પાકિસ્તાનમાં પૂરના કારણે સ્થિતિ હવે વધુ ખરાબ થઈ રહી છે. હવે પૂર પ્રભાવિત વિસ્તારોમાં સંક્રમણનો ભય છે. આ પૂરથી દેશભરમાં 6.60 લાખથી વધુ લોકો પ્રભાવિત થયા છે. આ આંકડા જુલાઈથી સપ્ટેમ્બર સુધીના છે. પાકિસ્તાન સરકારના આંકડા દર્શાવે છે કે 1,49,551 લોકો ઝાડાથી પીડિત છે અને 1,42,739 લોકો ત્વચા સંબંધિત રોગોથી પીડિત છે. એટલું જ નહીં 1, 32,485 લોકો શ્વાસની બીમારીથી પીડિત છે, લગભગ 50 હજાર લોકો મેલેરિયાથી પીડિત છે.
The flooding in Pakistan is so bad that what looks like an entire new massive lake is now visible from space pic.twitter.com/NygQLn1SDi
— Read Class Struggle Unionism by Joe Burns (@JoshuaPotash) September 1, 2022
47 હજાર મહિલાઓ ગર્ભવતી
સિંધ પ્રાંતના સ્વાસ્થ્ય મંત્રીએ રજૂ કરેલા આંકડા ચોંકાવનારા છે. તેમના જણાવ્યા અનુસાર 47 હજાર મહિલાઓ ગર્ભવતી છે અને એકલા સિંધ પ્રાંતમાં અલગ-અલગ કેમ્પમાં રહે છે. એટલું જ નહીં 1.34 લાખ લોકો ઝાડા અને લગભગ 44 હજાર લોકો મેલેરિયાથી પીડિત છે. સરકારના તાજેતરના આંકડા દર્શાવે છે કે પૂર પ્રભાવિત વિસ્તારોમાંથી બચાવીને અલગ-અલગ સ્થળોએ રાખવામાં આવેલા લોકોમાંથી લગભગ 1 લાખ લોકો ત્વચાની સમસ્યાથી પીડિત છે. પૂરના કારણે જમીનની અંદર રહેતા સાપ અને અન્ય ઝેરી જીવો પણ બહાર આવી ગયા છે.
I don't know why a section of Pakistan is getting upset that that Indian media is not covering floods there. We dont cover our floods here also.
— Naomi Datta (@nowme_datta) September 5, 2022
સિંધ પ્રાંતમાં જ લગભગ 101 લોકોને સાપે ડંખ માર્યો
એકલા સિંધ પ્રાંતમાં જ લગભગ 101 લોકોને સાપે ડંખ માર્યો છે. સાથે જ 500 લોકોને રખડતા કૂતરાં કરડ્યા છે. એટલું જ નહીં સિંધમાં પૂર પ્રભાવિત વિસ્તારોમાં લોકોને હવે શ્વાસ લેવામાં તકલીફ પડી રહી છે. સિંધ દેશના તે પ્રાંતોમાંનો એક છે જ્યાં પૂરની સ્થિતિ ખૂબ જ વિકટ સ્વરૂપ ધારણ કરી ચૂકી છે. આ પૂરના કારણે લાખો લોકો બેઘર બન્યા છે. યુનાઈટેડ નેશનલ પોપ્યુલેશન ફંડ (UNFPA)ના અહેવાલમાં જણાવવામાં આવ્યું છે કે દેશભરમાં પૂર પ્રભાવિત વિસ્તારોમાં લગભગ 6.50 લાખ મહિલાઓ ગર્ભવતી છે, જેમાંથી 73 હજારની આ મહિને ડિલિવરી થશે. યુએનના રિપોર્ટમાં કહેવામાં આવ્યું છે કે આ વિસ્તારોમાં જલ્દી જ સારી સ્વાસ્થ્ય સુવિધાઓની જરૂર છે.
The level of flooding in Pakistan is unreal pic.twitter.com/M61nvNZHLC
— Wall Street Silver (@WallStreetSilv) September 5, 2022
રિપોર્ટ અનુસાર આ પૂરને કારણે લગભગ 10 લાખ ઘરોને નુકસાન થયું છે. પાકિસ્તાન સરકારે પૂરના જોખમને ધ્યાનમાં રાખીને દેશમાં રાષ્ટ્રીય કટોકટી જાહેર કરી છે.
