કાલે ઊઠીને કોઈ ગાંધીજીને અંગ્રેજોના નોકર કહેશે તો? સુપ્રીમ કોર્ટે રાહુલ ગાંધીને આપી ચેતવણી
નવી દિલ્હી, 25 એપ્રિલ, 2025: Supreme Court warns Rahul Gandhi કોંગ્રેસ નેતા રાહુલ ગાંધી દ્વારા વીર સાવરકરના વારંવાર અપમાનના મુદ્દે આકરું વલણ અખત્યાર કર્યું છે. અદાલતે રાહુલ ગાંધીના નિવેદનોને બેજવાબદારીભર્યા ગણાવ્યા છે એટલું જ નહીં પરંતુ ભવિષ્યમાં આ બાબતે સાવધાન રહેવા ચેતવણી પણ આપી છે. What if tomorrow someone calls Gandhi a servant of the British?
વીર સાવરકર વિરોધી નિવેદનોના કેસમાં રાહુલ ગાંધી સામે માનહાનીનો કેસ ચાલી રહ્યો છે અને આ કેસમાં તેમની સામે જારી થયેલું સમન્સ રદ કરવાના અલ્હાબાદ હાઈકોર્ટના આદેશ ઉપર સુપ્રીમ કોર્ટે સ્ટે આપી દીધો.
અહેવાલો મુજબ, સુપ્રીમ કોર્ટે આજે શુક્રવારે આ કેસની સુનાવણી દરમિયાન સુપ્રીમ કોર્ટે રાહુલ ગાંધીને કહ્યું કે, જેમણે આપણને સ્વતંત્રતા અપાવી તેની સાથે તમે આવો વ્યવહાર કરી રહ્યા છો!
[BREAKING] Supreme Court pulls up Rahul Gandhi for remarks against Savarkar but stays summons @RahulGandhi
Read story here: https://t.co/BvRRlvqkFv pic.twitter.com/3i4UMQiPOB
— Bar and Bench (@barandbench) April 25, 2025
ન્યાયમૂર્તિ દીપાંકર દત્તા અને ન્યાયમૂર્તિ મનમોહનની બેન્ચે કોંગ્રેસ નેતાને હવે પછી સાવરકર વિરદ્ધ કોઈ અપમાનજનક નિવેદન ન કરવા ચેતવણી આપી અને સાથે કહ્યું કે, મહારાષ્ટ્રમાં વીર સાવકરની પૂજા કરવામાં આવે છે. કોર્ટે એવું પણ સ્પષ્ટ શબ્દોમાં કહ્યું કે, હવે જો આ રીતે નિવેદન કરવામાં આવશે તો તેનાં પરિણામ ભોગવવા પડશે.
સુપ્રીમ કોર્ટની બેન્ચે રાહુલ ગાંધીને કહ્યું કે, અમે સ્વતંત્રતા સેનાનીઓ વિરુદ્ધના નિવેદનો ચલાવી લઈશું નહીં. આ વખતે તમે સાવરકર વિરુદ્ધ નિવેદન કર્યું, ભવિષ્યમાં કોઈ કહેશે કે, મહાત્મા ગાંધી અંગ્રેજોના નોકર હતા. માટે સાવધાની રાખો, અન્યથા હવે પછી અમે જાતે આ બાબતને ધ્યાનમાં લઈશું, અર્થાત સુઓ મોટો કરીશું.
[BREAKING] Supreme Court pulls up Rahul Gandhi for remarks against Savarkar but stays summons @RahulGandhi
Read story here: https://t.co/BvRRlvqkFv pic.twitter.com/3i4UMQiPOB
— Bar and Bench (@barandbench) April 25, 2025
આ મામલે ચાર એપ્રિલના રોજ કોંગ્રેસના વરિષ્ઠ નેતા રાહુલ ગાંધીને અલ્હાબાદ હાઈકોર્ટની લખનૌ બેન્ચે ઝટકો આપ્યો હતો. હાઈકોર્ટે રાહુલ ગાંધી સામેના સમન આદેશને રદ કરવાનો ઇનકાર કર્યો હતો. હાઈકોર્ટની લખનૌ બેન્ચે કોર્ટમાં ચાલી રહેલા સાવરકર માનહાનિ કેસમાં રાહુલ ગાંધીને રાહત આપવાનો ઇનકાર કર્યો હતો.
આ માનહાનિનો કેસ 2022માં ભારત જોડો યાત્રા દરમિયાન રાહુલ ગાંધીના મહારાષ્ટ્રમાં આપેલા વિવાદાસ્પદ નિવેદન સાથે સંબંધિત છે. જેમાં રાહુલ ગાંધીએ સાવરકરને ‘અંગ્રેજોનો નોકર’ ગણાવ્યા હતા. તેમજ કહ્યું હતું કે સાવરકર ‘અંગ્રેજો પાસેથી પેન્શન લેતા હતા.’ રાહુલ ગાંધીના એ નિવેદન સામે વકીલ નૃપેન્દ્ર પાંડેએ આ અંગે કોર્ટમાં ફરિયાદ નોંધાવી હતી. નીચલી અદાલતે રાહુલ ગાંધી સામે પ્રથમ દર્શન ભારતીય દંડ સંહિતાની કલમ 153(A) અને 505 હેઠળ કેસ માનીને રાહુલ ગાંધીને સમન જારી કર્યું હતું.
આ પણ વાંચોઃ VIDEO: યે નયા ભારત હૈ.. ત્રાલમાં આતંકી આસિફનું ઘર બુલડોઝરના બદલે બોમ્બથી ઉડાવાયું
આ પણ વાંચોઃ મેધા પાટકરની દિલ્હીમાં ધરપકડ, ઉપરાજ્યપાલની અરજીને આધારે એક્શનઃ જાણો શું છે કેસ?
ઝડપી, સચોટ અને પ્રમાણિત સમાચાર મેળવવા નીચે જણાવેલા અમારા કોઈપણ વૉટ્સએપ ગ્રુપમાં જોડાઈ શકો છો >>>
https://chat.whatsapp.com/LuLIACK4WTYDPGdlAsSGrD
