બોલો હવે કંઈ કહેવું છે? ઉંદરડા 800 બોટલ દારુ પી ગયા! જાણો અજીબોગરીબ કિસ્સાની હકીકત
ઝારખંડ, 16 જુલાઈ 2025: દારૂ એક એવી વસ્તુ છે જે દરેકના સ્વાસ્થ્ય માટે ખરાબ છે. એટલા માટે લોકોને દારૂ પીવાની મનાઈ છે પરંતુ ઘણા લોકો એવા છે જે પોતાને દારૂથી દૂર રાખી શકતા નથી. કેટલાક શોખ માટે પીવે છે અને કેટલાકને આદત હોવાથી પીવે છે. પરંતુ શું તમે ક્યારેય સાંભળ્યું છે કે કોઈ જગ્યાના ઉંદરો દારૂના શોખીન હોય છે અથવા તેઓ દારૂ પીવે છે. તમને આશ્ચર્ય થશે પણ ધનબાદથી આવો જ એક કિસ્સો સાંભળવા મળ્યો છે.
ઉંદરો પર દારૂ પીવાનો આરોપ
એક દુકાનમાં સ્ટોક મેચિંગ, હેન્ડઓવર અને ટેકઓવર તેમજ વેચાણ અને ડિપોઝિટની પ્રક્રિયા પૂર્ણ થઈ રહી હતી. આ દરમિયાન, બલિયાપુરના પ્રધાનખાંટા ખાતે આવેલી વાઇન શોપના ઓડિટ પછી, જ્યારે દુકાન વાઇન મેચિંગ માટે ખોલવામાં આવી ત્યારે, 802 બોટલ વાઇન વિચિત્ર સ્થિતિમાં મળી આવી. કેટલીક બોટલો તૂટેલી હતી અને કેટલીક બોટલોના ઢાંકણા કતરેલા હતા. જ્યારે ઓડિટ અધિકારીએ દુકાનના કર્મચારીને આ બોટલોનો હિસાબ પૂછ્યો ત્યારે તેણે આ માટે ઉંદરોને દોષી ઠેરવ્યા. તેણે કહ્યું કે એવું લાગે છે કે ઉંદરોએ દુકાનમાં રાખેલી 802 બોટલ વાઇન પીધી હતી.
થોડા દિવસો પહેલા ગાંજાના આરોપ લાગ્યા હતા
આ વિચિત્ર કિસ્સો પ્રકાશમાં આવ્યા પછી, ધનબાદ ફરી એકવાર હેડલાઇન્સમાં આવ્યું છે. ખરેખર, થોડા દિવસો પહેલા, ધનબાદના રાજગંજ પોલીસ સ્ટેશનમાં રાખેલા ઉંદરો પર ગાંજો ખાવાનો આરોપ મૂકવામાં આવ્યો હતો અને હવે તેમના પર દારૂ પીવાનો આરોપ છે. આ બધું સાંભળીને લોકો કહેશે કે ધનબાદના ઉંદરો દારૂડિયા અને ગાંજાના વ્યસની છે. બીજી તરફ, જો એક્સાઇઝ વિભાગનું માનીએ, તો નુકસાન થયું છે અને ગમે તે સંજોગોમાં થયું છે અને જો સ્ટોક ઓછો જોવા મળે છે, તો તેનું વળતર કંપનીના કર્મચારીઓ પાસેથી વસૂલવામાં આવશે.
આ પણ વાંચો: રશિયન મહિલા અને તેની દીકરીઓ ગુફામાં કેવી રીતે જીવન પસાર કરતાં હતાં? નવી વિગતોનો થયો ખુલાસો
