અમેરિકાના ટેરિફ સામે ખેડૂતોને બચાવવા સરકાર તપાસી રહી છે વૈકલ્પિક બજાર અને નવી આવકના સ્ત્રોત

નવી દિલ્હી, 9 સપ્ટેમ્બર, 2025: સરકાર અમેરિકા દ્વારા લાદવામાં આવેલા ટેરિફની અસર સામે ખેડૂતોની રક્ષા કરવા માટે વૈકલ્પિક નિકાસ સ્થળો અને આયાતમાં ફેરફારની વ્યૂહરચનાઓ પર વિચારી કરી રહી છે. ભારતીય કૃષિ સંશોધન કાઉન્સિલ (ICAR)ના વાઇસ પ્રેસિડન્ટ (પાક વિજ્ઞાન) ડી.કે. યાદવે આ જાણકારી આપી છે.

તેઓ ‘ડાયલોગ નેક્સ્ટ’ પ્રેસ કોન્ફરન્સમાં પત્રકારો સાથે વાત કરી રહ્યા હતા, જે અમેરિકામાં વર્લ્ડ ફૂડ પ્રાઇઝ ફાઉન્ડેશન દ્વારા ભારતમાં પ્રથમ વખત આયોજિત ચર્ચા શ્રેણી છે. “સરકાર ખેડૂતોના હિતોનું રક્ષણ કરવા માટે તમામ વિકલ્પો શોધવાનો પ્રયાસ કરી રહી છે. જ્યાં સુધી નિકાસનો સવાલ છે, સંબંધિત મંત્રાલયો પહેલાથી જ વિવિધ ચીજવસ્તુઓની નિકાસ માટે વૈકલ્પિક દેશો શોધી રહ્યા છે,” યાદવે પ્રેસ કોન્ફરન્સમાં જણાવ્યું હતું.

આનુવંશિક રીતે સુધારેલા સોયાબીન અને મકાઈ, તેમજ દૂધ અને દૂધના ઉત્પાદનોની આયાતના મુદ્દા પર, યાદવે કહ્યું કે સરકારનું “ખૂબ જ સ્પષ્ટ વલણ” છે અને તે વૈકલ્પિક આયાત સ્ત્રોતો ઓળખી રહી છે. પ્રેસ કોન્ફરન્સમાં હાજર અન્ય નિષ્ણાતોએ જણાવ્યું હતું કે આનુવંશિક રીતે સુધારેલા (GM) પાક ખરેખર કૃષિમાં ચોક્કસ પડકારોનો લક્ષિત ઉકેલ આપી શકે છે. પરંતુ તેમની અસરકારકતા પાક અને લાક્ષણિકતાઓમાં વ્યાપકપણે બદલાય છે.

નોબેલ પુરસ્કાર વિજેતા નોર્મન બોરલોગને ટાંકીને, યુએસ સ્થિત વર્લ્ડ ફૂડ પ્રાઇઝ ફાઉન્ડેશનના સિનિયર ડિરેક્ટર (સ્ટ્રેટેજિક કોમ્યુનિકેશન્સ) નિકોલ બેરેકા પ્રેંગરે કહ્યું, “કોઈપણ સંભવિત ઉકેલ બધા દ્વારા ધ્યાનમાં લેવો જોઈએ. તે દરેક ખેડૂત માટે યોગ્ય ઉકેલ ન હોઈ શકે તેવુ બની શકે છે, પરંતુ GM એ એવી વસ્તુ છે જેનો આપણે વિચાર કરવો જોઈએ.”

યાદવે કહ્યું, “આપણી પોતાની સિસ્ટમમાં પણ, અમે સમજવાનો પ્રયાસ કરી રહ્યા છીએ કે કયા પ્રકારની આયાતનો અવકાશ છે અને આત્મનિર્ભર કેવી રીતે બનવું. દેશના ટોચના નેતૃત્વના કાર્યાલયથી લઈને તમામ વિભાગો સુધી, આ નિર્ણયો પર વિચાર કરવામાં આવી રહ્યો છે જેથી આપણે આપણા પોતાના ઉત્પાદિત માલ પર વધુ આધાર રાખી શકીએ અને ખેડૂતોને સારા ભાવ મળી શકે.”

યાદવે કહ્યું કે છેલ્લા બે થી ત્રણ મહિનામાં ચર્ચા કરાયેલા કાર્યક્રમો તે માલમાં આત્મનિર્ભરતા પ્રાપ્ત કરવા પર ધ્યાન કેન્દ્રિત કરે છે જેના માટે ભારત અમેરિકા અને અન્ય દેશો પર ભારે નિર્ભર છે. તેમણે કહ્યું, “હાલમાં ચાલી રહેલા તમામ પ્રયાસો અને સરકારી નીતિઓ સાથે, ખેડૂતોને કોઈપણ પ્રકારનું નુકસાન થશે નહીં તેવો વડા પ્રધાન વારંવાર પુનરોર્ચાર કરે છે. આપણા મંત્રીઓ પણ આ મુદ્દાઓ પર નિયમિતપણે ચર્ચા કરે છે. ICAR અધિકારીઓએ ખાતરી આપી હતી કે ખેડૂતોનું હિત સર્વોપરી છે.

આ પણ વાંચોઃ