સરકારે આપી ચેતવણી! ભૂલથી પણ DigiLocker જેવી વેબસાઇટ પર ક્લિક ન કરતા, નહીંતર…
Digital India issues: દેશમાં ડિજિટલ સેવાઓનો વ્યાપ વધવાની સાથે જ ડિજીલોકર (DigiLocker) નો ઉપયોગ પણ ખૂબ ઝડપથી વધી રહ્યો છે. હવે લોકો પોતાના આધાર કાર્ડ, પાન કાર્ડ, ડ્રાઇવિંગ લાયસન્સ અને માર્કશીટ જેવા મહત્વના દસ્તાવેજો સાચવવા માટે ડિજીલોકર એપનો ઉપયોગ કરે છે. આ દરમિયાન સોશિયલ મીડિયા પ્લેટફોર્મ એક્સ (X) પર ‘ડિજિટલ ઇન્ડિયા’ (Digital India) તરફથી એક મોટું અને મહત્વનું એલર્ટ જાહેર કરવામાં આવ્યું છે. આ ચેતવણીમાં DigiLocker અને CISCE ના નામે ચાલી રહેલી એક નકલી (Fake) વેબસાઇટ અંગે લોકોને સાવધ રહેવા માટે કહેવામાં આવ્યું છે.
સરકાર દ્વારા જણાવવામાં આવ્યું છે કે “digilocker.cisceboard.org” નામની એક નકલી વેબસાઇટ ઇન્ટરનેટ પર સક્રિય થઈ છે, જે હૂબહૂ અસલી ડિજીલોકર પોર્ટલ જેવી જ દેખાય છે અને લોકોને ભ્રમિત કરી રહી છે. આ ફેક વેબસાઇટ દ્વારા યુઝર્સ પાસેથી આધાર નંબર, ઓટીપી (OTP), પર્સનલ ડિટેલ્સ અને બેંક પેમેન્ટ જેવી અત્યંત સંવેદનશીલ વિગતો માંગવામાં આવી રહી છે. જો કોઈ યુઝર ભૂલથી પણ પોતાની વિગતો આ સાઇટ પર સબમિટ કરશે, તો તે મોટા સાયબર ફ્રોડનો શિકાર બની શકે છે.
સરકારે કહી આ મોટી વાત: આ 5 સંસ્થાઓ સાથે કોઈ સંબંધ નથી
સરકારે સ્પષ્ટ કર્યું છે કે આ વિવાદાસ્પદ વેબસાઇટને સત્તાવાર ડિજીલોકર, CISCE, NAD, NeGD કે આઇટી મંત્રાલય (MeitY) સાથે કોઈ જ લેવાદેવા નથી. ઠગો આ પ્લેટફોર્મનો ઉપયોગ કરીને લોકો સાથે ઓળખની ચોરી (Identity Theft) અને બેંક એકાઉન્ટ ખાલી કરવા જેવા ગુના આચરી રહ્યા છે. ડિજિટલ ઇન્ડિયાએ પ્રવાસીઓ અને સામાન્ય નાગરિકોને ખાસ કરીને 4 વસ્તુઓ કોઈ પણ અજાણી સાઇટ પર શેર ન કરવા માટે ભારપૂર્વક જણાવ્યું છે:
* આધાર કાર્ડ નંબર (Aadhaar Number)
* વન ટાઇમ પાસવર્ડ (OTP)
* કોઈ પણ સત્તાવાર દસ્તાવેજો અપલોડ કરવા (Document Upload)
* ઓનલાઇન પેમેન્ટની વિગતો (Payment Details)
સાયબર એક્સપર્ટ્સની સલાહ: ફેક વેબસાઇટને આ રીતે ઓળખો
સાયબર ક્રાઇમના નિષ્ણાતોનું કહેવું છે કે નકલી વેબસાઇટો અસલી જેવી જ ડિઝાઈન કરવામાં આવે છે, પરંતુ તેના વેબ એડ્રેસ એટલે કે યુઆરએલ (URL) માં થોડો ફેરફાર હોય છે. તેથી હંમેશા વેબસાઇટ ઓપન કરતી વખતે ડોમેન નેમ બારીકાઈથી ચેક કરો.
* કોઈ પણ અજાણી લિંક પર સીધું ક્લિક કરવાના બદલે બ્રાઉઝરમાં જાતે જ સાચું URL ટાઇપ કરવાની આદત પાડો.
* ડિજીલોકરની સત્તાવાર સરકારી વેબસાઇટ હંમેશા .gov.in અથવા તેના ઓફિશિયલ ડોમેન સાથે જ સંકળાયેલી હોય છે.
* આજકાલ ઓનલાઇન ઠગો નકલી એપ્સ, ફેક વેબસાઇટ્સ અને ફેક કોલ્સ દ્વારા લોકોને ટાર્ગેટ કરી રહ્યા છે. આ સ્થિતિમાં તમારી થોડી સાવધાની જ તમને મોટા આર્થિક નુકસાનથી બચાવી શકે છે.
આ પણ વાંચોઃ અમદાવાદમાં નકલી PSIનો મોટું કૌભાંડ! ચાર રાજ્યની 21 યુવતીઓને પ્રેમજાળમાં ફસાવી લાખો રૂપિયા પડાવ્યા
આ પણ વાંચોઃ ટ્વિશા શર્મા કેસઃ બીજા પોસ્ટમોર્ટમની મંજૂરી મળી, CBIને તપાસ સોંપાશે, થશે અનેક ખુલાસા
અમારી WhatsApp ચેનલમાં જોડાવા આ લિંક પર ક્લીક કરો
