આગામી વર્ષે 11 ટકા વધશે સેલરી, ઇન્ફ્રાસ્ટ્રક્ચર તેમજ NBFC સેકટરમાં મળશે સૌથી વધુ સેલરી વધારો

નવી દિલ્હી, 8 ઓક્ટોબર, 2025: સેલરી (વેતન)ની દ્રષ્ટિએ ગુલાબી ચિત્ર સામે આવી રહ્યું છે. 2026માં વેતનમાં 11 ટકા વધારો થવાની આશા છે. 2025માં 8.9 ટકા વૃદ્ધિ કરતા આ સહેજ વધુ છે. વૈશ્વિક અર્થવ્યવસ્થામાં સુસ્તી હોવા છતાં આ વલણ રોજગાર બજારની મજબૂતાઇ દર્શાવે છે. એઓન પીએલસીના અનુસાર 2026માં રિયલ એસ્ટેટ, ઇન્ફ્રાસ્ટ્રક્ચર અને નોન બેન્કિંગ નાણાંકીય કંપનીઓ (NBFC) જેવા ક્ષેત્રોમાં સૌથી વધુ વેતન વૃદ્ધિ થશે. રિપોર્ટના અનુસાર રિયલ એસ્ટેટ અને ઇન્ફ્રાસ્ટ્રક્ચર કંપનીઓ 10.9 ટકાનો વેતન વધારો કરી શકે છે. જ્યારે NBFCમાં 10 ટકા વૃદ્ધિ થઇ શકે છે.

ઓટોમોટિવ અને વાહન ઉત્પાદન જેવા અન્ય ઉદ્યોગોમાં 9.6 ટકા, આ સાથે એન્જિનિયરિંગ ડિઝાઇનમાં 9.7 ટકા, એન્જિનિયરિંગ અને ઉત્પાદનમાં 9.2 ટકા, છૂટક વેચાણમાં 9.6 ટકા અને બાયો સાયંસમાં 9.6 ટકા વૃદ્ધિ થવાનો અંદાજ છે.

એટ્રિશન રેટ ઘટીને 17.1 ટકા થયો

રિપોર્ટ મુજબ, એટ્રિશન રેટ 2025 માં ધીમે ધીમે ઘટીને 17.1 ટકા થવાનો અંદાજ છે, જે 2024માં 17.7 ટકા અને 2023માં 18.7 ટકા હતો. આનો અર્થ એ છે કે કંપનીઓ કર્મચારીઓને જાળવી રાખવા અને ભવિષ્ય માટે મજબૂત કાર્યબળ બનાવવા માટે ક્ષમતા નિર્માણ અને વિકાસ કાર્યક્રમોમાં રોકાણ કરી શકે છે. જે કંપનીઓ આ ફેરફારો સાથે તેમની પુરસ્કાર વ્યૂહરચનાઓ ગોઠવે છે તેઓ ટોચની પ્રતિભાઓને આકર્ષવા માટે શ્રેષ્ઠ સ્થિતિમાં હશે.

આ પણ વાંચોઃ શનિના માર્ગી થવાથી આ રાશિઓની કિસ્મત ચમકશે, ધન-ધાન્યમાં વધારો થશે