ભંગારમાંથી પણ મળ્યા કરોડો રૂપિયા! સરકારની સફાઇ ઝુંબેશે તોડી નાખ્યાં તમામ રેકોર્ડ

નવી દિલ્હી, 10 નવેમ્બર, 2025: ભારત સરકારને ભંગારમાંથી પણ કરોડો રૂીપિયા મળ્યા છે. કેન્દ્ર સરકાર દ્વારા પાછલા કેટલાક મહિનાઓમાંથી મોટા સ્તરે સફાઇ અભિયાનનું આયોજન કરવામાં આવ્યું હતુ. આ દરમિયાન સરકારે ભંગાર વેચીને આશરે રૂ. 800 કરોડ ઊભા કરી લીધા છે.

આ આંકડો એટલો મોટો છે કે ફક્ત ભંગાર વેચીને થતી કમાણી સરકારના નાના પ્રોજેક્ટ્સ જેટલી જ છે. આ આંકડો ચંદ્રયાન-3 ના બજેટ કરતાં પણ વધુ છે, જેનો ખર્ચ રૂ. 615 કરોડ હતો. પ્રાપ્ત માહિતી અનુસાર, કેન્દ્ર સરકારે આ સફાઈ અભિયાનમાંથી નોંધપાત્ર આવક મેળવી છે.

અભિયાનનો પ્રારંભ 2021માં થયો હતો

2021 માં વાર્ષિક અભિયાન શરૂ થયું ત્યારથી, કેન્દ્ર સરકારે ભંગાર વેચીને આશરે રૂ. 4,100 કરોડની કમાણી કરી છે. આ વર્ષના આંકડા, જે 2 થી 31 ઓક્ટોબર વચ્ચે ચાલ્યું હતુ, તેમાં રેકોર્ડબ્રેક સફાઈ પ્રયાસો જોવા મળ્યા હતા.

આ અભિયાન દરમિયાન, 23.2 મિલિયન ચોરસ ફૂટ ઓફિસ જગ્યા સાફ કરવામાં આવી હતી અને આશરે 2.9 મિલિયન જૂની ફાઇલો દૂર કરવામાં આવી હતી. આ અત્યાર સુધીનું સૌથી મોટું સફાઈ અભિયાન હતું, જેમાં 11.58 લાખથી વધુ ઓફિસોએ સક્રિયપણે ભાગ લીધો હતો.

ડેટા સાથે સમગ્ર મુદ્દાને સમજો

કેન્દ્ર સરકારે 2021થી 2025 દરમિયાન પાંચ મોટા સ્વચ્છતા અભિયાનનું આયોજન કર્યું હતું. આ પાંચ અભિયાન હેઠળ કુલ 23.62 લાખ સરકારી કચેરીઓની સફાઈ કરવામાં આવી હતી, સાથે 928.84 લાખ ચોરસ ફૂટ જગ્યા સાફ કરવામાં આવી હતી અને 166.95 લાખ ફાઇલોને સૉર્ટ અથવા બંધ કરવામાં આવી હતી.

આ સમગ્ર અભિયાને માત્ર સ્વચ્છતાને પ્રોત્સાહન આપ્યું ન હતું પરંતુ આ સરકારી કચેરીઓમાં પેન્ડિંગ કેસ ઘટાડવામાં પણ મદદ કરી હતી. વધુમાં, તેનાથી સરકારના ખજાનામાં પણ વધારો થયો હતો, જેનાથી કુલ રૂ. 4,097.24 કરોડની આવક થઈ હતી.

આ પણ વાંચોઃ NCLTએ આપી મોટી મંજૂરી! મારુતિ સુઝુકી ઇન્ડિયામાં આ ઓટો કંપનીનું થશે મર્જર