ભારે કરી: એર ઈંડિયાની ફ્લાઈટ પેસેન્જર્સના સામાન વિના આવી ગઈ, પટના એરપોર્ટ પર હોબાળો થયો

પટના 22 જૂન 2025:  એર ઇન્ડિયાની 2 ફ્લાઇટ્સ કેટલાક મુસાફરોના સામાન વિના પટના એરપોર્ટ પર ઉતરી ગઈ હતી. પહેલી ઘટના બેંગલુરુ-પટના ફ્લાઇટ IX2936 સાથે સંબંધિત છે, જ્યારે બીજી ઘટના ચેન્નાઈ-પટના ફ્લાઇટ XI1634 સાથે સંબંધિત છે.

જ્યારે મુસાફરોએ હોબાળો મચાવ્યો, ત્યારે AIR INDIA એ આ સ્પષ્ટતા આપી

જ્યારે મુસાફરોએ સામાન ન મળવાને કારણે પટના એરપોર્ટ પર હોબાળો મચાવ્યો, ત્યારે એર ઇન્ડિયાએ મુસાફરોને કહ્યું કે ફ્લાઇટ વધુ વજનવાળી છે. તેથી, સામાન લાવી શકાતો નથી. પટના એરપોર્ટનો રનવે ટૂંકો છે અને સવારથી વરસાદ પડી રહ્યો છે. તેથી, ભારે સામાન આવી શક્યો નથી. આવતીકાલે સવારે 8 વાગ્યા સુધીમાં દરેકનો સામાન પહોંચાડવામાં આવશે.

અમદાવાદ વિમાન દુર્ઘટના પછી એર ઇન્ડિયા ખૂબ ચર્ચામાં છે

12 જૂન, 2025 ના રોજ, અમદાવાદમાં એર ઇન્ડિયાનું એક વિમાન અકસ્માતનો ભોગ બન્યું હતું. આ ઘટનામાં મોટી જાનહાનિ થઈ હતી. આ અકસ્માત અમદાવાદથી લંડન ગેટવિક જઈ રહેલી એર ઇન્ડિયાની ફ્લાઇટ AI171 ના ટેકઓફ પછી તરત જ થયો હતો.

આ ઘટના પછીથી એર ઇન્ડિયા ચર્ચામાં છે. અમદાવાદનો મામલો હજુ શાંત નથી થયો અને હવે પટના એરપોર્ટ પર કેટલાક મુસાફરો સામાન વિના ઉતર્યા હોવાનો મામલો પણ સામે આવ્યો છે. જોકે, એર ઇન્ડિયાનું કહેવું છે કે રવિવાર સુધીમાં મુસાફરોનો સામાન પહોંચાડવામાં આવશે.

આ પણ વાંચો: ઈરાન અને ઈઝરાયલના જંગમાં અમેરિકાની એન્ટ્રી,3 ન્યૂક્લિયર સાઈટ પર હુમલો કર્યો