ટ્રમ્પને મોટો ફટકો, 1919 પછી મૂડીઝે અમેરિકાનું રેટિંગ ઘટાડ્યું, 36 ટ્રિલિયન ડોલરનું દેવું બન્યું ગડબડ
વોશિંગટન, 17 મે :ગ્લોબલ રેટિંગ એજન્સી મૂડીઝ ઇન્વેસ્ટર્સ સર્વિસે વિશ્વની સૌથી મોટી અર્થવ્યવસ્થા અમેરિકાને મોટો ઝટકો આપ્યો છે. એજન્સીએ અમેરિકાનું ક્રેડિટ રેટિંગ Aaa થી ઘટાડીને Aa1 કર્યું છે. તેમજ દૃષ્ટિકોણ નકારાત્મકથી સ્થિરમાં બદલાઈ ગયો છે. મૂડીઝનો આ નિર્ણય અમેરિકાના ઝડપથી વધતા દેવા, સતત મોટી રાજકોષીય ખાધ અને વ્યાજ ચુકવણીના વધતા દબાણને ધ્યાનમાં રાખીને લેવામાં આવ્યો છે. હાલમાં અમેરિકા પર કુલ દેવું 36 ટ્રિલિયન ડોલર સુધી પહોંચી ગયું છે.
અમેરિકન અર્થતંત્રનો સમય સારો નથી. એક પછી એક રેટિંગ એજન્સીઓએ તેમના રેટિંગ ઘટાડવાનું શરૂ કર્યું છે. એવામાં હવે રેટિંગ એજન્સી મૂડીઝે અમેરિકાના ક્રેડિટ રેટિંગમાં ઘટાડો કર્યો છે. મૂડીઝ ઇન્વેસ્ટર્સ સર્વિસે અમેરિકાના વધી રહેલા $36 ટ્રિલિયન દેવાના બોજ અંગે વધતી ચિંતાઓને ટાંકીને ક્રેડિટ રેટિંગમાં ઘટાડો કર્યો છે.
મૂડીઝે અમેરિકાના ક્રેડિટ રેટિંગમાં ઘટાડો કર્યો
મૂડીઝે યુએસ ક્રેડિટ સ્કોર Aaa થી ઘટાડીને Aa1 કર્યો છે. આ સાથે, અમેરિકાએ મૂડીઝ રેટિંગ્સ દ્વારા આપવામાં આવેલ છેલ્લી ટોચની ક્રેડિટ રેટિંગ ગુમાવી દીધી છે. બ્લૂમબર્ગના રિપોર્ટ મુજબ, આ વધતા દેવા અને ખાધ અંગે વધતી ચિંતા દર્શાવે છે. મૂડીઝે 1919 થી યુનાઇટેડ સ્ટેટ્સનું ટોચનું Aaa રેટિંગ જાળવી રાખ્યું હતું અને તેને ડાઉનગ્રેડ કરનારી ત્રણ મુખ્ય ક્રેડિટ રેટિંગ એજન્સીઓમાંની છેલ્લી હતી.
અમેરિકાએ હવે લોન લેવા માટે વધારે વ્યાજ ચૂકવવું પડશે
અગાઉ, ફિચ રેટિંગ્સ અને એસ એન્ડ પી ગ્લોબલ રેટિંગ્સે વિશ્વની સૌથી મોટી અર્થવ્યવસ્થાને ટોચના ટ્રિપલ-એ પોઝિશન કરતા નીચો ગ્રેડ આપ્યો હતો. સતત ઊંચી રાજકોષીય ખાધ અને વધતા વ્યાજ ચૂકવણીને કારણે મૂડીઝે 2023 માટે નકારાત્મક દૃષ્ટિકોણ અપનાવ્યા બાદ આ નિર્ણય લેવામાં આવ્યો છે. આથી હવે એવું કહી શકાય કે, અમેરિકાએ હવે લોન લેવા માટે વધારે વ્યાજ ચૂકવવું પડશે.
બજેટ ખાધમાં ઘટાડો થવાના કોઈ સંકેત નથી: મૂડીઝ
મૂડીઝે વારંવાર વધતી જતી બજેટ ખાધ માટે વહીવટીતંત્ર અને કોંગ્રેસને દોષી ઠેરવ્યા છે, જે ધીમી પડવાના કોઈ સંકેતો દેખાતા નથી. શુક્રવારે, વોશિંગ્ટનમાં કાયદા ઘડનારાઓએ એક મુખ્ય કર અને ખર્ચ બિલ પર કામ આગળ ધપાવ્યું. આનાથી આગામી વર્ષોમાં ફેડરલ દેવામાં અબજો ડોલરનો વધારો થવાની ધારણા છે.
દેશ મુશ્કેલ સમયમાંથી પસાર થઈ રહ્યો છે અને એક નવી વાર્તા : સુપ્રીમ કોર્ટ કઈ અરજી પર ગુસ્સે થઈ?
હું મુસ્લિમ છું પણ…; કર્નલ સોફિયા કુરેશીના વાયરલ વીડિયો પાછળનું સત્ય શું છે?
ઝડપથી સમાચાર મેળવવા માટે જોઈન કરો અમારા વોટ્સઅપ ગ્રુપમાં
https://chat.whatsapp.com/FU8bgMOynfgJl4wCoEeiJw
