યુઝર્સ ફેરફારો જોશે. મંગળવારે કરવામાં આવેલી જાહેરાત મુજબ, કંપની ટૂંક સમયમાં ગુગલના સ્થાનિક ડોમેનમાં ફેરફાર કરવા જઈ રહી છે. હાલમાં, વિવિધ દેશો માટે સ્થાનિક ગુગલ ડોમેન્સ છે, જેમ કે ભારત માટે Google Dot co Dot અને ફ્રાન્સ માટે Google Dot fr છે.

ગૂગલના આ સ્થાનિક ડોમેન્સ ઘણા વર્ષોથી ઉપયોગમાં છે અને લોકલ સર્ચ રિઝલ્ટ પ્રદાન કરવા માટે ઉપયોગમાં લેવાય છે. હવે નવા ફેરફાર હેઠળ, કંપની કન્ટ્રી કોડ ટોપ લેવલ ડોમેન્સ દૂર કરવા જઈ રહી છે, જેના સ્થાને યુઝર્સ સીધા google.com પર પહોંચશે.

ઝડપી, સચોટ અને પ્રમાણિત સમાચાર મેળવવા નીચે જણાવેલા અમારા કોઈપણ વૉટ્સએપ ગ્રુપમાં જોડાઈ શકો છો

ગૂગલ રિયલ ટાઇમ ફિઝિકલ લોકેશન ઍક્સેસ કરે છે
ઉલ્લેખનીય છે કે 2017 થી, ગૂગલ રિયલ-ટાઇમ ફિઝિકલ લોકેશનને ઍક્સેસ કરે છે જેથી રેલેવેંટ સર્ચ રિઝલ્ટ યૂઝર્સ સુધી પહોંચાડી શકાય, પછી ભલે તમે કોઈપણ દેશનું ગૂગલ ડોમેન ચલાવી રહ્યા હો.

આવનારા દિવસોમાં યુઝર્સને પરિવર્તન જોવા મળશે

ગૂગલે કહ્યું કે આ અપડેટ ટૂંક સમયમાં બધા યુઝર્સ સુધી પહોંચશે. આમાં થોડા મહિના લાગી શકે છે. આ પ્રક્રિયા પૂર્ણ થઈ ગયા પછી, જ્યારે પણ તમે URL માં કોઈપણ દેશનો કોડ લખો છો, ત્યારે તે આપમેળે Google.com પર રીડાયરેક્ટ થઈ જશે.

Google Search રિઝલ્ટ પર કોઈ અસર નહિ થાય
ગૂગલના આ ફેરફાર પછી, યુઝર્સના સર્ચ રિઝલ્ટ પર કોઈ અસર થશે નહીં. જોકે, કેટલાક યુઝર્સને પ્રીફરન્સ રીસેટ કરવાની જરૂર પડી શકે છે, જેમાં ભાષા અથવા પ્રદેશ પસંદગીનો સમાવેશ થઈ શકે છે. આ અંગેની માહિતી આગામી દિવસોમાં ઉપલબ્ધ થશે.

સ્થાનિક પરિણામો દેખાશે

આ અપડેટ પછી પણ, યુઝર્સને સ્થાનીય કન્ટેન્ટ અને સર્ચ રિઝલ્ટ મળતા રહેશે. ઉદાહરણ તરીકે, જો તમે જાપાનમાં છો, તો તમને જાપાન સંબંધિત સર્ચ રિઝલ્ટ મળતા રહેશે, અને જો તમે બ્રાઝિલના છો, તો તમને લોકલ રિઝલ્ટ મળશે.

આ પણ વાંચો : મુર્શિદાબાદમાં હિંસા અટકતી નથી, આજે ફરી આગચંપીનો બનાવ: સ્થાનિકોમાં ભયનો માહોલ