‘પરપુરુષ સાથે જોઈ તો…’, રાત્રે 1 વાગ્યે પત્નીનું માથું વાઢી પતિ પોલીસ સ્ટેશન પહોંચ્યો
બેંગલુરુ 12 જૂન 2025: કર્ણાટકની રાજધાની બેંગલુરુના અનેકલ વિસ્તારમાંથી એક રૂવાંટા ઉભા કરી દે તેવી ઘટના સામે આવી છે. 28 વર્ષીય શંકરે તેની પત્ની માનસા (26)ની ક્રૂરતા પૂર્વક હત્યા કરી અને પછી રાત્રે ૧ વાગ્યે તેનું કપાયેલું માથું લઈને પોતે પોલીસ સ્ટેશન પહોંચ્યો. આ ઘટના અવૈધ સંબંધોના વિવાદ બાદ બની હતી.
શંકર અને તેની પત્ની માનસા થોડા સમય પહેલા બેંગલુરુ ગ્રામીણ જિલ્લાના હીલાલીગે ગામમાં ભાડાના મકાનમાં રહેવા આવ્યા હતા. શંકર વ્યવસાયે મજૂર છે અને ૩ જૂનની રાત્રે હંમેશની જેમ કામ પર જવાનું કહીને ઘરેથી નીકળી ગયો હતો.
હત્યા થઈ તે રાત્રે શું થયું?
શંકરે જણાવ્યું કે તે ૩ જૂનની રાત્રે વહેલા કામ પૂરું કરીને અચાનક ઘરે પાછો ફર્યો હતો. જ્યારે તે ઘરે પહોંચ્યો ત્યારે તેણે કથિત રીતે તેની પત્નીને બીજા પુરુષ સાથે જોવા મળી હતી. આ બાબતે બંને વચ્ચે ઉગ્ર ઝઘડો થયો હતો. આ ઘટના પછી મનસા ઘર છોડીને ચાલી ગઈ હતી.
સતત ઝઘડા અને તણાવ
પોલીસના જણાવ્યા અનુસાર, છેલ્લા કેટલાક દિવસોથી મનસા વારંવાર ઘરે પરત ફરી રહી હતી અને શંકરને માનસિક રીતે હેરાન કરી રહી હતી. હત્યાના એક રાત પહેલા પણ, તે ઘરે આવી અને ઘણો હોબાળો મચાવ્યો હતો. આ તણાવે શંકરને માનસિક રીતે ભાંગી નાખ્યો હતો. ગુસ્સામાં આવીને, શંકરે 4 જૂનની રાત્રે માનસાનું ગળું કાપીને હત્યા કરી હોવાનો આરોપ છે. આ પછી, તેણે તેનું કપાયેલું માથું બેગમાં મૂકી દીધું અને સીધો સૂર્યનગર પોલીસ સ્ટેશન ગયો અને આત્મસમર્પણ કર્યું હતુ.
પોલીસનું નિવેદન
બેંગલુરુ ગ્રામીણ પોલીસ અધિક્ષક (SP) સીકે બાબાએ જણાવ્યું હતું કે, “રાત્રે પતિ-પત્ની વચ્ચે ઝઘડો થયો હતો. તે દરમિયાન, પતિએ પત્નીને ખૂબ માર માર્યો અને પછી તેની હત્યા કરી દીધી હતી. હત્યા પછી, તે પોતે પોલીસ સ્ટેશન આવ્યો અને ગુનો કબૂલ કર્યો. આ અફેર પ્રકાશમાં આવ્યા પછી, ગયા અઠવાડિયાથી બંને વચ્ચે ઝઘડો ચાલી રહ્યો હતો. તેમને એક બાળક પણ છે.”
શંકરને કસ્ટડીમાં લેવામાં આવ્યો
શંકરને તાત્કાલિક કસ્ટડીમાં લેવામાં આવ્યો અને હત્યાનો કેસ નોંધવામાં આવ્યો. સૂર્યનગર પોલીસે ઘટનાસ્થળે પહોંચીને તપાસ શરૂ કરી. પોલીસ શંકરના આરોપો કેટલા સાચા છે અને હત્યા પૂર્વ આયોજિત હતી કે કેમ તેની પણ તપાસ કરી રહી છે.
આ પણ વાંચો: પતિના પગલે કાજોલ, ફિલ્મ ‘મા’માં શેતાન જેવા ખતરનાક અવતારમાં જોવા મળશે, શું અજય કેમિયો કરશે?
