Extramarital Dating App પર 40 લાખ ભારતીયો, મહિલાઓની સંખ્યા વધી, ગુજરાતનું આ શહેર પણ છે ડિજિટલ અફેરનું હબ
National News: ભારતને હંમેશા એવા દેશ તરીકે વર્ણવવામાં આવે છે જ્યાં પરિવાર અને લગ્નને સૌથી વધુ મહત્ત્વ આપવામાં આવે છે, પરંતુ તાજેતરના સંશોધનો દર્શાવે છે કે લોકો સંબંધો અને વ્યક્તિગત નિર્ણયો પ્રત્યે જે વલણ ધરાવે છે તે ધીમે ધીમે બદલાઈ રહ્યું છે. ડિજિટલ પ્લેટફોર્મે લોકોને વધુ ખુલ્લાપણું અને સ્વતંત્રતા આપી છે, ખાસ કરીને જ્યારે લગ્ન અને સંબંધોની વાત આવે છે. લગ્નેત્તર ડેટિંગ એપ્સની લોકપ્રિયતા આ પરિવર્તનનો સ્પષ્ટ સંકેત છે. એક એકસ્ટ્રા મેરિટલ ડેટિંગ એપે તાજેતરમાં અહેવાલ આપ્યો છે કે ભારતમાં તેના 40 લાખથી વધુ યુઝર્સ છે. આ સંખ્યા માત્ર મોટી છે એટલું જ નહિ, પરંતુ તે સામાજિક પરિવર્તન તરફ પણ નિર્દેશ કરે છે. જાણો 40 લાખ ભારતીય કઈ એકસ્ટ્રા મેરિટલ એપ પર છે અને આખરે આ ડિજિટલ અફેરનું હબ શું છે. ગુજરાતનું કયું શહેર ડિજિટલ અફેરનું હબ બની ચૂક્યું છે
40 લાખ ભારતીયો કઈ લગ્નેત્તર એપ્લિકેશનનો ઉપયોગ કરે છે?
Gleeden એક લગ્નેત્તર ડેટિંગ એપ્લિકેશન છે, જેની પર ભારતના 40 લાખથી વધુ યુઝર્સ છે. 2024 માં ગ્લીડેને ટાયર 1 અને ટાયર 2 શહેરોમાં રહેતા 25 થી 50 વર્ષની વયના 1,503 પરિણીત ભારતીયોનો અભ્યાસ હાથ ધર્યો હતો. અભ્યાસમાં જાણવા મળ્યું છે કે 60 ટકાથી વધુ લોકો બિનપરંપરાગત ડેટિંગ પ્રેક્ટિસ અપનાવવા તૈયાર છે. સ્વિંગિંગ, ઓપન રિલેશન માટે તેઓ ખુલ્લા છે. આ પરિવર્તન ફક્ત એપ્લિકેશનો સુધી મર્યાદિત નથી. અન્ય એક વૈશ્વિક ગ્લોબલ એકસ્ટ્રા મેરિટલ પ્લેટફોર્મ છે. Ashley Madison.તેણે પણ 2025 માં જણાવ્યું હતું કે તમિલનાડુનું કાંચીપુરમ હવે દેશના અફેર હોટસ્પોટ્સમાંનું એક બની ગયું છે. આ ડેટા દર્શાવે છે કે જે એક સમયે ખરાબ માનવામાં આવતું હતું તે ધીમે ધીમે સામાન્ય થઈ રહ્યું છે.
Gleeden એપના યુઝર્સ કોણ છે?
ગ્લીડેનના ડેટા અનુસાર ભારતમાં એપના 65 ટકા યુઝર્સમાં પુરુષો છે, જ્યારે 35 ટકા સ્ત્રીઓ છે. મોટાભાગના યુઝર્સ પરિણીત છે અથવા લાંબા ગાળાના સંબંધોમાં છે. છેલ્લા બે વર્ષમાં મહિલાઓની ભાગીદારીમાં 148 ટકાનો વધારો થયો છે. સરેરાશ ભારતીય યુઝર્સ દરરોજ 1 થી 1.5 કલાક ચેટ કરે છે, જે બપોરે 12 થી 3 વાગ્યા અને રાત્રે 10 થી 3 વાગ્યાની વચ્ચે સૌથી વધુ હોય છે. એપ પર પુરુષો ઘણીવાર 25 થી 30 વર્ષની વયની મહિલાઓને શોધે છે, જ્યારે સ્ત્રીઓ 30 થી 40 વર્ષની વયના આર્થિક રીતે સ્થિર પુરુષોને પસંદ કરે છે, જેમ કે ડૉક્ટર, સિનિયર એક્ઝીક્યુટિવ અને ચાર્ટર્ડ એકાઉન્ટન્ટ.
આ ડિજિટલ અફેરનું કેન્દ્ર ક્યાં છે?
ભારતમાં એકસ્ટ્રા ડેટિંગ એપ્સનો ઉપયોગ હવે ફક્ત મેટ્રો શહેરો પૂરતો મર્યાદિત નથી. જ્યારે બેંગલુરુ (18 ટકા), હૈદરાબાદ (17 ટકા), દિલ્હી (11 ટકા), મુંબઈ (9 ટકા) અને પુણે (7 ટકા)માં સૌથી વધુ યુઝર્સ છે, ત્યારે લખનૌ, ચંદીગઢ, ગુજરાતનું સુરત, કોઈમ્બતુર, પટના અને ગુવાહાટી જેવા નાના શહેરોમાં પણ આ વલણ ઝડપથી વધી રહ્યું છે. ડિજિટલ બાબતો અને અપરંપરાગત સંબંધોમાં રસ હવે મોટા શહેરોની શહેરી સંસ્કૃતિ સુધી મર્યાદિત નથી રહ્યો. નાના શહેરોમાં લોકો પણ તેમની વ્યક્તિગત અને ભાવનાત્મક જરૂરિયાતો પૂરી કરવા માટે આ પ્લેટફોર્મ તરફ વળી રહ્યા છે.
મહિલાઓની સંખ્યા વધુ
સૌથી નોંધપાત્ર ફેરફાર એ છે કે આ એપનો ઉપયોગ કરતી મહિલાઓની સંખ્યામાં તીવ્ર વધારો થયો છે. ગ્લીડેન કહે છે કે આના ઘણા કારણો છે: મહિલાઓ હવે તેમની વ્યક્તિગત પસંદગીઓમાં વધુ કોન્ફિડન્સ બતાવી રહી છે અને આ એપ મહિલાઓ માટે એક મફત અને સલામત પ્લેટફોર્મ પૂરું પાડે છે.
