West Bengal : અભિનેત્રીમાંથી રાજકારણી બનેલી સયાની ઘોષ પશ્ચિમ બંગાળના રાજકારણમાં એક અગ્રણી વ્યક્તિ છે. શોબિઝથી લઈને રાજકારણ સુધી, સયાનીએ પોતાનું એક વિશિષ્ટ સ્થાન બનાવ્યું છે. તેણીએ નાની ઉંમરે અભિનયની દુનિયામાં પ્રવેશ કર્યો અને થોડા વર્ષોમાં, તૃણમૂલ કોંગ્રેસ (TMC)ના અગ્રણી યુવા નેતાઓમાંની એક બની ગઈ. ચાલો મમતા બેનર્જી સામે બળવો કરનાર સાંસદ સયાનીના ફિલ્મી કારકિર્દી પર એક નજર કરીએ.
17 વર્ષની ઉંમરમાં ડેબ્યૂ
સયાની ઘોષે માત્ર 17 વર્ષની ઉંમરમાં અભિનયમાં ડેબ્યૂ કર્યું હતું. તેણીએ કારકીર્દીની શરૂઆત ફિલ્મ ‘અચ્છે દાના’ કરી હતી. તે બાદ તેણીએ મોટોબોર નોટઆઉટથી મોટા પરદા પર ડેબ્યૂ કર્યું. સયાનીએ શોત્રૂ, અલીક સુખ, ગોલપો હોલેઓ શોટી, નાટોકર મોટો – લાઈક અ પ્લે, બ્યોમકેશ ઓ ચિરિયાખાના, મેઘનાદ બઢ રહસ્ય, કા ખા ગા ઘ, રીયૂનિયન, ડ્રૈકુલા સર, અપરાજિતો, લાલ સૂટકેસ તા દેખેચેન જેવી તમામ ફિલ્મોમાં અભિનય કર્યો છે.
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
સયાની બોલ્ડ અભિનય કરવામાં પણ અચકાતી નહીં. તેઓએ હંમેશા સ્ક્રિપ્ટની ડિમાંડના હિસાબે પોતાની ભૂમિકા નિભાવી અને શોબિજની દુનિયામાં છવાઈ ગઈ. તેણીએ પોતાના ટેલેન્ડને માત્ર નાના પડદા સુધી સીમિત રાખ્યું નથી. સયાનીએ કેટલીક વેબસીરીઝમાં પણ કામ કર્યું છે. જેના માટે તેણીને ઘણી પ્રસિદ્ધી પણ મળી.
રાજનીતિમાં ક્યારે કર્યું ડેબ્યૂ
ટીવી શો, ફિલ્મ અને વેબ સીરીઝમાં પોતાની પ્રતિભા વિખેર્યા બાદ સયાનીએ રાજનીતિમાં આવવાનો નિર્ણય લીધો. સયાની 2021માં ટીએમસીમાં એન્ટ્રી કરી હતી. 2021ની વિધાનસભા ચૂંટણી હારવા છતાં મમતા બેનર્જીએ તેમના પર વિશ્વાસ રાખ્યો. મમતા બેનર્જીને સયાનીના વલણ અને કુશળતા પર વિશ્વાસ હતો. 2024માં સયાનીએ મમતા બેનર્જીના વિશ્વાસને સાચો સાબિત કર્યો. 2024ના લોકસભા ચૂંટણીમાં તેણીએ જાદવપુર બેઠક પરથી જીત મેળવી. ચૂંટણીમાં મળેલી જીતે તેણીને અભિનેત્રીમાંથી નેતા બનાવ્યા.
માયનેતા ડોટ કોમ પર હાલ ચૂંટણી આયોગને આપવામાં આવેલ સોગંદનામા અનુસાર, તેમની કુલ સંપત્તિ 91.89 લાખ રૂપિયા છે. સયાની પર 59 લાખ રુપિયાની લોન પણ છે. સોગંધનામાં અનુસાર, ટીએમસી સાંસદ સયાની ઘોષના નામ પર કોઈ એગ્રીકલ્ચર લેંડ નથી. અને તેમની પાસે પ્લોટ પણ નથી. તેમની પાસે કોમર્શિયલ પ્રોપર્ટી પણ નથી. સયાનીએ કલકત્તાના ગોલ્ફ ગ્રીનમાં પોતાના સપનાનું મકાન બનાવ્યું છે. તેમના ઘરની કિંમત 62.64 લાખ રૂપિયા બતાવવામાં આવી રહી છે.
આ પણ વાંચો : અમદાવાદ પ્લેન ક્રેશ દુર્ઘટના : વિમાન અકસ્માતના 1 વર્ષ બાદ આવશે તપાસ રિપોર્ટ
