કોણ છે રીતુ તાવડે: ભાજપે મુંબઈના મેયરના નામની જાહેરાત કરી
મુંબઈ, 07 ફેબ્રુઆરી 2026: ભાજપે બૃહન્મુંબઈ મ્યુનિસિપલ કોર્પોરેશન (BMC) માટે નવા મેયરની જાહેરાત કરી છે. રીતુ તાવડે હવે BMCના નવા મેયર બનશે. રીતુ ભાજપના વરિષ્ઠ કોર્પોરેટર છે. આ વખતે તેમણે વોર્ડ નંબર ૧૩૨માંથી જીત મેળવી હતી.
નોંધનીય છે કે રીતુ તાવડે પહેલી વાર ૨૦૧૨માં વોર્ડ નંબર ૧૨૭માંથી ચૂંટણી જીતી હતી. ૨૦૧૭માં તેઓ ઘાટકોપરના વોર્ડ નંબર ૧૨૧માંથી ચૂંટાયા હતા. ત્યારબાદ ૨૦૨૫ની ચૂંટણીમાં રીતુએ વોર્ડ નંબર ૧૩૨માંથી જીત મેળવી હતી. આ પહેલા રીતુ મુંબઈ મ્યુનિસિપલ કોર્પોરેશનની શિક્ષણ સમિતિના અધ્યક્ષ તરીકે સેવા આપી ચૂકી છે. તેમને મેયર પદ માટે મજબૂત દાવેદાર માનવામાં આવતી હતી.
રીતુ તાવડે સતત ત્રીજા કાર્યકાળ માટે ઘાટકોપરથી કાઉન્સિલર તરીકે ચૂંટાયા છે. તાવડે તેમના સક્રિય પાયાના કાર્ય અને નાગરિક મુદ્દાઓને કાર્યક્ષમ રીતે સંભાળવા માટે જાણીતા છે. મરાઠા સમુદાયમાંથી હોવા છતાં, તેમણે ગુજરાતી પ્રભુત્વ ધરાવતા વોર્ડમાં મજબૂત પગપેસારો કર્યો છે. તેમણે 2012 માં કોંગ્રેસ પાર્ટી છોડી દીધી અને ભાજપમાં જોડાયા.
આ પણ વાંચો: મુંબઈના દરિયામાં ઈન્ટરનેશનલ ઓઈલ તસ્કરીનો ભાંડાફોડ, ઈન્ડિયન કોસ્ટ ગાર્ડે 3 જહાજ જપ્ત કર્યા
