હવે ઘરે બેઠા કોઈ ફોર્મ ભર્યા વિના જ Aadhaar App થી બદલો મોબાઈલ નંબર, ફક્ત 5 મિનિટમાં થઈ જશે અપડેટ

નવી દિલ્હીઃ 1 ફેબ્રુઆરી, 2026: નવી Aadhaar App દ્વારા હવે તમે ઘરે બેઠા જ તમારા આધાર કાર્ડ સાથે નવો મોબાઈલ નંબર લિંક કરી શકો છો. એટલે કે, હવે જૂના નંબરને બદલવો ખૂબ જ સરળ બની ગયો છે. UIDAI એ નવી આધાર એપમાં એક ખાસ ફીચર આપ્યું છે, જેના દ્વારા OTP અને ફેસ વેરિફિકેશન (Face Verification) ની મદદથી મિનિટોમાં આ કામ થઈ જશે.

UIDAI એ સત્તાવાર રીતે એક નવી Aadhaar App લોન્ચ કરી છે, જેનાથી યુઝર્સ પોતાના સ્માર્ટફોન દ્વારા જ પોતાની ડિજિટલ ઓળખ વેરિફાય કરી શકે છે. એટલું જ નહીં, આ નવી એપની મદદથી યુઝર્સ આધાર સેન્ટર પર ગયા વગર જ મોબાઈલ નંબર બદલી શકે છે. જે લોકોએ પોતાનો નંબર બદલી નાખ્યો છે અથવા જૂનું સિમ કાર્ડ બંધ કરી દીધું છે, તેમના માટે આ સુવિધા મોટી રાહત સમાન છે.

જે યુઝર્સ મોબાઈલ નંબર અપડેટ કરવા માટે લાંબી લાઈનોથી બચવા માંગતા હતા, તેમના માટે હવે એપમાં “મોબાઈલ નંબર અપડેટ” નો વિકલ્પ ઉપલબ્ધ છે. આ સુવિધા ઓટીપી આધારિત વેરિફિકેશન અને ફેસ વેરિફિકેશન દ્વારા ગમે ત્યાંથી નંબર બદલવાની મંજૂરી આપે છે.

મોબાઈલ નંબર અપડેટ કરવાની સ્ટેપ-બાય-સ્ટેપ રીત:

આધાર કાર્ડમાં મોબાઈલ નંબર અપડેટ કરવા માટે સૌથી પહેલા લેટેસ્ટ આધાર એપ ડાઉનલોડ કરો અને ત્યારબાદ નીચેના સ્ટેપ્સ ફોલો કરો:

• લોગ-ઈન કરો: આધાર એપ ખોલો અને આધાર-આધારિત ઓથેન્ટિકેશનનો ઉપયોગ કરીને લોગ-ઈન કરો.
• સર્વિસ પસંદ કરો: હોમ સ્ક્રીન પર ‘Services’ સેક્શનમાં જાઓ અને ‘મોબાઈલ નંબર અપડેટ કરો’ (Update Mobile Number) વિકલ્પ પસંદ કરો.
• નવો નંબર દાખલ કરો: એપ તમારો અગાઉનો રજિસ્ટર્ડ મોબાઈલ નંબર બતાવશે. ત્યાં નવો મોબાઈલ નંબર દાખલ કરો જે તમે લિંક કરવા માંગો છો.
• OTP વેરિફિકેશન: નવા નંબર પર એક OTP મોકલવામાં આવશે. વેરિફાય કરવા માટે તે OTP દાખલ કરો.
• ફેસ ઓથેન્ટિકેશન અને પેમેન્ટ: હવે ચહેરાની ઓળખ (Face Authentication) નો ઉપયોગ કરીને તમારા બાયોમેટ્રિક્સ વેરિફાય કરો. ત્યારબાદ 75 રૂપિયાની પ્રોસેસિંગ ફી ચૂકવો.