પંજાબ : અમૃતસરમાં અકાલી દલના નેતાની ધોળે દિવસે ગોળી મારી હત્યા

અમૃતસર, 25 મે : પંજાબના અમૃતસરના જંડિયાલા ગુરુમાં વોર્ડ નંબર 2 ના અકાલી દળના કાઉન્સિલરની ધોળા દિવસે ગોળી મારીને હત્યા કરવામાં આવી હતી. અમૃતસરના છહેરતા સાહિબમાં ગોળીબાર થયો છે. મોટરસાઇકલ પર સવાર બે હુમલાખોરોએ અકાલી દળના કાઉન્સિલર હરજિંદર સિંહ બ્રાહ્મણ પર ગોળીબાર કર્યો હતો.

ત્રણથી ચાર ગોળીઓ ચલાવવામાં આવી હતી

અકાલી દળના કાઉન્સિલર હરજિંદર સિંહ બ્રાહ્મણને ત્રણથી ચાર ગોળીઓ વાગી હતી. હોસ્પિટલ લઈ જવામાં આવેલા કાઉન્સિલરને ડોક્ટરોએ મૃત જાહેર કર્યા હતા. પ્રાપ્ત માહિતી અનુસાર, બંને હુમલાખોરો મોટરસાઇકલ પર આવ્યા હતા. તેમાંથી એકે મોટરસાયકલ ચાલુ રાખી, જ્યારે બીજાએ કાઉન્સિલર પર ગોળીબાર કર્યો હતો. પોલીસે સમગ્ર મામલાની તપાસ શરૂ કરી દીધી છે.

પોલીસ ટીમ સીસીટીવી ફૂટેજની તપાસ કરી રહી છે

પોલીસ ટીમ હવે વિસ્તારમાં લગાવેલા સીસીટીવી ફૂટેજ સ્કેન કરી રહી છે. આ ઉપરાંત સ્થાનિક લોકોની પણ પૂછપરછ કરવામાં આવી રહી છે. પોલીસ ટીમ એ પણ જાણવાનો પ્રયાસ કરી રહી છે કે શું કોઈ જૂની દુશ્મનાવટને કારણે કોઈએ આ હત્યા કરી છે.