હોર્મુઝ તણાવનો આવશે અંત! ઓમાન સાથે વાટાઘાટો કરી રહ્યું છે ઈરાન, વાતચીત અંતિમ તબક્કામાં

Strait Of Hormuz : ઈરાને એક નવો દાવો કર્યો છે કે, તે હોર્મુઝ સ્ટ્રેટમાંથી જહાજો પસાર કરવા માટે નવા દરિયાઈ માર્ગ પર ઓમાન સાથે કરાર પર પહોંચી ગયો છે. આ સોદો હવે તેના અંતિમ તબક્કામાં છે. જોકે, ઈરાને એ પણ સ્પષ્ટતા કરી છે કે આ કરાર દરિયાઈ સુરક્ષાની ગેરંટી આપતો નથી. ઈરાને એમ પણ કહ્યું છે કે, યુએસ નૌકાદળ નાકાબંધી અને લશ્કરી પ્રવૃત્તિઓ આ ક્ષેત્રમાં તણાવનું સૌથી મોટું કારણ છે.

ઈરાનના વિદેશ મંત્રાલયના પ્રવક્તા ઈસ્માઈલ બકાઈએ જણાવ્યું હતું કે, નવા દરિયાઈ માર્ગ પર ઓમાન સાથે વાટાઘાટો તેના અંતિમ તબક્કામાં પહોંચી ગઈ છે. તેમણે કહ્યું હતું કે બંને દેશો ભૌગોલિક સંકલન પર સંમત થયા છે. જોકે, તેમણે કરારની સંપૂર્ણ વિગતો આપી નથી.

ઈરાન અમેરિકા પર સુરક્ષા બગડવાનો લગાવ્યો આરોપ

બકાઈએ જણાવ્યું હતું કે, આ કરાર પછી પણ હોર્મુઝ સ્ટ્રેટને સલામત ગણી શકાય નહીં. અમેરિકા હજુ પણ ઈરાની બંદરોની નૌકાદળ નાકાબંધી જાળવી રાખે છે. તેમણે આરોપ લગાવ્યો છે કે, યુએસ આક્રમક લશ્કરી પ્રવૃત્તિઓ અને પ્રતિબંધો દરિયાઈ વેપારને અસર કરી રહ્યા છે. હાલમાં, ઈરાનના નિવેદન અને સમગ્ર પ્રસ્તાવ પર અમેરિકા અને ઓમાન તરફથી કોઈ સત્તાવાર પ્રતિભાવ આવ્યો નથી.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

ઈરાન-યુએસ તણાવ વચ્ચે ફરી બંધ કરાઈ હતી હોર્મુઝ સ્ટ્રેટ

ફેબ્રુઆરીમાં ઈરાન પર અમેરિકા અને ઈઝરાયલના હુમલા બાદ, તેહરાને હોર્મુઝ સ્ટ્રેટ દ્વારા શિપિંગ પર કડક પ્રતિબંધો લાદ્યા હતા. જોકે, અમેરિકા અને ઈરાન વચ્ચે યુદ્ધવિરામ કરાર બાદ આ સ્ટ્રેટ ફરીથી ખોલવામાં આવ્યો હતો. જોકે, જુલાઈમાં બંને દેશો વચ્ચે લશ્કરી તણાવ ફરી વધ્યો હતો, જેના કારણે ઈરાને ફરીથી હોર્મુઝ સ્ટ્રેટ દ્વારા શિપિંગને અવરોધિત કર્યું હતું. આ વિશ્વના સૌથી મહત્વપૂર્ણ દરિયાઈ વેપાર માર્ગોમાંનો એક છે, જે વૈશ્વિક તેલ અને LNG વેપારનો આશરે 20 ટકા હિસ્સો વહન કરે છે.

ટ્રમ્પે ઈરાનને આપી હતી કડક ચેતવણી

અમેરિકાના રાષ્ટ્રપતિ ડોનાલ્ડ ટ્રમ્પે મંગળવાર 4 ઓગસ્ટના રોજ ચેતવણી આપી હતી કે, જો હોર્મુઝ સ્ટ્રેટ ટૂંક સમયમાં ફરીથી ખોલવામાં નહીં આવે તો ઈરાનને ગંભીર પરિણામોનો સામનો કરવો પડશે. અગાઉ, યુએસ અધિકારીઓએ સંકેત આપ્યો હતો કે શિપિંગ પુનઃસ્થાપિત કરવા માટે વાટાઘાટોમાં પ્રગતિ થઈ છે. જોકે, ઈરાને સતત કહ્યું છે કે, તે અમેરિકા સાથે કોઈ સીધી વાતચીત કરી રહ્યું નથી.

નવો સમુદ્રી માર્ગ કામચલાઉ રહેશે છ ઈરાન

ઈરાનના નાયબ વિદેશ પ્રધાન, કાઝેમ ઘરીબબાદીએ સરકારી સમાચાર એજન્સી IRNAને જણાવ્યું હતું કે, ઓમાન સાથે સંમત થયેલ નવો સમુદ્રી માર્ગ કામચલાઉ રહેશે અને બે થી ચાર મહિના સુધી ચાલુ રહી શકે છે. જોકે, તેમણે તેના સંચાલન સંબંધિત ટેકનિકલ વિગતો જાહેર કરી નથી.

ટ્રાન્ઝિટ ફી રહ્યો છે સૌથી મોટો વિવાદ

હોર્મુઝ સ્ટ્રેટ અંગે ઈરાન અને અમેરિકા વચ્ચેનો સૌથી મોટો વિવાદ ટ્રાન્ઝિટ ફીનો છે. અહેવાલો અનુસાર, ઈરાન ઇચ્છે છે કે, સ્ટ્રેટમાંથી પસાર થતા જહાજો તેમના કાર્ગોના મૂલ્યના 5 થી 7 ટકા ફી ચૂકવે. બીજી તરફ, ઓમાન લગભગ 3 ટકા ફીની તરફેણ કરે છે, જ્યારે અમેરિકા કોઈપણ ફીનો સંપૂર્ણપણે વિરોધ કરે છે. રોઇટર્સના અહેવાલ મુજબ, જો પ્રસ્તાવિત વ્યવસ્થા લાગુ કરવામાં આવે છે, તો પર્સિયન ગલ્ફમાં પ્રવેશતા જહાજો પર ઈરાનનું નિયંત્રણ પણ વધી શકે છે.

આ પણ વાંચો : શું છે એનાલોગ પનીર, ચીઝ અને ટોફુ? આ કારણે તેના પર લગાવવામાં આવી રહ્યો છે પ્રતિબંધ