રેલ મંત્રીની મોટી જાહેરાત: દેશમાં 150 નવી પેસેન્જર ટ્રેન દોડશે, 1200 વધારાના ડબ્બા જોડવામાં આવ્યા
નવી દિલ્હી, 18 જૂન 2025: ભારતીય રેલવે તેના મુસાફરો માટે સુવિધાઓનો સતત વિસ્તાર કરી રહી છે અને હવે રેલવે મંત્રી અશ્વિની વૈષ્ણવે એક મોટી જાહેરાત કરી છે કે ટૂંક સમયમાં દેશમાં 150 નવી પેસેન્જર ટ્રેનો દોડાવવામાં આવશે. આ ટ્રેનો ખાસ કરીને ટૂંકા અંતરની મુસાફરી કરતા રેલ મુસાફરોને સુવિધા પૂરી પાડશે. આ સાથે, પહેલાથી ચાલી રહેલી પેસેન્જર ટ્રેનોને અપગ્રેડ અને આધુનિક બનાવવાનું કામ પૂરજોશમાં ચાલી રહ્યું છે અને તેમાં 1200 વધારાના કોચ ઉમેરવામાં આવ્યા છે.
પેસેન્જર ટ્રેન નેટવર્કનું વિસ્તરણ
ભારતમાં ટૂંકા અંતરની રેલ મુસાફરીને વધુ આરામદાયક બનાવવાના ઉદ્દેશ્ય સાથે, રેલવે મંત્રી અશ્વિની વૈષ્ણવે એક મોટી જાહેરાત કરી છે. કેન્દ્રીય મંત્રીએ દેશભરમાં પેસેન્જર ટ્રેન નેટવર્કનું નોંધપાત્ર વિસ્તરણ અને આધુનિકીકરણ કરવાની સરકારની યોજનાનો ખુલાસો કર્યો. તેમણે કહ્યું કે 100 નવી મેઇન લાઇન ઇલેક્ટ્રિક મલ્ટીપલ યુનિટ્સ (MEMU) અને 50 વધારાની નમો ભારત ટ્રેનો ટૂંક સમયમાં શરૂ કરવામાં આવશે.
અશ્વિની વૈષ્ણવે હરિયાણામાં મારુતિ સુઝુકીના માનેસર સાઇડિંગ ખાતે ભારતના સૌથી મોટા ગતિ શક્તિ મલ્ટિમોડલ કાર્ગો ટર્મિનલનું લોન્ચિંગ કરતી વખતે આ જાહેરાત કરી હતી. તે પીએમ ગતિ શક્તિ રાષ્ટ્રીય માસ્ટર પ્લાન હેઠળ વિકસાવવામાં આવ્યું છે. આ ટર્મિનલનો હેતુ રેલ અને રોડ લોજિસ્ટિક્સને એકીકૃત રીતે સંકલિત કરીને માલ પરિવહનની કાર્યક્ષમતા વધારવાનો છે.
આ પણ વાંચો: Air Indiaનું નામોનિશાન નથી, આ છે દુનિયાની ટોચની 10 સૌથી સુરક્ષિત એરલાઇન્સ
