મણિપુર હિંસા વચ્ચે તાજેતરમાં વાયરલ થયેલા એક વીડિયોના મામલે ગૃહ મંત્રાલયે મોટું પગલું ભર્યું છે. આ મામલાની નોંધ લીધા બાદ કેન્દ્રીય ગૃહ મંત્રાલયે તેની તપાસ સીબીઆઈને સોંપી દીધી છે. આ સાથે કેન્દ્ર આ મામલે સુપ્રીમ કોર્ટમાં એફિડેવિટ પણ દાખલ કરશે. આમાં તે વાયરલ વીડિયો કેસની સુનાવણી મણિપુરની બહાર કરાવવાની વિનંતી કરશે.
વીડિયો શૂટ કરનારની પણ ધરપકડ
દરમિયાન સરકારી સૂત્રોને ટાંકીને એવું પણ બહાર આવ્યું છે કે જે મોબાઈલમાંથી વાયરલ વીડિયો શૂટ કરવામાં આવ્યો હતો. તે પણ રિકવર થઈ ગયો છે. આ સાથે વીડિયો શૂટ કરનાર વ્યક્તિની પણ ધરપકડ કરવામાં આવી છે. સરકારી સૂત્રોએ એવી પણ માહિતી આપી છે કે કેન્દ્રએ કુકી અને મેઇતેઈ સમુદાયના સભ્યો સાથે વાતચીત કરી છે. દરેક સમુદાય સાથે વાતચીતના છ રાઉન્ડ થયા છે.
કેન્દ્રીય ગૃહ મંત્રાલય મેઇતેઈ અને કુકી સમુદાયના લોકો સાથે સતત સંપર્કમાં
અધિકારીએ કહ્યું કે કેન્દ્રીય ગૃહ મંત્રાલય મેઇતેઈ અને કુકી સમુદાયના લોકો સાથે સતત સંપર્કમાં છે. રાજ્યમાં સ્થિતિ સામાન્ય બનાવવા માટે વાતચીત અંતિમ તબક્કામાં છે. રાજ્યમાં ત્રણ મહિના સુધી ચાલેલી જાતિગત હિંસામાં લગભગ 150 લોકોના મોત થયા છે. તેમણે એ પણ નિર્દેશ કર્યો કે મણિપુરમાં કાયદો અને વ્યવસ્થાની સ્થિતિ પ્રમાણમાં સારી છે, પરંતુ સામાન્ય નથી. લગભગ 35,000 સુરક્ષા કર્મચારીઓ મેદાન પર છે. રાજ્યમાં દવા અને દૈનિક પુરવઠાની કોઈ અછત નથી. ત્યાં ખાદ્યપદાર્થો અને આવશ્યક ચીજવસ્તુઓના ભાવ નિયંત્રણમાં છે. મોટી સંખ્યામાં સરકારી કર્મચારીઓ કામ પર પાછા ફરી રહ્યા છે અને શાળાઓ પણ ફરી શરૂ થઈ રહી છે.
