આણંદના સાંસેજમાં ચૂંટણી ફરજ બજાવતા કર્મચારીનું અવસાન, વિસ્તારમાં શોકની લહેર

Tragic Incident: આણંદ જિલ્લાના સાંસેજ ગામમાં સ્થાનિક સ્વરાજ્યની ચૂંટણી દરમિયાન ફરજ બજાવતા એક કર્મચારીનું અકસ્માતે મૃત્યુ થયું છે. આ દુઃખદ ઘટનાથી વિસ્તારમાં શોકની લહેર છવાઈ ગઈ છે.

સાંસેજ ગામમાં આજે યોજાઈ રહેલી સ્થાનિક સ્વરાજ્યની ચૂંટણીના મતદાન દરમિયાન ફરજ પર તૈનાત કર્મચારીએ અચાનક તબિયત બગડવાથી જીવ ગુમાવ્યો હોવાની માહિતી મળી છે. મૃત કર્મચારીની ઓળખ અને મૃત્યુનું કારણ હજુ સત્તાવાર રીતે જાહેર કરવામાં આવ્યું નથી. જિલ્લા વહીવટી તંત્ર અને ચૂંટણી અધિકારીઓએ આ બાબતે તપાસ શરૂ કરી છે.

આણંદ જિલ્લામાં આજે કરમસદ-આણંદ મહાનગરપાલિકા સહિત તાલુકા પંચાયત, જિલ્લા પંચાયત અને અન્ય સ્થાનિક સ્વરાજ્યના એકમોની ચૂંટણી માટે મતદાન ચાલી રહ્યું છે. આવા સંવેદનશીલ સમયે ફરજ પર જીવ ગુમાવનાર કર્મચારી પ્રત્યે જિલ્લા પ્રશાસન તરફથી સહાનુભૂતિ વ્યક્ત કરવામાં આવી છે. મૃતકના પરિવારને તાત્કાલિક સહાયની જોગવાઈ કરવા સંબંધિત અધિકારીઓને સૂચના આપવામાં આવી છે.

આ પણ વાંચો: પાટણમાં મતદાન બાદ મહિલા ઢળી પડ્યા, સારવાર દરમિયાન મોત