મતદાર યાદીમાંથી ઉમેરાયેલા કે દૂર કરાયેલા દરેક નામ માટે BLA પણ જવાબદાર રહેશેઃ ચૂંટણી પંચનો આદેશ
નવી દિલ્હીઃ 18 જૂન, 2025: EC New Rule: મહારાષ્ટ્ર વિધાનસભા ચૂંટણીના પરિણામો પછી, ચૂંટણી પંચે કોંગ્રેસ અને અન્ય વિપક્ષી પક્ષો દ્વારા કરવામાં આવી રહેલા મતદાર યાદીમાં ગેરરીતિઓના આરોપોનો સામનો કરવા માટે મજબૂત તૈયારીઓ કરવાનો નિર્ણય લીધો છે. જો કોઈ રાજકીય પક્ષ મતદાર યાદીમાં ગેરરીતિઓના આરોપો લગાવશે, તો તેણે પોતે જ જવાબ આપવો પડશે.
BLA પાસેથી લેખિત સંમતિ લેવામાં આવશે
જેનો અર્થ એ થયો કે, મતદાર યાદીમાંથી ઉમેરાયેલા કે કાઢી નાખવામાં આવેલા દરેક નામ માટે પક્ષ જવાબદાર રહેશે. આ અંતર્ગત, મતદાર યાદીમાંથી ઉમેરાયેલા કે કાઢી નાખવામાં આવેલા દરેક નામ માટે મતદાન મથકો પર નિયુક્ત રાજકીય પક્ષોના બૂથ લેવલ એજન્ટો (BLA) પાસેથી લેખિત સંમતિ લેવામાં આવશે. નોંધનીય છે કે, રાજકીય પક્ષોના પ્રતિનિધિઓ સંપૂર્ણ સમય સામેલ હોવા છતાં મતદાર યાદીના સુધારણામાં ગેરરીતિઓના આરોપો લાગી રહ્યા છે ત્યારે પંચે આ પગલું ભર્યું છે.
રાજકીય પક્ષ ગેરરીતિનો લગાવે છે આરોપ
ચૂંટણી પંચના જણાવ્યા અનુસાર, જો કોઈ રાજકીય પક્ષ ગેરરીતિનો આરોપ લગાવે છે, તો તેમને કહી શકાય કે તેના માટે તેમના બૂથ લેવલ એજન્ટે આ માટે સંમતિ આપી હતી.
BLAની હાજરી પણ પ્રમાણિત કરવામાં આવશે
એટલું જ નહીં, જો નામ ઉમેરવા કે કાઢી નાખવા અંગે તેમના તરફથી કોઈ વાંધો ઉઠાવવામાં આવશે, તો તેના પર લેવાયેલા નિર્ણયનો સંપૂર્ણ રેકોર્ડ રાખવામાં આવશે. આ સમગ્ર પ્રક્રિયામાં, ચૂંટણી પંચ પણ સુનિશ્ચિત કરશે કે ફરી નિરીક્ષણ દરમિયાન દરેક બૂથ પર રાજકીય પક્ષો સાથે સંકળાયેલા બૂથ લેવલ એજન્ટ (BLA)ની હાજરી પણ પ્રમાણિત કરવામાં આવે.
ચૂંટણી પંચ સાથે જોડાયેલા સૂત્રો પાસેથી મળતી માહિતી મુજબ, બિહારમાં શરૂ થનારી મતદાર યાદીના ફરી નિરીક્ષણમાં આ વ્યવસ્થાનો અમલ કરવામાં આવશે. જેના માટે બૂથ લેવલ ઓફિસર (BLO) સાથે રાજકીય પાર્ટી સાથે જોડાયેલા બૂથ લેવલ એજન્ટ (BLA)ને પણ ખાસ તાલીમ આપવામાં આવશે.
જો વાંધો હોય તો કારણ સાથે નોંધણી કરાવવી પડશે
જે હેઠળ, જો BLAને કોઈપણ નામ અંગે કોઈ વાંધો હોય, તો તેણે કારણ સાથે તે નોંધણી કરાવવી પડશે. બાદમાં ERO (મતદાર નોંધણી અધિકારી) તેની તપાસ કરશે અને તેના પર નિર્ણય લેશે. જો રાજકીય પક્ષોને હજુ પણ કોઈ વાંધો હોય, તો તેઓ તેને જિલ્લા ચૂંટણી અધિકારી (DEO) અને પછી રાજ્ય ચૂંટણી અધિકારી સમક્ષ પડકારી શકે છે.
આ પણ વાંચોઃ સંભલ હિંસા મામલે સપા સાંસદ બર્ક અને 23 અન્ય સામે 1000 પાનાની ચાર્જશીટ દાખલ
આ પણ વાંચોઃ યુરેનિયમ સંવર્ધન શું છે અને તેમાંથી પરમાણુ બોમ્બ કેવી રીતે બને છે, જે ઈરાનમાં ઈઝરાયલી હુમલાઓનું કારણ છે
