Budget 2026-27: માનસિક આરોગ્ય માટે એલાન, લખપતિ દીદી યોજના સફળ

નવી દિલ્હી, 1 ફેબ્રુઆરી 2026 — કેન્દ્રિય નાણામંત્રી નિર્મલા સીતારમણે બજેટ 2026-27ના ભાષણમાં માનસિક આરોગ્ય, મહિલા સશક્તિકરણ અને દિવ્યાંગજનના સર્વાંગી વિકાસ માટે અનેક મહત્વપૂર્ણ જાહેરાતો કરી છે. સરકારનો ઉદ્દેશ સમાજના દરેક વર્ગને આર્થિક રીતે સશક્ત અને આત્મનિર્ભર બનાવવાનો છે.

માનસિક આરોગ્ય માટે મોટો નિર્ણય
નાણામંત્રીએ જણાવ્યું કે દેશમાં વધતી માનસિક આરોગ્ય સંબંધિત સમસ્યાઓને ધ્યાનમાં રાખીને મેન્ટલ હેલ્થ ઇન્સ્ટિટ્યુટ્સને વધુ મજબૂત બનાવવામાં આવશે.
આ અંતર્ગત:

• માનસિક આરોગ્ય સંસ્થાઓમાં આધુનિક સુવિધાઓ ઉમેરાશે

• નિષ્ણાત ડોક્ટરો અને કાઉન્સેલર્સની સંખ્યા વધારાશે

• માનસિક આરોગ્ય સેવાઓને ગ્રામ્ય અને શહેરી વિસ્તારો સુધી પહોંચાડવામાં આવશે

સરકારનો હેતુ એ છે કે માનસિક આરોગ્યને લઈને રહેલા સામાજિક સંકોચને દૂર કરી લોકો સુધી સારવાર સરળતાથી પહોંચે.

લખપતિ દીદી યોજના સાબિત થઈ સફળ
નાણામંત્રીએ જણાવ્યું કે લખપતિ દીદી યોજના સફળતાપૂર્વક અમલમાં આવી છે. આ યોજના દ્વારા મહિલાઓ ક્રેડિટના સહારે રોજગાર અને સ્વરોજગાર સ્થાપિત કરી રહી છે.
ઘણી મહિલાઓ હવે નાના ઉદ્યોગ, સ્વસહાય જૂથો અને ઘરઆધારિત વ્યવસાય દ્વારા આર્થિક સ્વાવલંબન તરફ આગળ વધી રહી છે.

આ પણ વાંચો : Budget 2026-27/ નાણામંત્રીએ દિવ્યાંગજન કૌશલ યોજનાની જાહેરાત કરી