ભારતીય ઇક્વિટી બજારમાં નરમાઇ, સેન્સેક્સ અને નિફ્ટી ડાઉન

મુંબઇ, 3 નવેમ્બર, 2025: એશિયન બજારોના મિશ્ર અહેવાલો પાછળ આજે ભારતીય ઇક્વિટીમાં નરમાઇ જોવા મળી રહી છે. જેમાં સેન્સેક્સ પાછલા બંધ 83,938 સામે ફક્ત 3 પોઇન્ટ નીચે 83,835 સામે ખુલીને ઝડપથી ઘટીને હાલમાં 208 પોઇન્ટ નીચે ચાલી રહ્યો છે. જ્યારે નિફ્ટી 50 ઇન્ડેક્સ પાછલા બંધ 25,722 સામે 26 પોઇન્ટ નરમ 25,696 પર ખુલી હતી અને હાલમાં 40 પોઇન્ટ નીચે ચાલી રહી છે.

દરમિયાનમાં આજે સવારે 8.52 કલાકે ગિફ્ટ નિફ્ટી 52 પોઇન્ટ નીચે ક્વોટ થઇ હતી. નોંધનીય છે કે ગત શુક્રવારે એટલે કે 31 ઓક્ટોબરે સેન્સેક્સ 465 પોઇન્ટ નિફ્ટી 155 પોઇન્ટ ઘટીને બંધ આવી હતી. તાજેતરમાં જીએસટી કાઉન્સિલ દ્વારા જીએસટીના દરોમાં સુધારો જાહેર કરાયો હોવા છતાં પણ ભારતનું જીએસટી વસૂલાત વાર્ષિક ધોરણે 4.6 ટકા વધીને રૂ. 1.96 લાખ કરોડ થયો છે. સરકારી ડેટાના અનુસાર પાછલા વર્ષના સમાન મહિનામાં જીએસટી વસૂલાત રૂ. 187 લાખ કરોડ હતી.

એશિયન માર્કેટ

એશિયન માર્કેટમાં આજે મિશ્ર વલણ જોવા મળ્યુ છે. જેમાં દક્ષિણ કોરિયાનો કોસ્પી 1 ટકા વધારા સાથે ખુલ્યો છે, જ્યારે કોસડેક પણ પ્રારંભિક ટ્રેડમાં વધ્યો હતો. તેની સામે ઓસ્ટ્રેલિયાનો ASX 200માં નબળી શરૂઆત થઇ હતી જે 0.4 ટકાની આસપાસનો ઘટાડ દર્શાવતો હતો. જાપાનમાં જાહેર રજાને કારણે ટ્રેડીંગ બંધ રહ્યું હતું.

અમેરિકન બજારો

અમેરિકન બજારો શુક્રવારે વધીને બંધ આવ્યા હતા. જેમાં નાસડેક કંપોઝીટ 0.61 ટકા, એસએન્ડપી 500 ઇન્ડેક્સ 0.26 ટકા તેમજ ડાઉ જોન્સ ઇન્ડસ્ટ્રીયલ એવરેજ 0.09 ટકા વધીને બંધ આવ્યા હતા. અમેરિકા ચીન વચ્ચે થયેલી સમજૂતિની અમેરિકમ માર્કેટમાં આજે અસર જોવા મળશે તેમ મનાય છે.

આ શેર્સ પર રહેશે ફોકસ

રોકાણકારોની વૈશ્વિક વિકાસ, મુખ્ય કોર્પોરેટ પરિણામો અને યુએસ ફેડરલ રિઝર્વના નીતિ પરિણામો પર નજર રહેશે. ચાલો જાણીએ આ શેર્સ ક્યા છે.

