AI એ કરી કમાલ: જુઓ ભારતીય બાળકના જન્મદિવસની ઉજવણીનો અદ્ભુત વીડિયો
નવી દિલ્હી, 19 જુલાઈ, 2025: એક તરફ AI લોકોના ઘણા કાર્યોને સરળ બનાવી રહ્યું છે, તો બીજી તરફ, AI દ્વારા બનાવવામાં આવેલા ફોટા અને વીડિયોને કારણે, લોકોને એ ઓળખવામાં મુશ્કેલી પડી રહી છે કે કોને વાસ્તવિક માનવું અને કોને નકલી. તાજેતરમાં સોશિયલ મીડિયા પર એક વીડિયો વાયરલ થઈ રહ્યો છે.આ વીડિયોમાં, એક ભારતીય પરિવાર જન્મદિવસની ઉજવણી કરતો જોવા મળે છે. વીડિયોમાં ઘણા લોકો છે, જેમાં બાળકો પણ સામેલ છે. આ AI વીડિયો જોયા પછી, તમને એક ક્ષણ માટે પણ એવું નહીં લાગે કે આ AI દ્વારા બનાવેલ વીડિયો છે. આ વીડિયો એકદમ સામાન્ય અને વાસ્તવિક લાગે છે.આમાં એક બાળકનો જન્મદિવસ ઉજવવામાં આવી રહ્યો છે.
This is not a real home video 🤯
We can generate AI videos that look like they were filmed on a shitty old camcorder or outdated phone.
You're no longer limited to crisp, cinematic outputs – we're about to see an explosion in the types of videos made with AI. pic.twitter.com/DdPivAGyky
— Justine Moore (@venturetwins) July 15, 2025
સોશિયલ મીડિયા પર દરરોજ વિવિધ પ્રકારના વીડિયો વાયરલ થાય છે. આર્ટિફિશિયલ ઇન્ટેલિજન્સ (AI) ના આ યુગમાં, કયો વીડિયો નકલી છે અને કયો અસલી છે તે ઓળખવું ખૂબ જ મુશ્કેલ બની ગયું છે. હવે ઇન્ટરનેટ પર એક વીડિયો ક્લિપ વાયરલ થઈ રહી છે જેણે સોશિયલ મીડિયા યુઝર્સને ચોંકાવી દીધા છે.આ વીડિયો કેમેરા દ્વારા રેકોર્ડ કરવામાં આવ્યો હોય તેવું લાગે છે. પરંતુ વાસ્તવિકતા કંઈક બીજી જ છે.
સોશિયલ મીડિયા પર વાયરલ થઈ રહેલો આ વીડિયો વાસ્તવિક કેમેરાથી રેકોર્ડ કરવામાં આવ્યો નથી. આ વીડિયો બિલકુલ જુના મોબાઈલ કે સસ્તા કેમકોર્ડરથી ફિલ્માવવામાં આવ્યો હોય તેવું લાગે છે, પરંતુ વાસ્તવમાં એવું નથી. આ વીડિયો AI દ્વારા જનરેટ કરવામાં આવ્યો છે!
A16Z પાર્ટનર અને AI નિષ્ણાત @venturetwins એ X એકાઉન્ટ પર આ વિડીયો પોસ્ટ કર્યો અને લખ્યું કે આ કોઈ વાસ્તવિક હોમ વિડીયો નથી. અમે એવા AI વિડીયો જનરેટ કરવામાં સફળ રહ્યા છીએ જે જુના કેમકોર્ડર અથવા જૂના ફોનમાંથી રેકોર્ડ કરવામાં આવ્યા હોય તેવું લાગે છે.
આ વિડીયો જોઈને, એ સ્પષ્ટપણે સમજી શકાય છે કે હવે AI વડે માત્ર સિનેમેટિક ગુણવત્તાવાળા વિડીયો જ બનાવી શકાતા નથી, પરંતુ વિડીયો જાણી જોઈને “નીચી-ગુણવત્તા” અથવા રેટ્રો શૈલીમાં પણ બનાવી શકાય છે.
આ પણ વાંચોઃ http://રાજ ઠાકરે વિરુદ્ધ સુપ્રીમ કોર્ટ બાદ હવે બોમ્બે હાઈકોર્ટમાં PIL દાખલઃ જાણો શું છે મામલો?
