વન ડે સિરીઝ માટે ટીમ ઈન્ડિયાની જાહેરાત, શુભમન ગિલની વાપસી, આ ખેલાડીઓ ટીમમાં સામેલ

India vs New Zealand ODI Series: ન્યૂઝીલેન્ડ સામે રમાનારી ત્રણ વનડે મેચોની સિરીઝ માટે સિલેક્ટર્સે સ્ક્વાડની જાહેરાત કરી દીધી છે. ખાસ વાત એ છે કે ટીમમાં નિયમિત કેપ્ટન શુભમન ગિલની વાપસી થઈ છે. તે દક્ષિણ આફ્રિકા સામેની સિરીઝમાં ઇજાગ્રસ્ત હોવાથી રમ્યો નહોતો. તે સમયે કેપ્ટનની જવાબદારી કેએલ રાહુલે સંભાળી હતી. પરંતુ હવે શુભમન ગિલ સંપૂર્ણ રીતે ફિટ થઈને ટીમમાં પરત આવ્યો છે. આ સિરીઝમાં તે ટીમ ઈન્ડિયાની કેપ્ટનશીપ સંભાળતો જોવા મળશે.

શ્રેયસ ઐયર ફિટ નથી

ન્યૂઝીલેન્ડ સામેની ODI સિરીઝ માટે રિષભ પંત અને શ્રેયસ ઐયર જેવા ખેલાડીઓને ટીમમાં સામેલ કરવામાં આવ્યા છે. જોકે, શ્રેયસ ઐયરની ઉપલબ્ધતા તેની ફિટનેસ પર નિર્ભર રહેશે. તેને હજુ સુધી BCCIના સેન્ટર ઓફ એક્સેલન્સ તરફથી ફિટનેસ સર્ટિફિકેટ મળ્યું નથી. જોકે, એવી અપેક્ષા રાખવામાં આવે છે કે તે ODI સિરીઝ પહેલા સંપૂર્ણપણે ફિટ થઈ જશે.

રોહિત અને કોહલી પાસેથી સારા પ્રદર્શનની અપેક્ષા

ભારતીય ટીમના સ્ટાર બેટ્સમેન રોહિત શર્મા અને વિરાટ કોહલીને ODI સિરીઝ માટે પસંદ કરવામાં આવ્યા છે. બંને ખેલાડીઓ સારા ફોર્મમાં છે અને ઘણા રન બનાવી રહ્યા છે. સાઉથ આફ્રિકા સામેની ODI સિરીઝમાં કોહલીએ સતત બે સદી ફટકારી હતી અને સિરીઝમાં કુલ 302 રન બનાવ્યા હતા, જેના કારણે તેને પ્લેયર ઓફ ધ સિરીઝનો એવોર્ડ મળ્યો હતો. બીજી તરફ, રોહિતે સિરીઝમાં બે અડધી સદી ફટકારી હતી. હવે, બંને પાસેથી ન્યૂઝીલેન્ડ સામેની ODI સિરીઝમાં સારા પ્રદર્શનની અપેક્ષા રાખવામાં આવશે.

ન્યુઝીલેન્ડ સામેની ODI સિરીઝ માટે ટીમ ઈન્ડિયાનો સ્ક્વાડ

શુભમન ગિલ (કેપ્ટન), રોહિત શર્મા, વિરાટ કોહલી, કેએલ રાહુલ (વિકેટકીપર), શ્રેયસ અય્યર (વાઈસ-કેપ્ટન), વોશિંગ્ટન સુંદર, રવીન્દ્ર જાડેજા, મોહમ્મદ સિરાજ, હર્ષિત રાણા, પ્રસિદ્ધ કૃષ્ણ, કુલદીપ યાદવ, ઋષભ પંત (વિકેટકીપર), નીતિશ કુમાર રેડ્ડી, અર્શદીપ સિંહ, યશસ્વી જયસ્વાલ

🚨 News 🚨

India’s squad for @IDFCFIRSTBank ODI series against New Zealand announced.

Details ▶️ https://t.co/Qpn22XBAPq#TeamIndia | #INDvNZ pic.twitter.com/8Qp2WXPS5P

— BCCI (@BCCI) January 3, 2026

IND vs NZ: ODI સિરીઝનું શિડ્યુલ

ન્યુઝીલેન્ડ સામેની ODI સિરીઝ 11 જાન્યુઆરીથી વડોદરામાં શરૂ થશે. બીજી ODI 14 જાન્યુઆરીએ રાજકોટમાં અને ત્રીજી ODI 18 જાન્યુઆરીએ ઇન્દોરમાં રમાશે. ચાહકો આ સિરીઝની આતુરતાથી રાહ જોઈ રહ્યા છે. આ સિરીઝ ફરી એકવાર કોહલી અને રોહિતની પ્રતિભા દર્શાવશે.

આ પણ વાંચો: BJPને જોઈને RSS ને સમજવાનો પ્રયાસ કરશો, તો તે એક મોટી ભૂલ હશે: મોહન ભાગવત