Border 2 Box Office Day 13: બોર્ડર 2ની ગતિ યથાવત, શું 13મા દિવસે પાર કરશે 300 કરોડનો આંકડો?

મુંબઈ, 4 ફેબ્રુઆરી 2026:  સની દેઓલ અભિનિત વોર ડ્રામા ફિલ્મ ‘બોર્ડર 2’એ બોક્સ ઓફિસ પર પહેલા અઠવાડિયામાં ધમાકેદાર પ્રદર્શન કર્યું હતું. જોકે, બીજા અઠવાડિયામાં ફિલ્મની કમાણીની ગતિ થોડી ધીમી પડી છે. 23 જાન્યુઆરી 2026ના રોજ રિલીઝ થયેલી આ ફિલ્મને દેશભક્તિની ભાવના અને મજબૂત સ્ટારકાસ્ટના કારણે દર્શકોનો ભરપૂર પ્રેમ મળ્યો છે.

ભલે કમાણીમાં ઘટાડો જોવા મળી રહ્યો હોય, પરંતુ ‘બોર્ડર 2’ હજુ પણ બોક્સ ઓફિસ પર મજબૂત પકડ જાળવી રાખી છે અને હવે 300 કરોડના મોટા માઈલસ્ટોનની નજીક પહોંચી ગઈ છે. અહીં જાણીએ ફિલ્મના બીજા બુધવાર એટલે કે 13મા દિવસની કમાણી અને ઓક્યુપન્સી વિશેની તાજી માહિતી.

13મા દિવસની અત્યાર સુધીની કમાણી

ટ્રેડ આંકડા આપતી વેબસાઇટ Sacnilk મુજબ, ફિલ્મે રિલીઝના 13મા દિવસે બપોરે 12 વાગ્યા સુધીમાં 24 લાખ રૂપિયાની કમાણી કરી છે. નોંધનીય છે કે રાત્રે 10:30 વાગ્યા બાદ ફાઈનલ આંકડા જાહેર થશે, ત્યારે કમાણીમાં વધુ વધારો થવાની શક્યતા છે.

‘બોર્ડર 2’ બોક્સ ઓફિસ કલેક્શન (દિવસવાર)

• પહેલો દિવસ: 30 કરોડ

• બીજો દિવસ: 36.5 કરોડ

• ત્રીજો દિવસ: 54.5 કરોડ

• ચોથો દિવસ: 59 કરોડ

• પાંચમો દિવસ: 20 કરોડ

• છઠ્ઠો દિવસ: 13 કરોડ

• સાતમો દિવસ: 11.25 કરોડ

• આઠમો દિવસ: 10.75 કરોડ

• નવમો દિવસ: 17.75 કરોડ

• દસમો દિવસ: 22.50 કરોડ

• અગિયારમો દિવસ: 5.75 કરોડ

• બારમો દિવસ: 5.75 કરોડ

• તેરમો દિવસ: 0.24 કરોડ (બપોરે 12 વાગ્યા સુધી)

કુલ અંદાજિત કલેક્શન: 286.99 કરોડ રૂપિયા

13મા દિવસની ઓક્યુપન્સી

4 ફેબ્રુઆરી 2026, બીજા બુધવારની મોર્નિંગ ઓક્યુપન્સી અંગેના આંકડા હજુ અપડેટ થવાના બાકી છે.

મેકર્સના દાવા મુજબ 12 દિવસમાં 315 કરોડ

ફિલ્મના નિર્માતાઓ દ્વારા જાહેર કરાયેલા આંકડા મુજબ, ‘બોર્ડર 2’એ રિલીઝના 12 દિવસમાં જ 315 કરોડ રૂપિયાનું કલેક્શન કરી લીધું છે. મેઈકર્સના કહેવા પ્રમાણે, પહેલા અઠવાડિયામાં ફિલ્મે 244.97 કરોડ કમાયા હતા. ત્યારબાદ 8મા દિવસે 12.53 કરોડ, 9મા દિવસે 20.17 કરોડ, 10મા દિવસે 24.22 કરોડ, 11મા દિવસે 6.52 કરોડ અને 12મા દિવસે 6.69 કરોડની કમાણી નોંધાઈ હતી.

‘બોર્ડર 2’ની સ્ટારકાસ્ટ

ઉલ્લેખનીય છે કે ‘બોર્ડર 2’ 1997ની કલ્ટ ક્લાસિક ફિલ્મ ‘બોર્ડર’ની સીક્વલ છે. ફિલ્મમાં સની દેઓલ સાથે સાથે વરুণ ધવન, દિલજીત દોસાંઝ, અહાન શેટ્ટી, મોના સિંહ, મેધા રાણા અને સોનમ બાજવા મહત્વપૂર્ણ ભૂમિકાઓમાં જોવા મળે છે. આ વોર ડ્રામા ફિલ્મ 23 જાન્યુઆરીથી દેશભરના સિનેમાઘરોમાં ચાલી રહી છે.

આ પણ વાંચો : કોણ છે યુમનામ ખેમચંદ સિંહ, જેઓને મળી મણિપુરના CMની ખુરશી? બિરેન સિંહની સરકારમાં હતી મંત્રી