અર્જેંટિના સતત બીજી વાર ફુટબોલની ફાઈનલમાં પહોંચી, જીતના જશ્નમાં ભાન ભૂલ્યા

Fifa World Cup 2026: ડિફેન્ડિંગ ચેમ્પિયન આર્જેન્ટિના સતત બીજી વખત વર્લ્ડ કપ ફાઇનલમાં પહોંચી છે. બુધવારે રાત્રે બીજા સેમિફાઇનલમાં લિયોનેલ મેસ્સીની ટીમે ઇંગ્લેન્ડને 2-1થી હરાવ્યું. 85 મિનિટ સુધી 0-1થી પાછળ રહીને, તેઓએ અંતિમ સાત મિનિટમાં બે ગોલ કરીને વિજય મેળવ્યો. 19 જુલાઈના રોજ ફાઇનલમાં તેઓ સ્પેન સામે ટકરાશે.

એટલાન્ટામાં એન્થોની ગોર્ડનના 55મી મિનિટના ગોલે ઇંગ્લેન્ડને ફાઇનલ માટે આગળ ધપાવ્યું. પરંતુ લિયોનેલ મેસ્સીની ટીમે છેલ્લી ઘડીએ મેચનું પરિણામ પલટી નાખ્યું. એન્ઝો ફર્નાન્ડીઝે 25 યાર્ડ દૂરથી શાનદાર ગોલ કરીને મેસ્સીનો પાસ લઈને સ્કોર 1-1 કર્યો. ત્યારબાદ, ઇન્જરી ટાઇમની બીજી મિનિટે, સબસ્ટિટ્યુટ લૌટારો માર્ટિનેઝે મેસ્સીના ક્રોસ પર એક પરફેક્ટ હેડર ગોલ કરીને વિજયને સીલ કર્યો.

આ આર્જેન્ટિનાનો સાતમો વર્લ્ડ કપ ફાઇનલ હશે. આ ટીમ અગાઉ 1930, 1978, 1986, 1990, 2014 અને 2022માં ફાઇનલમાં રમી ચૂકી છે. આર્જેન્ટિનાએ 1978, 1986 અને 2022માં વર્લ્ડ કપ જીત્યો હતો. હવે, તેમની પાસે સતત બીજો અને એકંદરે ચોથો ખિતાબ જીતવાની તક છે.

ફિફા વર્લ્ડ કપ 2026 ની ફાઇનલ મેચ સ્પેન અને ડિફેન્ડિંગ ચેમ્પિયન આર્જેન્ટિના વચ્ચે રમાશે. સ્પેને ફ્રાન્સ સામેની પહેલી સેમિફાઇનલ મેચ જીતીને ટાઇટલ મેચમાં પોતાનું સ્થાન સુરક્ષિત કર્યું હતું, જ્યારે આર્જેન્ટિનાએ બીજી સેમિફાઇનલ મેચ ઇંગ્લેન્ડ સામે છેલ્લી ઘડીએ બે ગોલ કરીને 2-1ના માર્જિનથી જીતીને સતત બીજી વખત ફાઇનલમાં પોતાનું સ્થાન સુરક્ષિત કર્યું હતું.

ઇંગ્લેન્ડ સામેની જીત બાદ, આર્જેન્ટિનાના ખેલાડીઓ ખૂબ જ ઉત્સાહિત જોવા મળ્યા હતા અને આ દરમિયાન, ઉજવણી કરતી વખતે, તેઓએ એવી ભૂલ કરી હતી જેના કારણે FIFA હવે તેમની સામે કાર્યવાહી કરી શકે છે.

સેમિફાઇનલમાં વિજય પછી ઉજવણી દરમિયાન, આર્જેન્ટિનાના ખેલાડીઓએ ફોકલેન્ડ ટાપુઓનું બેનર પ્રદર્શિત કર્યું, જેમાં નિયમો અનુસાર આવી ક્રિયાઓ સંપૂર્ણપણે પ્રતિબંધિત છે.

આ પણ વાંચો: ક્લાસમાં બાળકો નહોતા એટલે મોકો જોઈને ટીચર્સ રોમાન્સ કરવા લાગ્યા, વીડિયો વાયરલ થતા એક્શન લેવાઈ