LIVE: ઓવલ ટેસ્ટમાં ભારતનો વિજય, ઈંગ્લેન્ડને છ રને હરાવ્યુંઃ શ્રેણી 2-2થી સરભર

Alkesh Patel લંડનLast Updated: ઓગસ્ટ 4, 2025

2 minutes read

લંડન, 04 ઓગસ્ટ, 2025ઃ india vs england Live ઈંગ્લેન્ડ વિરુદ્ધની છેલ્લી ટેસ્ટમાં ભારતે જીત મેળવી લીધી છે. અંગ્રેજોની ટીમને છ રને હરાવીને સિરિઝ 2-2થી ઈક્વલ કરી દીધી. છેલ્લા દિવસની રમત શરૂ થઈ ત્યારે ભારતને જીત માટે ચાર વિકેટની જરૂર હતી. જે લક્ષ્યાંક સિરાઝ સહિત બોલરોની મદદથી હાંસલ કરી લેવામાં આવ્યો છે.

આ અગાઉ ગઈકાલે ચોથા દિવસે જો રૂટ અને હેરી બ્રૂકની સદીઓએ ઈંગ્લેન્ડને આગળ લઈ જઈને 339/6નો સ્કોર બનાવ્યો, જ્યારે ભારતીય ઝડપી બોલરોએ અંતિમ ક્ષણોમાં પાછા ફરીને આશા જગાવી હતી. ચોથા દિવસની રમત પૂરી થતાં સુધી, ઈંગ્લેન્ડનો સ્કોર 339/6 હતો, જેમાં જેમી ઓવરટન (0*) અને જેમી સ્મિથ (2*) નોટઆઉટ રહ્યા. ઈંગ્લેન્ડને જીત માટે હજુ 35 રનની જરૂર હતી અને ભારતને જીત માટે ચાર વિકેટની જરૂર હતી. અંતમાં આકાશદીપ અને પ્રસિદ્ધ કૃષ્ણાની વિકેટો અને સેશનના અંતે મોહમ્મદ સિરાજના સતત સ્પેલે ભારતીય ચાહકોમાં થોડી આશા જગાવી હતી.

5TH Test. India Won by 6 Run(s) https://t.co/1X8XpuKSme #ENGvIND #5thTest

— BCCI (@BCCI) August 4, 2025

છેલ્લે છેલ્લે ઈંગ્લેન્ડની હાલત નાજૂક થઈ જતાં ઈજાગ્રસ વોક્સ પણ પીચ પર આવી ગયા હતા. જોકે છતાં ઈંગ્લિશ ટીમ હારથી બચી શકી નહોતી.

ભારતીય ક્રિકેટ ટીમે ઈંગ્લેન્ડની ટીમને 6 રનથી હરાવીને સીરિઝમાં 2-2થી સરભર કરી દીધી છે. ભારતે ઈંગ્લેન્ડને જીત માટે 374 રનનો લક્ષ્યાંક આપ્યો હતો, જેના જવાબમાં ઈંગ્લેન્ડની ટીમ માત્ર 367 રનમાં ઓલઆઉટ થઈ ગઈ. પ્રસિદ્ધ કૃષ્ણા અને મોહમ્મદ સિરાજે શાનદાર બોલિંગ કરીને ઈંગ્લેન્ડને હરાવી દીધું હતું.

અંતિમ સ્કોર

ભારત 224 અને 396

ઈંગ્લેન્ડ 247 અને 367

ટેસ્ટ ક્રિકેટના ઇતિહાસમાં પ્રથમ વખત એવું બન્યું છે કે ભારતે વિદેશી ધરતી પર પાંચ ટેસ્ટ મેચની સીરિઝનો અંતિમ મુકાબલો જીત્યો છે. આ પહેલાં ભારતે વિદેશી ધરતી પર પાંચ ટેસ્ટ મેચની 16 સીરિઝ રમી હતી, જેમાં 6 વખત અંતિમ ટેસ્ટમાં હાર મળી હતી અને 10 વખત અંતિમ ટેસ્ટ મેચ ડ્રો રહી હતી. હવે આખરે ભારતીય ટીમ વિદેશમાં પાંચ ટેસ્ટ મેચની સીરિઝનો અંતિમ મુકાબલો જીતવામાં સફળ રહી છે.

સુપ્રીમ કોર્ટનો રાહુલ ગાંધીને તમાચોઃ કોઈ સાચો ભારતીય સૈન્ય વિશે આવું નિવેદન કરી જ ન શકે

ઈંગ્લેન્ડની ટીમ માટે બીજી ઇનિંગ્સમાં હેરી બ્રૂક અને જો રૂટ સૌથી મોટા હીરો સાબિત થયા. આ બંને ખેલાડીઓએ સદી ફટકારી. બ્રૂકે ઝડપથી રન બનાવતા માત્ર 91 બોલમાં સદી ફટકારી હતી. તેમણે મેચમાં 111 રન બનાવ્યા, જેમાં 14 ચોગ્ગા અને બે છગ્ગા સામેલ હતા. રૂટે 110 રન બનાવ્યા. ઓપનિંગ માટે ઉતરેલા બેન ડકેટે પણ સારી બેટિંગનું પ્રદર્શન કર્યું હતું અને 54 રનની ઇનિંગ રમી હતી. પાંચમા દિવસે મોહમ્મદ સિરાજ અને પ્રસિદ્ધ કૃષ્ણાએ શાનદાર બોલિંગ કરી અને ત્રણ વિકેટ ઝડપથી લીધી. ત્યારબાદ ઈજાગ્રસ્ત હોવા છતાં ક્રિસ વોક્સ બેટિંગ માટે ઉતર્યા.

ભારતીય ટીમે પ્રથમ ઇનિંગ્સમાં 224 રન બનાવ્યા હતા. તે સમયે કરુણ નાયરે અડધી સદી ફટકારીને 57 રન બનાવ્યા હતા, જ્યારે બાકીના બેટ્સમેનો સારું પ્રદર્શન કરવામાં નિષ્ફળ રહ્યા. ત્યારબાદ ઈંગ્લેન્ડની ટીમે પ્રથમ ઇનિંગ્સમાં 247 રન બનાવ્યા અને પ્રથમ ઇનિંગ્સના આધારે 23 રનની મહત્ત્વની લીડ મેળવી લીધી. ઈંગ્લેન્ડ માટે ઝેક ક્રાઉલીએ સૌથી વધુ 64 રન બનાવ્યા. ભારત તરફથી મોહમ્મદ સિરાજ અને પ્રસિદ્ધ કૃષ્ણાએ ચાર-ચાર વિકેટ ઝડપી હતી.