આજે બીજા ક્વાર્ટરના પરિણામો

ભારતી એરટેલ, ટાઇટન કંપની, ટાટા કન્ઝ્યુમર પ્રોડક્ટ્સ, પાવર ગ્રીડ કોર્પોરેશન ઓફ ઇન્ડિયા, ACME સોલર હોલ્ડિંગ્સ, અજંતા ફાર્મા, અંબુજા સિમેન્ટ્સ, ભારતી હેક્સાકોમ, સિટી યુનિયન બેંક, ગ્લેન્ડ ફાર્મા, જેકે પેપર, હિટાચી એનર્જી ઇન્ડિયા, સ્ટોવ ક્રાફ્ટ, TBO ટેક, ટિમકેન ઇન્ડિયા, વેબસોલ એનર્જી સિસ્ટમ્સ, વેસ્ટલાઇફ ફૂડવર્લ્ડ અને વોકહાર્ટ આજે તેમના ત્રિમાસિક પરિણામો જાહેર કરશે.

બીપીસીએલ – બીજા ક્વાર્ટરમાં કંપનીનો નફો 169.5% વધીને રૂ. 6,191.5 કરોડ થયો છે, જે અગાઉ રૂ. 2,297.2 કરોડ હતો. આવક 2.1% વધીને રૂ. 1,04,946.3 કરોડ થઈ છે જે અગાઉ રૂ. 1,02,785.3 કરોડ હતી.

બેંક ઓફ બરોડા – નફો 8.2% ઘટીને રૂ. 4,809.4 કરોડ થયો છે, જે અગાઉ રૂ. 5,237.9 કરોડ હતો. ચોખ્ખી વ્યાજ આવક 2.7% વધીને રૂ. 11,953.6 કરોડ થઈ, જે અગાઉ રૂ. 11,637.2 કરોડ હતી.

ગોદરેજ કન્ઝ્યુમર પ્રોડક્ટ્સ – તેનો નફો 6.5% ઘટીને રૂ. 459.3 કરોડ થયો, જે અગાઉ રૂ. 491.3 કરોડ હતો. આવક 4.3% વધીને રૂ. 3,825.1 કરોડ થઈ, જે અગાઉ રૂ. 3,666.3 કરોડ હતી.

ટાટા કેમિકલ્સ – તેનો નફો 60.3% ઘટીને રૂ. 77 કરોડ થયો, જે અગાઉ રૂ. 194 કરોડ હતો. આવક 3% ઘટીને રૂ. 3,877 કરોડ થઈ, જે અગાઉ રૂ. 3,999 કરોડ હતી.

જેકે સિમેન્ટ – કંપનીનો ત્રિમાસિક નફો 27.6% વધીને રૂ. 160.5 કરોડ થયો, જે અગાઉ રૂ. 125.8 કરોડ હતો. આવક 18% વધીને રૂ. 3,019.2 કરોડ થઈ, જે અગાઉ રૂ. 2,560.1 કરોડ હતી.

SBFC ફાઇનાન્સ – તેનો નફો 30% વધીને રૂ. 109.1 કરોડ થયો, જે અગાઉ રૂ. 84 કરોડ હતો. આવક 32% વધીને રૂ. 281.8 કરોડ થઈ, જે અગાઉ રૂ. 213.5 કરોડ હતી.

મહિન્દ્રા લાઇફસ્પેસ ડેવલપર્સ – તેનો નફો રૂ. 47.9 કરોડ થયો, જે ગયા વર્ષે રૂ.  14.02 કરોડનું નુકસાન હતુ. આવક 130.7% વધીને રૂ. 17.56 કરોડ થઈ, જે ગયા વર્ષે રૂ.7.6 કરોડ હતી.

પતંજલિ ફૂડ્સ – પતંજલિ ફૂડ્સનો નફો 67.4% વધીને રૂ. 516.7 કરોડ થયો, જે અગાઉ રૂ. 308.6 કરોડ હતો. આવક 21% વધીને રૂ. 9,798.8 કરોડ થઈ, જે અગાઉ રૂ. 8,101.6 કરોડ હતી.

મારુતિ સુઝુકી ઇન્ડિયા – કંપનીનું કુલ ઓક્ટોબર વેચાણ 7% વધીને 2.2 લાખ યુનિટ થયું, જે અગાઉ 2.06 લાખ યુનિટ હતું. સ્થાનિક વેચાણ 9.4% વધીને 1.89 લાખ યુનિટ થયું છે જે અગાઉ 1.73 લાખ યુનિટ હતું.

