ભુજ, 18 જૂન 2025: America Social Media deal રાષ્ટ્રપ્રમુખ ડોનાલ્ડ ટ્રમ્પ અમેરિકનો માટે સોશિયલ મીડિયાની ચિંતા રાખી રહ્યા છે આગામી દિવસોમાં એક એવા આદેશ ઉપર હસ્તાક્ષર કરશે કે ત્યાંના નાગરિકો તેમનો ડેટા સાચવી શકે. જાણો ટ્રમ્પની સોશિયલ મીડિયાને લગતી શું ચિંતા છે.
વ્હાઇટ હાઉસે શું નિવેદન આપ્યું ?
યુએસ પ્રમુખ ડોનાલ્ડ ટ્રમ્પ આ અઠવાડિયે એક એક્ઝિક્યુટિવ ઓર્ડર પર હસ્તાક્ષર કરશે, જે હેઠળ TikTok ને યુએસમાં તેનો વ્યવસાય વેચવા માટે વધારાના 90 દિવસનો સમય આપવામાં આવશે. કારણ કે, રાષ્ટ્રપ્રમુખ ટ્રમ્પ TikTok બંધ કરવા માંગતા નથી. અમેરિકનોની સુવિધા માટે તેમણે આ પ્રકારનો નિર્ણય લીધો છે. લોકો તેમનો ડેટા સાચવી શકે તે મુજબ ટિક ટોક ચાલુ રાખવાના હુકમ ઉપર સહી કરશે. આમ વ્હાઇટ હાઉસના પ્રેસ સેક્રેટરી કેરોલિન લેવિટે એક નિવેદનમાં જણાવ્યું હતું.
કેટલી વખત પ્રતિબંધ મોકૂફ રહ્યો છે ?
કેનેડામાં G7 સમિટમાં હાજરી આપ્યા પછી વોશિંગ્ટન પરત ફરતી વખતે ટ્રમ્પે એર ફોર્સ વન પર પત્રકારોને જણાવ્યું હતું કે તેમણે TikTok પર પ્રતિબંધ મૂકવાની સમયમર્યાદા લંબાવી છે. તેમને વિશ્વાસ છે કે ચીનના રાષ્ટ્રપ્રમુખ શી જિનપિંગ આખરે યુએસમાં TikTokના વ્યવસાયના વેચાણને મંજૂરી આપશે. આ ત્રીજી વખત છે જ્યારે TikTok પર પ્રતિબંધ લાગુ કરવાની તારીખ મુલતવી રાખવામાં આવી છે.
જો બાઇડેનના કાર્યકાળ દરમિયાન આવ્યો કાયદો
2024 માં બનેલો આ કાયદો ભૂતપૂર્વ રાષ્ટ્રપ્રમુખ જો બાઇડેનના કાર્યકાળ દરમિયાન પસાર કરવામાં આવ્યો હતો. પહેલી વાર આ પ્રતિબંધ ત્યારે લાદવામાં આવ્યો હતો જ્યારે ટ્રમ્પે 20 જાન્યુઆરીએ બીજી વખત રાષ્ટ્રપ્રમુખ તરીકે શપથ લીધા હતા અને તે જ દિવસે એક્ઝિક્યુટિવ ઓર્ડર પર હસ્તાક્ષર કર્યા હતા. તે સમયે, કોંગ્રેસ અને યુએસ સુપ્રીમ કોર્ટની મંજૂરી મળ્યા બાદ, યુએસમાં TikTok પર અસ્થાયી રૂપે પ્રતિબંધ મૂકવામાં આવ્યો હતો. બીજી વખત એપ્રિલમાં ટ્રમ્પે TikTok ને વધુ 75 દિવસનો સમય આપતા નવો આદેશ જારી કર્યો હતો.
અમેરિકા અને ચીન વચ્ચે ચાલી રહેલા ટેરિફ તણાવ જવાબદાર
TikTok ના યુએસ વ્યવસાયને વેચવાનો સંભવિત સોદો અમેરિકા અને ચીન વચ્ચે ચાલી રહેલા ટેરિફ તણાવમાં ફસાઈ ગયો છે. અહેવાલો અનુસાર, ચીને TikTok ની પેરેન્ટ કંપની ByteDance ને સોદો મુલતવી રાખવા કહ્યું હતું, ભલે વ્હાઇટ હાઉસ 5 એપ્રિલની સમયમર્યાદા પહેલા અંતિમ કરાર તરફ આગળ વધી રહ્યું હતું. આનું કારણ એ હતું કે, ડોનાલ્ડ ટ્રમ્પે ચીન સહિત ઘણા દેશો પર બદલો લેવાના ટેરિફ લાદ્યા હતા.
TikTok ઉપર ટ્રમ્પનું પણ એકાઉન્ટ
જાન્યુઆરીમાં, ટ્રમ્પે સ્વીકાર્યું હતું કે તેમને TikTok ગમે છે અને ગયા વર્ષે તેમના ચૂંટણી પ્રચાર દરમિયાન તેમણે પ્લેટફોર્મ પર એક એકાઉન્ટ પણ બનાવ્યું હતું. અત્યાર સુધીમાં, તેમણે આ ચાઇનીઝ વિડિઓ એપ્લિકેશન પર 15 મિલિયનથી વધુ ફોલોઅર્સ એકત્રિત કર્યા છે.
આ પણ વાંચો:થોડા થોડા કિલોમીટરે ટોલ ટેક્સ ચૂકવીને કંટાળી ગયા છો? તો આખા વર્ષના હવે ભરી દો આટલો ટેક્સ
આ પણ વાંચો:આ તો ખરું કહેવાય! બળતણ વિના જહજો દરિયામાં દોડશે, વાંચો શું હશે દરિયાઇ પરિવહનની તાકાત
