શેરબજારમાં તેજીનો સંકેત, ગોલ્ડમેન સૅક્સે 15 શેરોમાં રોકાણની આપી સલાહ
Stock Market : ભારતીય શેરબજારમાં ફરી તેજીનું વાતાવરણ સર્જાઈ શકે છે. વૈશ્વિક ઇન્વેસ્ટમેન્ટ બેંક ગોલ્ડમેન સૅક્સના નવા અહેવાલ મુજબ આગામી સમયમાં ભારતીય શેરબજારમાં મજબૂત વૃદ્ધિ જોવા મળી શકે છે. બેંકનું માનવું છે કે જૂન 2027 સુધી નિફ્ટી 50 ઈન્ડેક્સ 26,500ના સ્તર સુધી પહોંચી શકે છે, જે તેના અગાઉના સર્વોચ્ચ સ્તર કરતાં પણ વધુ છે.
ભારતના બજાર અંગે ગોલ્ડમેન સૅક્સનો સકારાત્મક અભિગમ
11 જુલાઈના રોજ જાહેર કરાયેલા અહેવાલમાં જણાવાયું છે કે છેલ્લા કેટલાક અઠવાડિયામાં ભારતનું આર્થિક દૃશ્ય વધુ મજબૂત બન્યું છે. કોમોડિટી કિંમતોમાં ઘટાડો, રૂપિયાની સ્થિરતા, સ્થાનિક અર્થતંત્રની મજબૂત વૃદ્ધિ અને કંપનીઓના સારા નફાની સંભાવનાઓને કારણે બજાર માટે સકારાત્મક વાતાવરણ ઉભું થયું છે.
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
વિશ્લેષક સુનીલ કૌલના જણાવ્યા મુજબ પશ્ચિમ એશિયામાં ભૂરાજકીય તણાવને કારણે ટૂંકા ગાળામાં અસ્થિરતા આવી શકે છે, છતાં લાંબા ગાળે ભારતીય શેરબજારમાં તેજી ચાલુ રહેવાની સંભાવના છે.
કયા સેક્ટર પર ગોલ્ડમેન સૅક્સનો વધુ વિશ્વાસ?
ગોલ્ડમેન સૅક્સે ભારતના ડિફેન્સ, એનર્જી સિક્યોરિટી, યુટિલિટી, બેન્કિંગ, IT, મીડિયા, ટેલિકોમ અને રિફાઈનરી સેક્ટર અંગે સકારાત્મક અભિગમ વ્યક્ત કર્યો છે. જ્યારે નિકાસ આધારિત કેટલીક કંપનીઓ અને ડાઉનસ્ટ્રીમ ઓઈલ સેક્ટર અંગે સાવચેતી રાખવાની સલાહ આપવામાં આવી છે.
આ 15 શેરો પર લગાવ્યો દાવ
ગોલ્ડમેન સૅક્સે વર્ષ 2026ના બીજા ભાગમાં સારું પ્રદર્શન કરી શકે એવા 15 શેરોની પસંદગી કરી છે.
- Reliance Industries
- HDFC Bank
- Adani Enterprises
- Adani Power
- Kotak Mahindra Bank
- NTPC
- Hindustan Aeronautics (HAL)
- Eternal
- Power Grid
- Adani Green Energy
- InterGlobe Aviation
- HDFC Life Insurance
- Indian Hotels
- Mazagon Dock Shipbuilders
- MakeMyTrip
રોકાણકારો માટે શું સંકેત?
બજાર નિષ્ણાતોના મત મુજબ જો વૈશ્વિક પરિસ્થિતિ સ્થિર રહે અને ભારતીય અર્થતંત્ર મજબૂત ગતિએ આગળ વધે તો આગામી મહિનાઓમાં શેરબજારમાં સારો ઉછાળો જોવા મળી શકે છે. જોકે રોકાણ કરતા પહેલા પોતાની નાણાકીય સ્થિતિ અને જોખમ ક્ષમતાને ધ્યાનમાં રાખીને નિષ્ણાતની સલાહ લેવી જરૂરી છે.