હ્યુન્ડાઇ મોટર ઇન્ડિયા – હ્યુન્ડાઇ ક્રેટા અને વેન્યુએ સંયુક્ત રીતે 30,119 યુનિટનું બીજા ક્રમનું સૌથી વધુ માસિક વેચાણ હાંસલ કર્યું છે.

ટાટા મોટર્સ – પેસેન્જર વાહનો – સ્થાનિક પેસેન્જર વાહનોનું વેચાણ 27% વધીને 61,134 યુનિટ થયું છે જે અગાઉ 48,131 યુનિટ હતું. કુલ પેસેન્જર વાહનોનું વેચાણ (ઇવી સહિત) 26.6% વધીને 61,295 યુનિટ થયું છે જે અગાઉ 48,423 યુનિટ હતું.

ટીટાગઢ રેલ સિસ્ટમ્સ – ટીટાગઢ રેલને મુંબઈ મેટ્રો લાઇન 5 માટે મુંબઈ મેટ્રોપોલિટન રિજન ડેવલપમેન્ટ ઓથોરિટી (MMRDA) તરફથી રૂ. 2,481 કરોડનો કરાર મળ્યો છે.

CE ઇન્ફો સિસ્ટમ્સ – દિલ્હી મેટ્રો રેલ કોર્પોરેશન (DMRC) એ DMRC ના API ને Mappls એપમાં એકીકૃત કરવા માટે Mappls MapmyIndia સાથે સમજૂતી કરાર (MoU) પર હસ્તાક્ષર કર્યા છે.

રેલટેલ કોર્પોરેશન ઓફ ઈન્ડિયા – કંપનીને રાજસ્થાન કાઉન્સિલ ઓફ સ્કૂલ એજ્યુકેશન તરફથી રૂ. 32.43 કરોડની સેવાઓ માટે સ્વીકૃતિ પત્ર મળ્યો છે.

NCC – કંપનીને ઓક્ટોબરમાં રૂ. 710 કરોડના ચાર વધુ ઓર્ડર મળ્યા છે. આમાંથી, રૂ. 590.9 કરોડ બિલ્ડિંગ ડિવિઝન માટે અને રૂ. 119.1 કરોડ ટ્રાન્સપોર્ટેશન ડિવિઝન માટે હતા. આ ઓર્ડર 25 ઓક્ટોબરે મળેલા રૂ. 6,828.94 કરોડના મોટા ઓર્ડર ઉપરાંત છે.

NTPC ગ્રીન એનર્જી – NTPC ની પેટાકંપનીએ 2 GW કે તેથી વધુ ક્ષમતાવાળા રિન્યુએબલ એનર્જી પ્રોજેક્ટ્સ વિકસાવવા માટે CtrlS ડેટાસેન્ટર્સ સાથે સમજૂતી કરાર (MoU) પર હસ્તાક્ષર કર્યા છે.

ગુજરાત ગેસ – પંકજ જોશીએ નિવૃત્તિને કારણે 1 નવેમ્બરથી કંપનીના ડિરેક્ટર અને ચેરમેન પદેથી રાજીનામું આપ્યું છે. બોર્ડે મનોજ કુમાર દાસને 2 નવેમ્બરથી કંપનીના વધારાના ડિરેક્ટર અને ચેરમેન તરીકે નિયુક્ત કર્યા છે.

હિન્દુસ્તાન યુનિલિવર – FMCG કંપનીને નાણાકીય વર્ષ 2020-21 માટે રૂ. 1,986.25 કરોડની ડિમાન્ડ નોટિસ સાથે આવકવેરા વિભાગ તરફથી આકારણી ઓર્ડર મળ્યો છે.

આ પણ વાંચોઃ અનિલ અંબાણી ગ્રુપ પર EDની મોટી કાર્યવાહી, 3084 કરોડની 40થી વધુ પ્રોપર્ટી જપ્ત કરી