ભક્તોએ દિલ ખોલીને કર્યું દાન, શ્રી દંડાયુથપાણી મંદિરે કમાણીમાં બનાવ્યો રેકોર્ડ

Devotees donated with open heart:   Sri Dhandayuthapani Swamy Templeએ આ વર્ષે ચઢાવાના મામલે પોતાના તમામ જૂના રેકોર્ડ તોડી નાખ્યા છે. મંદિરને ભક્તો તરફથી રોકડ, સોનું, ચાંદી અને વિદેશી ચલણ રૂપે મળેલા દાન બાદ મંદિરની કુલ વાર્ષિક આવક 61 કરોડ 21 લાખ રૂપિયાથી વધુ પહોંચી ગઈ છે.

મંદિર પ્રશાસન દ્વારા જાહેર કરાયેલા આંકડા મુજબ, આ આવક અગાઉના વર્ષના 58 કરોડ 28 લાખ રૂપિયાના રેકોર્ડ કરતા લગભગ 2 કરોડ 93 લાખ રૂપિયા વધુ છે. મંદિરના ઈતિહાસમાં હૂંડી દ્વારા મળેલી આ અત્યાર સુધીની સૌથી મોટી વાર્ષિક આવક માનવામાં આવી રહી છે.

અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X

ભગવાન કાર્તિકેય મંદિર

ભગવાન કાર્તિકેયને સમર્પિત આ પ્રસિદ્ધ મંદિર તમિલનાડુના પલાની ખાતે શિવગિરી પર્વત પર આવેલું છે. દર વર્ષે લાખો ભક્તો અહીં દર્શન માટે પહોંચે છે અને દિલખોલીને દાન અર્પણ કરે છે. ખાસ કરીને તમિલ નવવર્ષ, થાઈ પૂસમ અને પંગુની ઉત્થિરમ જેવા તહેવારો દરમિયાન અહીં ભારે ભીડ જોવા મળે છે.

મંદિર પ્રશાસનના જણાવ્યા મુજબ, તાજેતરની હૂંડી ગણતરી દરમિયાન 1 કરોડ 40 લાખ રૂપિયા કરતાં વધુ રોકડ રકમ મળી આવી હતી. આ ઉપરાંત 187 ગ્રામથી વધુ સોનું, 4 કિલોથી વધુ ચાંદી અને 255 વિદેશી ચલણના સિક્કા પણ ભક્તોએ દાનમાં આપ્યા હતા.

દાનની ગણતરી પ્રક્રિયા મંદિર અધિકારીઓ, બેંક કર્મચારીઓ, સ્વયંસેવકો તેમજ કોલેજ વિદ્યાર્થીઓની હાજરીમાં પૂર્ણ કરવામાં આવી હતી. મંદિર સંચાલકોએ આ ઐતિહાસિક સિદ્ધિ માટે ભક્તોની વધતી આસ્થા અને શ્રદ્ધાને મુખ્ય કારણ ગણાવ્યું છે.

મંદિર પ્રશાસનનું માનવું છે કે ભગવાન મુરુગન પ્રત્યે લોકોની ગાઢ ભક્તિના કારણે દર વર્ષે દાનની રકમમાં સતત વધારો થઈ રહ્યો છે અને ભવિષ્યમાં પણ આ આંકડો વધુ વધી શકે છે.

આ પણ વાંચો : વરસાદના કારણે ભારત-ઈંગ્લેન્ડ વચ્ચે પ્રથમ ટી20 મેચ રદ કરવી પડી, બીજી ઈનિંગ્સમાં એક બોલ પણ ન ફેંકાયો