ટોપ ન્યૂઝનેશનલ

સમગ્ર દેશમાં પોલીસ માટે એક જ યુનિફોર્મ હશે? PM મોદીનો ‘એક રાષ્ટ્ર, એક યુનિફોર્મ’નો વિચાર

PM મોદીએ વીડિયો કોન્ફરન્સ દ્વારા હરિયાણામાં ચાલી રહેલા તમામ રાજ્યોના ગૃહ પ્રધાનો માટે આયોજિત બે દિવસીય ‘ચિંતન શિવિર’ને સંબોધિત કર્યું. આ કાર્યક્રમમાં વડાપ્રધાન નરેન્દ્ર મોદીએ કહ્યું કે તમામ રાજ્યોએ એકબીજા પાસેથી શીખવું જોઈએ, પ્રેરણા લેવી જોઈએ અને આંતરિક સુરક્ષા માટે સાથે મળીને કામ કરવું જોઈએ.

ચિંતન શિવિર’ પર બોલતા, તેમણે પોલીસ માટે “એક રાષ્ટ્ર, એક યુનિફોર્મ”નો વિચાર શેર કર્યો. PM મોદીએ કહ્યું કે, તે લાદવામાં ન આવે પરંતુ તેના પર વિચાર કરવો જોઈએ. પોલીસ વિશે સારી છાપ જાળવવી જરૂરી છે, એમ તેમણે ઉમેર્યું હતું. PM મોદીએ પણ રાજ્યોને આઝાદી પહેલા બનેલા કાયદાઓની સમીક્ષા કરવા અને વર્તમાન સંદર્ભમાં તેમાં સુધારો કરવા જણાવ્યું હતું.

આવો અમે તમને PM મોદીના ભાષણની 5 મોટી વાતો જણાવીએ.

1
કાયદો અને વ્યવસ્થાનો સીધો સંબંધ વિકાસ સાથે છે. તેથી શાંતિ જાળવવાની જવાબદારી દરેકની છે.

2
આંતરિક સુરક્ષા માટે રાજ્યોનું સાથે મળીને કામ કરવું એ બંધારણીય આદેશ અને દેશ પ્રત્યેની જવાબદારી છે.

3
કાર્યક્ષમતા, સારા પરિણામો અને સામાન્ય માણસની સલામતી સુનિશ્ચિત કરવા માટે તમામ એજન્સીઓએ એકબીજાને સહકાર આપવો જોઈએ.

4
કાયદો અને વ્યવસ્થાની સ્થિતિ એ બંધારણ મુજબ રાજ્યનો વિષય છે, જો કે તે દેશની એકતા અને અખંડિતતા સાથે સમાન રીતે સંબંધિત છે.

5
આપણે ટેક્નોલોજી માટે સામાન્ય પ્લેટફોર્મ વિશે વિચારવાની જરૂર છે જેનો ઉપયોગ બધા કરી શકે.

Back to top button