આંતરરાષ્ટ્રીય ટોપ ન્યૂઝ ટ્રેન્ડિંગ નેશનલ યુટિલીટી સાયન્સ એન્ડ ટેકનોલોજી

Ohh No.. Take care : Google અને Appleના કેટલા અરબ લોકોના પાસવર્ડ લીક થયા? વાંચો સનસનિખેજ ખુલાસો

Bhavin Vora Last Updated: જૂન 20, 2025

1 minute read

ભુજ, 20 જૂન 2025: Google Data Theft, Password Protection સાયબરના ઇતિહાસમાં સૌથી મોટી ડેટા ચોરી થઇ હોવાનો ખુલાસો થયો છે. ગૂગલ અને એપલના પાસવર્ડ લીક કરાયા છે અને તેમાં અરબો લોકોના એકાઉન્ટને અસર થઇ છે. વાંચો શું છે આ ખુલાસા.

ડેટા ઓનલાઈન વેચાણ માટે ઉપલબ્ધ કરાવાયા ?

જો તમે પણ એપલ, ગુગલ અને ફેસબુક જેવા એકાઉન્ટનો ઉપયોગ કરો છો, તો આ સમાચાર ખાસ કરીને તમારા લોકો માટે છે. ઇતિહાસની સૌથી મોટી ડેટા ચોરી થઈ છે, તાજેતરમાં એક રિપોર્ટમાં ખુલાસો થયો છે કે ૧૬ અબજ લોકોના પાસવર્ડ અને લોગ-ઇન ઓળખપત્રો લીક થયા છે અને આ બધો ડેટા ઓનલાઈન વેચાણ માટે ઉપલબ્ધ કરાવવામાં આવ્યો છે.

ફિશિંગ હુમલા, આઈડી ચોરીનો સામનો કરવો પડશે?

સાયબર સુરક્ષા સંશોધકોએ શોધી કાઢ્યું છે કે, ડાર્ક વેબ પર 16 અબજથી વધુ ઓળખપત્રો ઓનલાઈન વેચાણ માટે ઉપલબ્ધ છે. નિષ્ણાતો કહે છે કે, જો આનો સમયસર ઉકેલ લાવવામાં ન આવે તો લોકોને ફિશિંગ હુમલા, આઈડી ચોરીનો સામનો કરવો પડી શકે છે અને એકાઉન્ટ પરના નિયંત્રણ ગુમાવવા પડે તેમ છે.

પાસવર્ડ બદલવા અને પાસકીના ઉપયોગની સલાહ

ફોર્બ્સના અહેવાલ મુજબ, આ વર્ષની શરૂઆતમાં શરૂ થયેલી તપાસમાં સામેલ સંશોધકો માને છે કે મોટા પાયે પાસવર્ડ લીક માટે ઘણા ઇન્ફોસ્ટેલર માલવેર જવાબદાર છે. પાસવર્ડ ચોરી નાની બાબત નથી, કારણ કે તે ઘણા જોખમો તરફ દોરી શકે છે. આ જ કારણ છે કે ગૂગલે અબજો વપરાશકર્તાઓને તાત્કાલિક તેમના એકાઉન્ટ પાસવર્ડ બદલવા અને પાસકીનો ઉપયોગ કરવાની સલાહ આપી છે.

પાસવર્ડ કેવી રીતે લીક થયા?

30 ડેટાસેટ્સ લીક થયા હતા, જેમાં દરેકમાં 3.5 અબજથી વધુ રેકોર્ડ હતા, જેના કારણે આ આંકડો 16 અબજ સુધી પહોંચ્યો હતો. આમાં ગૂગલ, એપલ, ફેસબુક, ટેલિગ્રામ, ગિટહબ અને અન્ય સરકારી એજન્સીઓના પાસવર્ડ અને લોગ-ઇન ઓળખપત્રો છે. સાયબરન્યૂઝના વિલિયસ પેટકૌસ્કાસે આમ જણાવ્યું છે.

તમારા એકાઉન્ટને સુરક્ષિત રાખવા માટે શું કરવું? તમને અસર થઈ છે કે નહીં તે જાણવું જરૂરી નથી. આ સમયે સૌથી મહત્વપૂર્ણ બાબત એ છે કે એકાઉન્ટ પાસવર્ડ તાત્કાલિક બદલવો.