જાપાની PM સનાએ તાકાઇચીની રાજકીય તાકાત દેખાઈ, ચૂંટણીમાં ઐતિહાસિક જીત; બે-તૃતીયાંશ બહુમત મેળવ્યું

ટોક્યો, 9 ફેબ્રુઆરી 2026: જાપાનમાં રવિવારે યોજાયેલી સંસદીય ચૂંટણીમાં વડાપ્રધાન સનાએ તાકાઇચીની લિબરલ ડેમોક્રેટિક પાર્ટી (LDP)એ શાનદાર જીત મેળવી છે. જાપાની મીડિયા અને પબ્લિક બ્રોડકાસ્ટર NHKના પ્રારંભિક પરિણામો અનુસાર, LDPએ એકલેજ 316 સીટો જીતી છે. આ 465 સભ્યોવાળા લોવર હાઉસમાં બે-તૃતીયાંશ બહુમત (સુપરમેજોરિટી)થી વધુ છે. લોવર હાઉસ જાપાનની સંસદનું સૌથી તાકાતવર સદન છે.

LDPની સ્થાપના 1955માં થઈ હતી અને ત્યારબાદ આ પાર્ટીની સૌથી મોટી જીત છે. આ જીતે 1986માં પૂર્વ વડાપ્રધાન યાસુહિરો નાકાસોનેના 300 સીટોના રેકોર્ડને તોડી નાખ્યો છે.

તાકાઇચીએ શું કહ્યું? જીત બાદ NHKને આપેલા ઇન્ટરવ્યૂમાં તાકાઇચીએ મુસ્કુરાતાં કહ્યું કે તેઓ હવે એવી નીતિઓ બનાવશે જે જાપાનને મજબૂત અને સમૃદ્ધ બનાવશે. તેઓએ કહ્યું કે તેઓ પોતાના નિર્ણયોમાં લવચીક રહેશે અને વિપક્ષના સમર્થનને પણ આમંત્રણ આપશે. તેઓએ ઉમેર્યું કે તેઓ પોતાના લક્ષ્યો પૂરા કરવાથી પાછા નહીં હટે. પાર્ટી હેડક્વાર્ટરમાં તેઓએ વિજેતા ઉમેદવારોના નામ પર મોટા લાલ રિબન લગાવ્યા અને કાર્યકર્તાઓએ તાળીઓ પાડી.

જાપાનમાં લોકપ્રિય છે તાકાઇચી સનાએ તાકાઇચી ઓક્ટોબર 2025માં જાપાનની પ્રથમ મહિલા વડાપ્રધાન બની હતી. તેમણે પદ સંભાળ્યા પછી માત્ર 3-4 મહિનામાં જ સ્નેપ ચૂંટણી યોજી, કારણ કે તેમની લોકપ્રિયતા અત્યંત વધુ હતી. તેમની મજબૂત છબી અને સ્ટાઇલે ખાસ કરીને યુવાનોને આકર્ષ્યા, જેઓ અગાઉ રાજકારણમાં ઓછી રસ ધરાવતા હતા. વિપક્ષ બિખરાયેલો હતો, તેથી કોઈ મોટી પડકાર આપી શક્યો નહીં. ચૂંટણીમાં LDPએ જાપાન ઇનોવેશન પાર્ટી (JIP) સાથે ગઠબંધન કર્યું હતું અને બંનેએ મળીને કુલ 352 સીટો જીતી છે.

તાકાઇચીની મુખ્ય નીતિઓ

• જાપાનની અર્થવ્યવસ્થા અને સૈન્ય તાકાત વધારવી.
• રક્ષા ખર્ચ વધારવો, હથિયાર નિકાસ પરની પ્રતિબંધ હટાવવો.
• ચીન સાથે વધતા તણાવ વચ્ચે અમેરિકા સાથે સંબંધો મજબૂત કરવા.
• ઇમિગ્રેશન પર કડક નિયમો, વિદેશીઓ પર સખ્ત કદમ.
• આર્થિક સુરક્ષા, ટેક્નોલોજી અને ઉદ્યોગને મજબૂત કરવા સરકારી ખર્ચ વધારવો.

હવે તેમની પાસે 2028 સુધી ચૂંટણી વિના આ ફેરફારો કરવાનો સમય છે.

બરફવર્ષા વચ્ચે લોકોએ કર્યું મતદાન ચૂંટણીના દિવસે જાપાનમાં ભારે બરફવર્ષા થઈ, ખાસ કરીને ઉત્તરી વિસ્તારોમાં રેકોર્ડ બરફથી રસ્તા બંધ થયા અને અનેક મોતના અહેવાલો આવ્યા. હવામાન ખરાબ હોવા છતાં મતદાન થયું અને ટર્નઆઉટ સારો રહ્યો. એક મતદાતા અકિહિતો ઇવાતાકેએ કહ્યું કે LDPની જીત સારી છે. આ જીત જાપાનની રાજકારણમાં મોટો બદલાવ લાવી શકે છે, જ્યાં હવે તાકાઇચી મજબૂત સ્થિતિમાં છે.

આ પણ વાંચો : NSA અજીત ડોવલે કેનેડામાં હાઈ લેવલ મીટિંગ કરી, કેનેડા સરકારે હિંસક ચરમપંથીઓને સમર્થન ન આપવાની વાત પુનરોચ્ચારી