ટોપ ન્યૂઝટ્રેન્ડિંગનેશનલબિઝનેસવર્લ્ડ

રેગ્યુલેટરી અને જિયો પોલીટિકલ પડકારોને કારણે અનેક એરલાઇન્સે 5706 ફ્લાઇટ કરી રદ

નવી દિલ્હી, 19 ઓગસ્ટ, 2025: ભારતીય એરલાઇનોએ ચાલુ વર્ષે 30 જૂન સુધીમાં રેગ્યુલેટરી અને જિયો પોલીટિકલ સમસ્યાઓને કારણ 5,706 ફ્લાઇટો રદ કરી છે. જે આ સમયગાળા દરમિયાન કુલ ડિપાર્ચરના એક ટકા છે. નાગરિક ઉડ્ડયન રાજ્ય મંત્રી મુરલીધર મોહોલએ ગઇકાલે રાજ્યસભામાં આ માહિતી આપી હતી. તેમણે કહ્યુ કે આ આંકડાઓમાં એર ઇન્ડિયા, એક્સપ્રેસ ઇન્ડિગો, અકાસા એર, સ્પાઇસજેટ અને એલાયંસ પાવરની ફ્લાઇટોનો સમાવેશ થાય છે.

આ સમયગાળા દરમિયાન, એરલાઇનને ભારે નુકસાન થયું

મોહોલે જણાવ્યું હતું કે વિલંબ અને રદ થવાને કારણે, એરલાઇન્સને વધારાનો ઇંધણ, ક્રૂ ઓવરટાઇમ, જાળવણી, એરપોર્ટ ચાર્જ અને રિબુકિંગ ખર્ચ સહિતનો ખર્ચ સહન કરવો પડ્યો હતો. આ ઉપરાંત, એરલાઇન્સને રદ થવા અથવા વિલંબ માટે મુસાફરોને રિફંડ અથવા વળતર આપવું જરૂરી છે, એમ તેમણે જણાવ્યું હતું.

સ્થાનિક એરલાઇન્સમાં મુસાફરોની સંખ્યામાં 7.34 ટકાનો વધારો

ડેટા અનુસાર, આ સમયગાળા દરમિયાન ફ્લાઇટ્સના ડિપાર્ચરની સંખ્યા 5,72,079 હતી. જાન્યુઆરી-જૂન 2025 દરમિયાન, ગયા વર્ષના સમાન સમયગાળાની તુલનામાં સ્થાનિક એરલાઇન્સના મુસાફરોમાં 7.34 ટકાનો વધારો થયો હતો.

એર ઇન્ડિયાની ગોવા-લંડન સેવા ટૂંક સમયમાં શરૂ થશે

એર ઇન્ડિયાએ જુલાઈ 2023થી 24 આંતરરાષ્ટ્રીય રૂટ પર ફ્લાઇટ્સ શરૂ કરી છે અને તેમાંથી 4 વ્યાપારી કારણોસર સ્થગિત કરવામાં આવી છે. એર ઇન્ડિયાની ગોવા-લંડન (ગેટવિક) સેવા, જે અસ્થાયી રૂપે સ્થગિત કરવામાં આવી હતી, તે 2025ના શિયાળામાં ફરી શરૂ થવાની છે.

આ પણ વાંચોઃ FDI વ્યવસ્થાને ઉદાર બનાવશે કેન્દ્ર સરકાર, વિદેશી રોકાણ થશે આસાન

Back to top button