મારુ દિલ અને આત્મા હંમેશા બેંગલુરુ સાથે: પહેલી IPL ટ્રોફી જીત્યા બાદ કોહલીએ કહી આ વાત
Virat Kohli Statement: રોયલ ચેલેન્જર્સ બેંગલુરુએ પંજાબ કિંગ્સ પર ઐતિહાસિક જીત નોંધાવી છે. આરસીબીની ટીમ પહેલી વાર આ ટાઈટલ જીતી છે. આરસીબીના સ્ટાર ખેલાડી વિરાટ કોહલી આઈપીએલની પહેલી ટ્રોફી જીતવાની ખુશીમાં ભાવૂક થયો હતો. વિરાટ કોહલીએ બેંગલુરુની જીત પર કહ્યું કે, મેં આ ટીમને મારું બધું જ આપી દીધું છે. તેમાં મારી યંગ એઝથી લઈને મારો બધો અનુભવ પણ સામેલ છે. વિરાટે કહ્યું કે, મારુ દિલ અને આત્મા બધું જ બેંગલુરુ માટે છે.
વિરાટ કોહલીની હ્દયસ્પર્શી વાત કરી
વિરાટ કોહલીએ બેંગલુરુની જીત પર કહ્યું કે, આ જીત જેટલી ફેન્સ માટે છે, એટલી જ ટીમ માટે પણ છે. વિરાટે આગળ કહ્યું કે, આઈપીએલને 18 વર્ષ થઈ ગયા છે. મેં આ ટૂર્નામેન્ટને પોતાની જવાનીથી લઈને પોતાનો પ્રાઈમ ટાઈમ સુધી બધું જ આપ્યું છે. મેં ક્યારેય નહોતું વિચાર્યું કે આ દિવસ પણ આવશે. વિરાટે જણાવ્યું કે, છેલ્લા બોલ પછી હું ઈમોશનલ થઈ ગયો હતો.
“I’m going to feel the real side of it when we get to Bengaluru tomorrow and celebrate this with the city” – Virat Kohli ❤️🙌
King Kohli walks into the dressing room with ABD, talks about Rajat’s leadership, Jitesh’s smartness, and the team coming together to achieve this… pic.twitter.com/aqLY7LHvvE
— Royal Challengers Bengaluru (@RCBTweets) June 4, 2025
એબી ડી વિલિયર્સ વિશે આ કહ્યું
વિરાટ કોહલીએ તેના મિત્ર એબી ડી વિલિયર્સ વિશે કહ્યું કે એબીએ આ ફ્રેન્ચાઇઝ માટે જે કર્યું છે તે શાનદાર છે. વિરાટે કહ્યું કે મેચ પહેલા તેણે ડી વિલિયર્સને કહ્યું હતું કે આ મેચ પણ તમારી છે અને હું ઈચ્છું છું કે એબી આ જીતની ઉજવણી અમારી સાથે કરે. કોહલીએ કહ્યું કે ડી વિલિયર્સ હજુ પણ અમારો ખેલાડી છે જેણે ચાર વર્ષ નિવૃત્તિ લીધા પછી પણ આરસીબી માટે સૌથી વધુ મેન ઓફ ધ મેચ એવોર્ડ જીત્યો છે. એબી પણ અમારી સાથે પોડિયમ પર ઉભા રહેવાનો હકદાર છે.
વિરાટે કહ્યું કે, હું આ ટીમ માટે ત્યાં સુધી રમતો રહીશ, જ્યાં સુધી મારી પાસે આઈપીએલ રમવાનો મોકો છે. હું મારી છેલ્લી મેચ સુધી આ ટીમને બધું જ આપવા માગું છું. વિરાટે કહ્યું કે, આજે તે એક બાળકની માફક ઊંઘશે, મગજમાં કોઈ પણ ચિંતા વિના.
આ પણ વાંચો: લગ્નમાંથી પરત ફરી રહેલી ઈકો કાર પર સિમેન્ટથી ભરેલો ટ્રક પડ્યો, એક જ પરિવારના 9 લોકોના મૃત્યુ
