ચીનના એક ફેંસલાથી ફરી વધી શકે છે સોનાની કિંમત, ભારતમાં પણ દેખાઇ શકે છે અસર
નવી દિલ્હી, 3 નવેમ્બર, 2025: સોના ચાંદીની કિંમતોમાં પાછલા કેટલાક દિવસોથી ઘટાડો જોવા મળી રહ્યો છે, પરંતુ એક વાર ફરી કિંમત વધવાનું અનુમાન લગાવવામાં આવી રહ્યુ છે, હકીકતમાં ચીને સોનાની ખરીદી પર ટેક્સ છૂટ સમાપ્ત કરી દીધી છે. અહીંના નાણાં મંત્રાલયે જણાવ્યું હતુ કે 1 નવેમ્બરથી છુટક વિક્રેતા શાંઘાઇ ગોલ્ડ એક્સચેંજથી ખરીદવામાં આવેલા સોનાના વેચાણ પર વેલ્યુ એડેડ ટેક્સ (VAT)ની છુટ લઇ શકશે નહી, ચાહે તે સીધી રીતે વેચવામાં આવ્યું હોય કે પ્રોસેસિગ પછી. આ નિર્ણયને કારણે ચીનમાં સોનાની વધતી માંગ વચ્ચે તેની કિંમત 3થી 5 ટકા વધી જશે.
આ નિર્ણય શા માટે લેવામાં આવ્યો?
આ નિર્ણય એવા સમયે લેવામાં આવ્યો છે જ્યારે ચીનનું રિયલ એસ્ટેટ બજાર સુસ્ત છે અને આર્થિક વિકાસ ધીમો પડી ગયો છે. સોના પર VAT દૂર કરવાથી સરકારી આવકમાં વધારો થશે. જો કે, આ ફેરફાર ચીનમાં સોનાના ભાવમાં વધારો કરશે, જેનાથી લોકો માટે તે ખરીદવું વધુ મોંઘું થશે. ચીન સોનાનો વિશ્વનો સૌથી મોટો ગ્રાહક દેશ છે. આ ભાવ વધારાથી માંગમાં અસ્થાયી ઘટાડો થશે, જેના કારણે વૈશ્વિક સ્તરે સોના પર દબાણ આવશે.
નવો નિયમ શું કહે છે?
નવો નિયમ અમલમાં આવ્યા પછી, એક્સચેન્જો રોકાણ હેતુ માટે ખરીદ્યા પછી વેરહાઉસમાંથી સોનાની ડિલિવરી પર રિફંડ જારી કરશે. જો કે, જો તે જ સોનાનો ઉપયોગ બાર અથવા સિક્કાના રૂપમાં કરવામાં આવે છે અને વેચવામાં આવે છે, તો VAT ચૂકવવાપાત્ર રહેશે, અને એક્સચેન્જ રિફંડ જારી કરશે નહીં. જો એક્સચેન્જ સભ્યો રોકાણ સિવાયના હેતુ માટે સોનું ખરીદે છે, તો તેઓ ચૂકવેલા 6% VAT ના રિફંડનો દાવો કરી શકે છે. તેવી જ રીતે, જો કોઈ ગ્રાહક એક્સચેન્જમાંથી સીધું સોનું ખરીદે છે, તો તેના પર VAT વસૂલવામાં આવશે નહીં, પરંતુ તેને વેચવા પર VAT ચૂકવવો પડશે.
ભારત પર શું અસર પડશે?
છેલ્લા કેટલાક મહિનાઓથી, ભારે સોનાની ખરીદી વચ્ચે, તેની કિંમત રેકોર્ડ ઊંચાઈએ પહોંચી ગઈ હતી. સોનું ઓવરબોટ ઝોનમાં પ્રવેશી ગયું હતું. જોકે, નફા-બુકિંગ, વૈશ્વિક તણાવ ઓછો થવા અને તહેવારોની મોસમ પછી સ્થાનિક માંગમાં ઘટાડો થવાને કારણે, ભાવમાં તીવ્ર ઘટાડો થયો છે. જોકે, હવે, ચીનના નિર્ણયને કારણે ભાવ ફરી એકવાર વધી શકે છે. આની અસર ભારત પર પણ પડી શકે છે. નિષ્ણાતોના અંદાજ મુજબ, આનાથી દેશમાં સોનાના ભાવમાં 3-5 ટકાનો વધારો થઈ શકે છે.
આ પણ વાંચોઃ લોન ફ્રોડ મામલે ED દ્વારા અનિલ અંબાણી પર મોટું પગલું, 3000 કરોડથી વધુ સંપત્તિ જપ્ત
