અમેરિકામાં દિવસ દરમિયાન ચોંકાવનારી ઘટના: ચાર્લી કિર્કની ગોળી મારીને હત્યા
અમેરિકા, 11 સપ્ટેમ્બર 2025: અમેરિકામાં એક દિલ ધડકાવનારી ઘટના સામે આવી છે. રાષ્ટ્રપતિ ડોનાલ્ડ ટ્રમ્પના નજીકના સાથી અને કન્ઝર્વેટિવ યુથ ગ્રૂપ ટર્નિંગ પોઈન્ટ યુએસએના CEO અને સહ-સ્થાપક ચાર્લી કિર્કની ગોળી મારીને હત્યા કરવામાં આવી છે. બુધવારે યૂટા વેલી યુનિવર્સિટીમાં એક કાર્યક્રમ દરમિયાન તેમના પર ગોળીબાર કરવામાં આવ્યો હતો. તાત્કાલિક તેમને હોસ્પિટલમાં દાખલ કરવામાં આવ્યા હતા, પરંતુ તેમનો જીવ બચાવી શકાયો નહીં. ચાર્લી કિર્કના મૃત્યુથી રાષ્ટ્રપતિ ટ્રમ્પને ઊંડો આઘાત લાગ્યો છે, કારણ કે તેઓ તેમના ખૂબ જ નજીકના સાથી ગણાતા હતા.
યૂટા વેલી યુનિવર્સિટીમાં ચાર્લી કિર્કની હત્યા
બુધવારે કન્ઝર્વેટિવ એક્ટિવિસ્ટ અને રાષ્ટ્રપતિ ડોનાલ્ડ ટ્રમ્પના નજીકના સાથી ચાર્લી કિર્કની યૂટા વેલી યુનિવર્સિટીમાં એક ચર્ચાસભા દરમિયાન જાહેરમાં ગોળી મારીને હત્યા કરવામાં આવી હતી. મળેલી માહિતી અનુસાર, ચાર્લી કિર્ક યૂટા વેલી યુનિવર્સિટીમાં એક કાર્યક્રમમાં બોલી રહ્યા હતા. આ દરમિયાન અજાણ્યા હુમલાખોરે સ્ટેજ પર માઈક હાથમાં લઈને ઊભેલા કિર્કની ગરદનમાં ગોળી મારી દીધી. આ ઘટનાનો એક વીડિયો સોશિયલ મીડિયા પર વાયરલ થઈ રહ્યો છે, જેમાં કિર્કને ગોળી વાગ્યા બાદ ઢળી પડતા જોવા મળે છે.
In honor of Charlie Kirk, President Trump is ordering all American flags throughout the U.S. to be lowered to Half Mast. pic.twitter.com/FOYHIZU2FD
— The White House (@WhiteHouse) September 10, 2025
હુમલાખોરની ધરપકડ અને તપાસ
ચાર્લી કિર્કના હુમલાખોરની ધરપકડ કરવામાં આવી છે. આ મામલે ઓરેમ પોલીસ વિભાગ, યૂટા વેલી યુનિવર્સિટી પોલીસ, એફબીઆઈ અને યૂટા ડિપાર્ટમેન્ટ ઓફ પબ્લિક સેફ્ટી સંયુક્ત રીતે ઘટનાની તપાસ કરી રહ્યા છે. ચાર્લી કિર્કના મૃત્યુ પર રાષ્ટ્રપતિ ટ્રમ્પ અને વ્હાઈટ હાઉસે X પર શોક વ્યક્ત કર્યો છે. આ સાથે જ અમેરિકી ઝંડાઓને અડધા ઝુકાવવાનો આદેશ આપવામાં આવ્યો છે.
અમેરિકી ઝંડા અડધા ઝુકાવવાનો આદેશ
વ્હાઈટ હાઉસે X પોસ્ટમાં લખ્યું, “ચાર્લી કિર્કને સન્માન આપવા માટે, રાષ્ટ્રપતિ ટ્રમ્પે સમગ્ર અમેરિકામાં તમામ અમેરિકી ઝંડાઓને અડધા ઝુકાવવાનો આદેશ આપ્યો છે.” અમેરિકી મીડિયા અનુસાર, ગોળીબાર ત્યારે થયો જ્યારે કિર્ક એક વિદ્યાર્થીના સામૂહિક ગોળીબાર (માસ શૂટિંગ) સંબંધિત સવાલનો જવાબ આપી રહ્યા હતા.
વિદ્યાર્થીઓને સાવચેત રહેવાની અપીલ
ચાર્લી કિર્કની હત્યાએ અમેરિકાના કન્ઝર્વેટિવ સમુદાયમાં શોકની લહેર ફેલાવી દીધી છે. તેમના સમર્થકો અને ચાહકો સોશિયલ મીડિયા પર તેમને શ્રદ્ધાંજલિ આપી રહ્યા છે. આ ઘટનાએ અમેરિકામાં વધી રહેલી રાજકીય હિંસા અંગે પણ સવાલો ઉભા કર્યા છે. તપાસ એજન્સીઓ આ હત્યાકાંડના પાછળના હેતુ અને હુમલાખોરની ઓળખની તપાસમાં લાગેલી છે. આ દરમિયાન, યૂટા વેલી યુનિવર્સિટીએ કેમ્પસમાં સુરક્ષા વધારી દીધી છે અને વિદ્યાર્થીઓને સાવચેત રહેવાની અપીલ કરી છે.
આ પણ વાંચો : … ત્યારે નેપાળ ભારતમાં જોડાવા માંગતો હતો, પંડિત નેહરુએ રાજા ત્રિભુવનની ઓફર કેમ નકારી?
