જો રતન ટાટા જીવતા હોત તો….પ્લેન ક્રેશના બે મહિના બાદ પણ વળતર ન મળતા પીડિતોએ વ્યક્ત કર્યું દુઃખ

નવી દિલ્હી, 11 ઓગસ્ટ, 2025: ચાલુ વર્ષે 12 જૂનના રોજ અમદાવાદમાં થયેલા પ્લેન ક્રેશને 2 મહિના પૂરા થઇ ગયા છે,પરંતુ પીડિતોને હજુ સુધી વળતરની રકમ મળી નથી. પીડિતોનો પક્ષ મુકનારા અમેરિકી એટર્ની એન્ડ્રુઝ કહે છે કે જો રતન ટાટા જીવતા હોત તો વળતરની રકમ મળવામાં આટલો વિલંબ થયો ન હોત!

એર ઇન્ડિયા વિમાન દુર્ઘટનામાં પોતાના પ્રિયજનો ગુમાવનારા 65 પરિવારો વતી માઇક એન્ડ્રુએ કહ્યું કે જો ટાટા કંપનીના ભૂતપૂર્વ ચેરમેન રતન ટાટા જીવતા હોત, તો પરિવારોને અત્યાર સુધીમાં વળતર મળી ગયું હોત.

માઇક એન્ડ્રુએ કેમેરા સામે વાત કરી

સમાચાર એજન્સી ANI સાથે વાત કરતા, એન્ડ્રુએ કહ્યું કે રતન ટાટાએ ક્યારેય વળતર આપવામાં વિલંબ કર્યો ન હતો. આ દર્શાવે છે કે જો તેઓ જીવતા હોત, તો AI171 વિમાન દુર્ઘટનામાં પોતાના પ્રિયજનો ગુમાવ્યા પછી પીડિતોના પરિવારોને આટલો સંઘર્ષ ન કરવો પડત.

માતાએ પોતાનો પુત્ર ગુમાવ્યો: માઇક

માઇક એન્ડ્રુએ કહ્યું, “અમે એક પીડિતના પરિવારને મળ્યા. એક વૃદ્ધ માતા પથારીવશ છે. તે તેના સ્વાસ્થ્ય સંભાળ માટે તેના પુત્ર પર નિર્ભર હતી. હવે તે આ દુનિયામાં નથી. તેમને વળતર મળી રહ્યું નથી. હવે તેઓએ શું કરવું જોઈએ?”

25 લાખ રૂપિયાનું વળતર મળ્યું

12 જૂને અમદાવાદ વિમાન દુર્ઘટના પછી, એર ઇન્ડિયાએ તમામ પીડિતોને 1 કરોડ રૂપિયાનું વળતર આપવાની જાહેરાત કરી હતી. બાદમાં, બીજા 25 લાખ રૂપિયા આપવાની જાહેરાત કરવામાં આવી હતી. 26 જુલાઈના રોજ, એર ઈન્ડિયાએ 26 લાખ રૂપિયાની રકમ જાહેર કરી. આ રકમ 229 મુસાફરોના 147 પરિવારોને આપવામાં આવી છે. જોકે, પીડિતોને હજુ સુધી 1 કરોડ રૂપિયાનું વળતર મળ્યું નથી.

વિમાન દુર્ઘટનામાં કેટલા લોકોના મોત થયા?

અમદાવાદ વિમાન દુર્ઘટનામાં 12 કેબિન ક્રૂ સભ્યો સહિત 241 મુસાફરોના મોત થયા. વિમાનમાં બેઠેલા ફક્ત એક જ મુસાફર બચી શક્યા. આ ઉપરાંત, બીજે મેડિકલ કોલેજના વાસણમાં જ્યાં વિમાન અથડાયું હતું ત્યાં પણ ઘણા લોકોએ જીવ ગુમાવ્યો. આ રીતે, મૃત્યુઆંક ૨75 પર પહોંચી ગયો હતો.

આ પણ વાંચોઃ જાણીતા અર્થશાસ્ત્રી જેફરી સૈક્સ કહે છે – ભારત મહાન શક્તિ છે, છતાં અમેરિકી નેતાઓને ભારતની પરવાહ નથી